Orome 10:19 - Anatunya Buku Baepole Ole Testamene Pii Lapo dee Nuu Tesamene

¹⁹ Dokona nambame lao dokopa, Isaraele wambu dupwa see nayamisi? lao piso sero ramo doko Mosese baa wambo angi lao kareyamo doko soo kaelyamano. Pii angi doko dopa leya. Nambame wambu dupwa rara angi ingyuo paa nalyamo dupwa pipya yango palyalapa lao piru. Nambame Juu wambu nakama keta rara kopyali dupwa pipya imbu singi manjo karalapale lao piru leya.

Orome 10:19 ပူးပေါင်းရင်းမြစ်များ

Osia 2:23

Nambame nambana wambu dupwa yuu dokona porai ingyuo kapa palyuo karena lao piru. Pipala wambu lapo nambame mona reta nalyamo letaminyi dupwa nambame mona retenge renge doko lasaka piru. Dee wambu lapome lao nakama nambana wambu daa letaminyi dupwa kando lao, Nakama nambana wambu laro. Dokopa nakamame isingi lao, Emba namwana Anatuŋu larami.

Orome 10:18

Dopa pyuo pupyamopape nakama piso serowale. Juu wambu waili pii see nayami doko kinyisi? Doko ama kinyi siyami. Pii pyasi dokona lao dokopa, Pii minyuo papingi akalinya pii lasi doko yuu mure lao pao kapa pyuo nakamana pii doko yake yuupa rambungi dolapona peya letamo.

Orome 11:11

Nambame piso silyu. Juu dupwa nakama lukumapala dokopa yuu dupwana pao palipala kwaeyamisi? Ama daa. Nakama koo piyamisa lete wai pyao nyingi renge doko menge dupwa keta paleya. Doko kandapala Juu dupwame rara menge dupwana lao yango palyarami.

Orome 11:14

Juu wambu dupwame namba nakamba keta Anatunya Imambunya yulu keyange mana langirunu auwo kando yango palyapala dokona imilinya suu pyao piruwale.

Orome 3:26

Yuu mange dakepa banya yulu doko rolaeŋe lao akali keta panelyamo. Dokona lao Anatu baa rolae dokome wambu Yesu kapa ingingi lao suu pingi doko Yesu dokona rolae inginyi pyambungiŋi lao panelyamo.

1 Korina 1:12

Dokona dopa pyuo leto. Nakama range pii mendakinya laa nalyaminyi. Mendeme lao dokopa namba Polena, mendeme namba Apolosana, mendeme namba Pitana, dee mendeme namba Koraisana ingyuo karo lao pilyaminyi.

1 Korina 10:19

Doko akinde letose? Mee bange kingimi wasisi dupwa mupwape? Panda nenge kiso mailyaminyi doko mupwaŋa lao letose?

1 Korina 11:22

Nakama rangena anda dokona ipwa nao nenge nao pirama doko rolae suu pyaa nalyamisi? Nakamana andana nenge naa napala Anatunya Elyambu Pingi doko mee inginyi pyambuo wambu nenge keyange manjo epa nange dupwa elyanyi pyambwaramisi? Nambame nakama kando apa lapili lao suu pilyamisi? Nakamana kingi lakandaowape? Lakandaro ramo doko kapa ingya nalyamo.

1 Korina 12:2

Nakama Kurisene ingyapa nao kareyami dokopa semango dupwame nakama yuu peparae rapu pyuo karo kata koona ralinyi nembalana piya.

1 Korina 15:50

Yangonemoo mende pyuo leto. Wambunya yongo doko Anatunya panda sukusa paa nara. Rumbingi dupwa sulu see nange kandale.

1 Korina 7:29

Yangonemoo pii dake renge dokona leto lao langirowale. Yuu gii andarele see nara. Dokona lao akalingi nakama mee wamba kareyaminyili pyuo karalapape.

Dutaronome 32:21

Nakamame nakamana isa kanapeme mee bange wasisi anatu dupwame imbu singi nyakayaminyisa mee bange anatu angi daa dupwana yango palyuo karo. Dokona lao wambu rara angingyuo kara nalyaminyi dupwa keta nakama imbu singi nyinyi retaro. Dopako pyuo wambu kopyali minyingi dupwa keta nakama pipya yango palyinyi pyambwaro.

Taitesa 3:3

Wambo namwa range kopyali ingyuo kamba lao kopetame pyuo kareyama. Namwa yulu koo dupwana mona andanyi pyambuo kopyali yulu wakale wakale dupwa pipala dokona kendemande ingyuo kareyamako. Mendali koo keta palyalana kanda lyanolyano pipala wambu dupwa kando awa epekanda nayamano dokopa nakamame namwa kando awa epekanda nayamiyoko.

1 Pita 2:10

Nakamba wambo wakale ingyuo peteyamiyipa epapu Anatunya wambu karaminyi. Anatunya sakao nyiso karenge renge dokona kamenge see nao kareyami doko epapu nakama kete palamo.