Orepalaisane 9:3 - Anatunya Buku Baepole Ole Testamene Pii Lapo dee Nuu Tesamene

³ Dokopa goemba malu sukwa dokona lupyuo epo popokyalyame pilyamo randa pingi renge porai dopale pale pale epo yuu dupwana siya.

Orepalaisane 9:3 ပူးပေါင်းရင်းမြစ်များ

1 Kiŋi 12:11

Lamaipala dee lao, Nambana rakane dokome nakama randa andake jiya. Dopa piyamopape nambame nakama kamame ulipili ingyuo randa jero. Baame nakama lisa marapu dokome piya kande. Nambame nakama mena osena wiki pepona dokome pyaro lena, leyami.

Aisaya 33:4

Nakamana pinji andape dupwa waiya lao epo nyuo arete pirami ingilyamo.

Isikiolo 2:6

Emba makwa isa ingyuo kuku pyaa nare akali doko nakama kando paka nao dee pii letaminyi dupwa soo pako pii napipi. Nakamame emba kando koo keta palyuo kilya kando larami ingilyamo. Isarepa moko palyuo karenge dopale ingyara. Dopa piramopape kamba lenge wambu dupwa kando paka nao dee pii larami dupwa soo paka nao pipi.

Joele 1:4

Aimbu ambo dupwa epo ee jingi dupwana minyarambuyami. Ambo mendeme neyamo pyarepala peya doko ambo enakaya nao dee dokome neyamo pyarepala peyamo doko mendeme nao piyami.

Joele 2:25

Aimbu malu dupwame nakamana ee jingi nao oteyaminyi ee kana dupwana nakamana bange isa peyamo peteyami dupwa nambame nakama yano pyakao jero. Doko nambame aimbu malu dupwa nakama keta peeyo lyakande.

Luku 10:19

Nakama kaupi popokyalyape meme pyuo yanda pimwai dupwana porai doko nyuo anamanyi nembo karamiŋi lao porai renge doko joo kaelyo kande leya. Dokona mendeme nakama ukiaki minya nara.

Dutaronome 8:15

Yuu muiyane andake koo singi kau kyalende popokyalyape singi dokona baame nakama suku suku nyuo lanyuo peya. Yuu yando nasi ipwa epa nange dokona nakamana lao baame kana dokona piso ipwa guu lanyi peya.

Orepalaisane 9:5

Nakamame wambu dusipa pyao kuma see nao kana kingi paki mee randa maiyuo karena leya. Randa doko popokyalyame pilyamo popo pingi dopale ingyuo pinya leya.

Orepalaisane 9:7

Goemba dupwa mena oseme yanda pinya nyuo rapa rapa pipala karelyaminyi karenge dopale ingyuo kareyami. Nakamana ayemba dupwa kana golome kyawa rarange pingi dopale ingiyamopa nakama wambu lenge kambu nyiya.

Jasi 7:12

Dokopa Mitiane wambupi Amaleke wambupi dee yuu muiyanena akali rara lapo dupwape aimbu ama malu wakasa dopale ingyuo pau dokona muu rale lao raeyami. Dee nakamana mena kamele ama malu wakasa ipwa kota kee kama wangunya singi dopale ingyuo kareyami.