Orome 1:4 - Anatunya Buku Baepole Ole Testamene Pii Lapo dee Nuu Tesamene

⁴ Anatu porayapala Yesu lete minyalyuo nyiyamo dokome Yesu baa Anatunya Ikinyingi isa komba pyao poo pyasi karenge doko paneyamo silyamano.

Orome 1:4 ပူးပေါင်းရင်းမြစ်များ

Matyu 4:3

Dokopa Makande Pingi dokome epapala baa lamaiyuo, Emba Anatunya Ikinyingi ramo doko kana dapwa borete inginya lare, leya.

APOSELENA YULU 17:31

Dokonako ingyuo akali mende rombo palyiyamo doko renge paliramopa yulu rolae pinginya renge dokome isa wambunya yulu dupwana lao rolara yuu gii baa dopa pira doko rombo palyapeya. Wambu peparaeme dopa piralyamo lao soo gisinya lao akali doko kumuo paleyamopa minyalyuo nyiya leya.

APOSELENA YULU 2:24

Dopa piyaminyipape Yesu baa mee kumuo pali nara ingiyamopa Anatumi kumunginya randa dupwa ramanyi yaki nyepala baa minyalyuo nyiya.

APOSELENA YULU 2:32

Yesu doko Anatumi lopo nyiya doko namwa peparaeme kandapala lao karamano.

APOSELENA YULU 3:15

Lapala letena renge renge kuiyuo karenge doko pyao kumakayami. Pyao kumakayaminyipa kumuo paleyamopa Anatumi lete minyalyuo nyiya. Dopa piyamo doko namwame kandapala pii doko selapape lao langyuo rolelyamano.

Orome 1:3

Waili pii doko banya Ikinyingi namwana Kamongo Yesu Koraisa doko baa mee isa wane ingyuo kiŋi Dapitinya rora ambasupi ree palu dokona manjo nyiyami dokonasa letamo.

2 Korina 13:4

Baa pau lasi ingyuo kareyamopa isa mamandona pyao palyiyaminyipape Anatunya porainya renge dokome Koraisa lete karamo. Baamoo pipya pakao karenge dokome namwa opetaeko pau lasi ingyuo karenge. Anatunya porainya renge namwa keta paliramopa namwa Yesupa role pyao karo nakama rapu pyuo kararama.

Ipuru 9:14

Dopa pyuo kareyamiko doŋo Koraisana ranjama dokona yulu dupwana manda manji naya. Koraisa koo mende pali nange doko baame Imambu lete karalu karenge doko keta Anatu dokona namwana koo dupwana lao kumuo maiya. Banya ranjama dokome namwana yulu angi kapa pali nange dupwa poo pyanyi nembaramopa Anatu lete karenge dokona yulu minyarama.

1 Pita 1:11

Nakama yulu keyange doko yuu gii doko anjokorapena epo, apa pyuo pyaka sera lao dokona koto kareyami. Aŋala nakama opetaeme kandamwalinya suu pyaoko kareyami. Doko Koraisana Imambu nakama keta maralyapala Koraisa baa apa pyuo yaso napala yanga paupau lenge neta renge nyera doko wambo nolakao lamaiya. Nakama wambo nolakao lao kareyami pii doko Imambu Poo Pyasi yake panda rae dokome epapu waili pii keyange lao epelyaminyi dupwa nyisapyamopa langimi. Nakama range dokona reke lao leyaminde daa.

2 Pita 1:21

Doko isa wambumi sipurapala lao kareyaminde daa. Imambu Poo Pyasimi wambu maralyiyamopa Anatunya pii doko nolakayamisa piya.

Orepalaisane 1:18

Namba lete karenge akali ingyuo karo. Kanda. Namba kumuya kande doko nambame mee lete karo puu paro ingilyamo. Wambu kumaraminyipape Satane panda paraminyipape dolapona kii namba keta palamo.

Orepalaisane 19:10

Leyamopa namba banya kimbu siyamo dokona pao palipala baa lakandalana piyunu dokopa, Dopa pii napipi kae leya. Namba embape dee embena yangonge dupwapeme Yesunya lao karaminyi kendemande dopaleko karoŋo. Emba Anatu iki lakandape leya. Yesumi pii renge kinyi rolae lenge doko poropeta dupwame lenge apo dokonako lao epeya.