Orome 14:19 - Anatunya Buku Baepole Ole Testamene Pii Lapo dee Nuu Tesamene

¹⁹ Dokona lao mona kyuu lao sera kata dokona koto pimana. Dopa pyuo pipala akali yango dupwa porainyi pyambwamanale.

Orome 14:19 ပူးပေါင်းရင်းမြစ်များ

Samu 34:14

Koo dupwa mata maiyuo kaeyo keyange pipi. Mona kyuu lao singi renge dokona reoe lao yulu poraiyuo pipala koto nyere.

Matyu 5:9

Pau lanyi pyambuo minyuo nyepa pingi wambu dupwa Anatunya wane ingyuo karaminyi larami dokona nakama rae maiyuo pelyaminyi.

Make 9:50

Kota doko keyange ingilyamo. Keyange ingilyamo doŋo kota kemara ramo doko apa pyuo dee keke pinya larama? Nakamana monarena kota keke pili lao sinya lao karo yango sukusa yalya kando pisipwape, leya.

Orome 12:18

Emba range keta mondo lao pirili yulu paliramo dokona akali peparae keta mona kyuu lao sinyale lao pyuo karape.

Orome 15:2

Namwame yangonge dupwa mona seramo karena lao lakando karamana. Dopa pirama dokopa banya Yesu kapa ingingi lao soo nyiyamo doko poraiyuo andara.

1 Korina 10:23

Lapome, Yulu peparae mee namwa kapa pirama ingilyamo letaminyi. Kapa pirami doŋo yulu peparae keyangeko daa. Yulu peparae mee namwa pirama ingyapyamopape yulu dupwa peparaeme namwa nyisa nara.

1 Korina 10:33

Namba pilyu dopa pyuo moko minyuo pipwape. Nambame rangena yulu dupwa suu pyaa nao wambu peparae keta elya pinyi pyambuo pilyu. Dokona nakama lete wai pyao parami ingilyamo.

1 Korina 14:26

Yangonemoo apa lao letose? Nakama misi sela epenge dokopa akali mendeme kenane pyao mendeme pii polo lao mendali keta Anatunya pii epo pano pyongo pyaramo lao pirami. Dee mendeme wambunya pii daa mee menderende see nao laramopa mendalimi pii doko polo lara. Dusipame Elyambu Pingi nyisa nara ramo doko kaemanale.

1 Korina 14:3

Anatunya pii polo lakamaingi akali doko baa wambu porainyi pyambuo mona minyarambu lao nyiso karenge.

1 Korina 14:4

Akali pii rara wakale laramo doko baa range iki nyisingi. Dee mendeme Anatunya pii lao karenge dokome Elyambu Pingi peparae nyisingi.

1 Korina 14:5

Nakama peparaeme wambunya pii daa mee menderende see nao lamili yaka lao suu pyapunupape nakama Anatunya pii polo lakamairami ramo doko angi mupwa ingyara lyakande. Akali wambunya pii daa mee menderende see nao lenge dokopa wakale mendeme renge polo laa nara ramo doko Elyambu Pingi wambu soo porai ingya narami. Dokona Anatunya pii polo lakamaingi yulu dokome wambunya pii daa mee menderende see nao lenge doko nyuo isa palyilyamo.

1 Korina 7:15

Dopa piramopape akali Kurisene angili daa dokome Kurisene enda yaki nyero lara ramo doko pii mende daa. Dokona lao enda doko mee kapa para. Dee Kurisene akalinde mee endande nyera ramo dokome rekya laro lara ramo doko pii mende daa. Akali doko kapa karara. Anatumi nakama mona kyuu lao seramo pisirambi lao rombo palyiya.

1 Korina 8:1

Kingimi wasisi dupwana suu pyao mena kiso maingi dokona lao langiru. Doko kinyi kinyi, Namwa peparae singinya renge silyamano letaminyi. Dopa pyuo letaminyiko doŋo singinya renge dokome akali moŋokyaŋe sinyi nembelyamopape mona retenge renge dokome kapa palyuo karara.

2 Korina 12:19

Yuu peparae wambu dupwame pii nambwa keta yanda pimwaiyuo lakalyaminyi dokopa nambwa range kyawa minyuo letambinyi lao suu pilyamisi? Dopa pii nalyambano. Anatunya lenge kambunya karo Koraisame pii lalapape lapyamuli pyuo letambano. Yangonemoo nambwa yulu peparae pilyambano dokome nakama nyisalana pilyambano.

2 Korina 13:11

Yangonemoo karalapape. Koo mende pii nao mondo lao karalapape. Nambana pii dake warombo selapa. Nakama mona mendare palyuo dokopa suu pingi mendaki palyuo lambo lao karalapape. Dopa piraminyi dokopa Anatu mona retengepe mona kyuu lao singipi doko baa nakama pipya role pyao karara.

Epesasa 4:12

Dokome Anatunya yapasi wambu dupwa mondo lanyi pyambuo dokopa Kurisene yulu pirami dokome Koraisana yongo dokona andanyi nembaraŋa lao piya.

Epesasa 4:29

Pii koo dupwa nakamana kambunya neta nyii nao pii keyange yapo, pii keyange dupwa lao wambu yango nyisaraminyi dokopa serami dupwa elya pisi ingyuo parami.

1 Timoti 1:4

Nakama sinju pii dupwape rora ambasupinya kingi dupwape ketae pyambuo lao kara nana lamairi. Pii dopale lao kararami ramo doko wambu dupwana kyawa sisingi bolombalo larasa angi doko anjuku lao saka naramisa pira. Pii kyai dokome Anatunya yulu dupwa moko minyuo paa nalyamo. Anatu kapa ingingi lao suu pingi wambu dupwame iki Anatunya yulu rolae kandenge.

2 Timoti 2:22

Wanyane wambu keta suu pingi koo palamo doko wanjo yulu rolae doko anjuku lao pyuo Anatu kapa ingingi lao suu pingipi mona retengepe mona kyuu lao singipi dusipana ingyuo pyuo karape. Doko wambu mona yapasi paliramo Kamongo nyisinya lao ateŋa lenge dupwamoo pipya karo. Dopako pyuo kararami ramo doko kapa ingyara.

Ipuru 12:14

Wambu yango keta manda rao karapulinya suu pyaope dee poo pyasi wambu ingyuo karapulinya suu pyaope karalapape. Dopale ingyuo piso karo pii napala ramo wambu dokome Anatu yake dokona kando nyii narami.

1 Pita 3:11

Baa yulu koo dupwa mata maipala mona kyuu lao singinya kata koto nyepala wailyaro soo pirasa pira.