Orome 11:14 - Anatunya Buku Baepole Ole Testamene Pii Lapo dee Nuu Tesamene

¹⁴ Juu wambu dupwame namba nakamba keta Anatunya Imambunya yulu keyange mana langirunu auwo kando yango palyapala dokona imilinya suu pyao piruwale.

Orome 11:14 ပူးပေါင်းရင်းမြစ်များ

Jenesese 29:14

Dokopa Lapaneme Jekope kando dopa lamaiya. Emba nambana ranjama yongope mendaki lao yako lao nyiyamopa kana mendaki baa role pyao kareyambi.

2 Samyuele 19:12

Nakama nambana ree palu, Nakama nambana yongo mendare dee ranjama mendaki. Dokona nakamame akipamo namba enakana lanyuo eparamisi? leya.

Orome 10:19

Dokona nambame lao dokopa, Isaraele wambu dupwa see nayamisi? lao piso sero ramo doko Mosese baa wambo angi lao kareyamo doko soo kaelyamano. Pii angi doko dopa leya. Nambame wambu dupwa rara angi ingyuo paa nalyamo dupwa pipya yango palyalapa lao piru. Nambame Juu wambu nakama keta rara kopyali dupwa pipya imbu singi manjo karalapale lao piru leya.

Orome 11:11

Nambame piso silyu. Juu dupwa nakama lukumapala dokopa yuu dupwana pao palipala kwaeyamisi? Ama daa. Nakama koo piyamisa lete wai pyao nyingi renge doko menge dupwa keta paleya. Doko kandapala Juu dupwame rara menge dupwana lao yango palyarami.

Orome 9:3

Dokona nakamana reke lao Anatunya randa namba keta sinya lao Koraisa yaki nyera dokome nakama nyisaro pili doko rae maipala dopa pyuo pipuli.

1 Korina 1:21

Wambumi nakamana singinya renge dokome Anatunya lao see nange. Dopa lao Anatu banya singinya renge dokome lao piya. Namwana waili pii lao karamano wambumi kopyali lao suu pilyaminyi dakeme Anatu baa mona maingi wambu lete wai pyao nyero lao suu piya.

1 Korina 10:33

Namba pilyu dopa pyuo moko minyuo pipwape. Nambame rangena yulu dupwa suu pyaa nao wambu peparae keta elya pinyi pyambuo pilyu. Dokona nakama lete wai pyao parami ingilyamo.

1 Korina 7:16

Emba Kurisene enda doko embena akalingi nyiso pisa naro lao range silini doko apa pyuo silisi? Dee Kurisene akali embame etene nyiso kara naro lao range silini doko apa pyuo silisi?

1 Timoti 1:15

Pii langilyu dake ama kinyi kinyi palamo. Soo nyepala minyalapape. Koraisa Yesu baa namwana yuu dakena epapala wambu koo pingi dupwana lao lete wai pyao nyeroŋo lao epeya. Wambu doloma yulu koo pyuo kareyaminyipape namba kamame koo ingyuo kareyo.

1 Timoti 2:4

Anatumi wambu peparae lete wai pyao nyelana banya pii angi soo nyimili lao suu pyao karamo.

1 Timoti 4:16

Emba rangena yulu pyuope mana pii laope dolapona kando pyuo karape. Dopa pyuo puu pare ramo dokome emba rangepe dee wambu embena pii serami dupwape kyawa minyara ingilyamo.

2 Timoti 1:9

Baame namwa lete wai pyao nyepala banya ingyarami lao kyakale leya. Doko namwame range yulu keyange piyamande daa. Baa rangena suu piyamuli pyuo mona keyange palyuo ipyapala kyakale lao rombo palyiya. Yuu ene wasaroŋo lao karo dokopa Koraisa Yesu keta mona keyange palyuo ipingi doko joo kaeya.

2 Timoti 2:10

Dokona lao Anatunya rombo palyisi wambunya reke lao randa peparae nyuo karapusa pilyamo. Doko Koraisa Yesumi nakama opetae lete nyakaramopa yanga paupau lenge panda dokona karalu kararami lao randa nao karo.

Pilimone 1:12

Baa keta nambana mona doko yukwaro karapyamopa role pyapeta epapu baa emba range keta mapanyi peeyakalyo.

Ipuru 1:14

Yulu dokore aŋala dupwa keta mai naya. Nakama Anatunya kendemande imambu karaminyi dokona baame wambu yake panda parami dupwa nyisala pena lao mapanyi peenge.

Ipuru 2:3

Anatumi yulu andake pyuo namwa kyawa lete nyiyamo doko soo nyii narama ramo doko apa pyuo koo panda wanjaramase? Kamongome wambowana karo namwa kyawa lete nyeronyaŋa lao leyamopa soo nyiyami dupwa keta kinyiŋi lao pakana palamo.

Jemesa 5:20

Doko mendeme koo pipala kata kyai nyeramo dokopa mendeme dee sukusa lanyuo eparamo dokona banya imambu lete wai pyao nyakamirasa yulu dopaleme koo malu nee pinyi nembarasa pira doko kame see nalapape.