Orepalaisane 8:3 - Anatunya Buku Baepole Ole Testamene Pii Lapo dee Nuu Tesamene

³ Dokopa aŋala mende pee golome wasisi rendamu pingi retenge pere mende lanyuo epapala rendamu pingi bange malupi dee Kurisene wambunya ateŋa lengepe nyuo pyasapala kiso maingi kana pyare doko kiŋinya petenge isa andake repeta siya dokona Anatu kiso maira ingiya.

Orepalaisane 8:3 ပူးပေါင်းရင်းမြစ်များ

Ekesetase 40:26

Baame kana golome wasisi kana pyare lasi minyuo pao komau anda kambu konando penge dokona komau yukwaro kareyamo lenge kambusa andakare reteya.

Aisaya 6:6

Dokopa lenge renge bange dokona mende namba kareyo dokona petakareme isarena kana pyare lasinya kiso maingi dokona isa lengya mende rapo nyiyande minyuo epeya.

Emosa 9:1

Rendamu pingi kiso maingi bokote misi anda andakare singi dokona repeta Kamongo doko roya karapyamo namba kandapu. Karapala baame dopa leya. Tembole and dokona pote isa londe ketae dokona poraiyuo kusape palya. Dokopa anda doko peparae walu walu lena. Laramo dokopa pote dupwa peparae lalyuo lambuo palyuo laiyo palyuo pipala bolombalo lapala wambu dupwana kyawa dupwa pyao poro lapala nakama kumarami. Kumaraminyipa wambu menge lete pisiraminyi dupwa nambame yanda dokona nyuo kisaronopa kumarami. Dopa piramopa mendakipi mendali neta paa nana lao pyaro.

Malakae 1:11

Wambu yuu muu dupwana peparaeme namba rape rape lao karaminyi. Dupwana peparaeme bange rendamu pingi dupwa kiso joo dee bange rae maiyuo nyeroli dupwa jilyaminyi. Jepala peparaeme namba rape rape lao karaminyi.

Luku 1:10

Dokopa rendamu pingi bange kisingi gii dokopa wambu malu mee kareyami dupwa peparae kamanda ateŋa lao kareyami.

Orome 8:34

Dokona mendeme nakama kando lara ingilyase? Yesu Koraisa baa kumapala lete lopo epo papala Anatunya kingi rolaerena karamo. Baame namwana lao Anatu lamaiyuokondali pyako karamo.

Ipuru 7:25

Isa wambumi Anatu karamo dokona eparami dokona Yesu baame lamaiyakamingi akali ingyuo karalu karenge. Dokona lao baa kukingisa karenge akali ingyuo Anatu keta eparami dupwa pyuo nyulu nyuo nyera.

Ipuru 9:4

Urumu dokona rendamu pingi kiso maingi kana pyare golome wasisi dokope dee Anatunya Kana Minyuo Lalu Lao Lenge Pii Palenge Bokote, yanenge ketae dokona golome rambu lao wasisi dokope reteyami. Bokote dokona penge mende golome wasisi dokona nenge myana lenge pyanapala reteyaminyi siya. Dokona Eronena pangali isa dokona isa imbu piya dokopa dee kana lamana mawa pii pyao maiyamo dolapo paleta reto kareyami.

Orepalaisane 10:1

Enakana aŋala porai wakasa mende yake dokona piso isa epeyamo kandeyo. Kopa dokome komau ingyuo wapupala banya ayemba dorena kau puiya dokome nyuo bokembake pyuo piya. Banya lenge kambu dorena neta rele leyamopa kimbu dolapo isare kekenge dopale ingiya.

Orepalaisane 14:18

Dee aŋala mende kiso maingi kana pyare rapu pyuo karenge doko yaki nyepala naipu nao mama nyingi manjaro kareyamo doko kando kyakale lao dopa pyuo leya. Isa yuunya isa girapo dupwa poo relyamo dokona embena naipu nenge karenge dokome nyepala pyakepo lyepe leya.

Orepalaisane 5:8

Buku nyiyamo dokopa lee renge bange kisima dusipape dee akali wambake 24 dupwape Sipisipi Ikyane kando wapambu pii pyaro peteyami. Peteyami dokopa akali wambake dupwa mendaki mendaki lao rambyalu minyaro piso dee pere warake golome wasisi Kurisene wambunya ateŋa lenge dopale makande minyuo kyaa keyange piyamo minyaro peteyami piso

Orepalaisane 6:9

Sipisipi Ikyane dokome isa roome upi lao rambu lasi kingi paki doko rekya lanyi nembeya. Dokopa wambu lapo Anatunya pii dokona kaeya nao poraiyuo leyamisa letaminyi lapala pyao kumasiyami dupwana imambu dupwa Anatu rendamu pingi kiso maingi kana pyare isarena siyaminyi kandeyo.

Orepalaisane 7:2

Dokopa dee neta pyakaenge dorena aŋala mende Anatumi banya lao kamu kepeyamo epeya. Epo aŋala kisima yuupi ipwa kotape kwuanyi nembarami lao porainya renge maiyamo dupwa kando dopa lao kyakale poraiyuo kaeyo lao epeya.

Orepalaisane 8:4

Rendamu paleta isare sukwa doko Kurisene wambunya ateŋa dokopa rolae pyapeta aŋala dokome minyaro kareyamopa yake panda Anatunya lenge kambu siya dokona peya.

Orepalaisane 8:5

Dokopa aŋala doko kiso maingi pyare dokona isare lapo nyepala rendamu pingi penge dokona kisinyi palyiya. Palyapala isa yuunya pyao peeyara aopa yuu gala andake lao yuu pele pipala yuu dupwa yuusili minyiya.

Orepalaisane 9:13

Dokopa aŋala pakinyamange dokome banya bikuli doko leya dokopa Anatunya lenge kambu siyamo kana golome wasisi kiso maingi pyarena pinjingi dusipana anda kanya dokona piso pii lao epeya.