Orome 1:19 - Anatunya Buku Baepole Ole Testamene Pii Lapo dee Nuu Tesamene

¹⁹ Anatu apiyakale lao nakama silyaminyi. Baame lasaka piyamopa soo nyiyami dokona yulu koo pimisa randa maiyuo karamo.

Orome 1:19 ပူးပေါင်းရင်းမြစ်များ

Aisaya 40:21

Emba see nangese? Emba yuu wamba langya nayamisi? Emba yuu doko apa pipala kanda siya lao see nangese?

Aisaya 40:26

Yake dokona kandalyuo kandape. Embame bui kandelene dupwa apimi wasiyase? Mende yanda singi ami ingyuo laminyuo penge dokome akipare karaminyi lao soo otenge dee bui mendaki mendaki lao kingi lenge. Banya porainya renge doko kamame andake wakasa dokome mendaki mendepe neta pyarepala paa nana lao singi.

Jone 1:9

Yanga paupau lenge angi wambu peparaena suu pingi dokona yanga paupau lanyi peenge doko isa yuu dakena epo kareya.

Orome 1:20

Namwa Anatu lengeme kanda nayamanopa baa yuu wasiyamo dokona piso epo dakepape neta renge ingyuo porai wakasa karalu karenge ingilyamo doko panelyamo. Baa bange peparae wasiyamo dokome baa angi apiyakale doko panelyamo. Dokona ingyuo namwa baa see nayama larama dokona kata mende pali nalyamo.

Orome 2:14

Juu daa rara menge dupwame Mosesena Lowa see nao kamenge karaminyi. See nao karaminyipape mona dokona range suu pyapala yulu keyange moko minyuo pyuo kararami ramo doko Lowako lao minyaramisa pira.