Orome 13:9 - Anatunya Buku Baepole Ole Testamene Pii Lapo dee Nuu Tesamene

⁹ Pii lowana pyasi palamo dokona lao dokopa, Kepo pii nalapape. Pyao kumasa nalapape. Waa nyii nalapape. Nyipuli nyipuli suu pyaa nalapape, dopa lao palamo. Dusipape menge lapo opetaepe pyasi palamo. Dupwa peparae lowa pii mendakimi simu pyao minyaro karamo. Doko dopa letamo. Wambu yango dupwa emba range mona nyilini doko suu pyaoko mona reto karape, letamo.

Orome 13:9 ပူးပေါင်းရင်းမြစ်များ

Lipitikase 19:18

Embame koo dokona isingi yano nyelana suu pyaa nao dee koo embapa piramo wambu dokopa imbu paleta kara nao pipi. Emba rangena yongo mona nyuo karene doko suu pyao parali maki palenge wambu dupwa mona reto karape. Namba Kamongo doko karo.

Lipitikase 19:34

Nakamana rara pipya yulu pyuo nenge rambo lao pilyaminyi doko suu pyaowako doloma pipya pipwape. Nakama range doko mona reto karaminyi suu pingi mendaki dokonako palyuo doloma mona retalapape. Nakama yuu wakale Isipi wambunya yuu dokona karala papingi ingyuo kareyami kande doko apiyakalende ingyuo kareyamape lao dokona suu pyalapape. Namba nakamana Kamongo Anatu dokome leto.

Make 10:19

Mawa pii lenge dupwa emba singi kandale. Wambu pyaa nalapape. Endame akali wakale kepo pyakami nao akali mendeme enda wakale kepo pyakami nao pipwape. Waa nyakami nalapape. Kyambo laa nalapape. Panga soo nyakami nalapape. Endangi rakangepa rape rape lao karalapape, leya Yesumi.

Make 12:31

Mawa pii lapo pyuo doko dopa letamo. Nakama range mona reto karaminyi doko suu pyao wambu yango mona reto karalapape. Mawa pii dolomame mawa pii dalapo nyuo enaka narami ingilyamo, leya.

Luku 10:27

Dokopa baame isingi lamaiyuo, Kamongo doko embena Anatuŋu doko mona reto dokopa embena mona dokope imambu dokope pupi lao yulu pingi porai dokope suu pingi dokope dusipa peparae baa maiyare. Maipala rangena yongo mona nyuo karene doko suu pyao parali maki palenge wambu dupwa mona reto karape leya.

Luku 18:20

Mawa pii lenge dupwa emba singi kandale. Kepo pyakami nalapape. Wambu pyao kumaka nalapape. Waa nyakami nalapape. Kyambo laa nalapape. Endangi rakangepa rape rape lao karalapape leya.

Galasia 5:13

Yangonemoo nakama kiiramo nyisi kararami lao kyakale leya. Dokome nakama kiiramo nyisi karamano lao suu pyapala yanengena pundange yulu dupwa mee pirama lao suu pyaa nalapape. Suu pingi dopale yaki nyepala wambu yango mona retenge kata dokome yango sukusa nyiso pyuo kararami.