Orepalaisane 6:12 - Anatunya Buku Baepole Ole Testamene Pii Lapo dee Nuu Tesamene

¹² Sipisipi Ikyane dokome isa roome pepa upi lasi pakinyamange doko nyuo lumbuya. Dokona dee kandeyono dokopa yuusili andake minyiya. Dokopa neta doko alowa pyuo nyuu byake rokwasi wambarae pupuri dopale ingiya. Dee kana doko kone pyuo ranjama dopale ingiya.

Orepalaisane 6:12 ပူးပေါင်းရင်းမြစ်များ

Aisaya 50:3

Wambu kumaminyi dokopa kumanda karo piso petengenyili pyuo nambame yake doko iminjinyi pyambwaro.

Joele 2:10

Dopa piraminyisa yuu muu dupwa piku piku laramopa yake doko romo romo pira. Piramo dokopa neta kanape dolapo iminjiramopa bui dupwa yake dokona raa narako.

Joele 3:15

Neta kanapa dolapo iminjapyamopa bui dupwa rao kara nalyaminyi.

Emosa 1:1

Akali mena sipisipi rapu pyuo karenge yuu Tekowa range akali Emosa banya pii dasipa lasi silyamo. Usaya baa Juta wambunya kiŋi ingyuo karo Jeropome Jewasena ikinyingi baa Isaraele wambunya kiŋi ingyuo karo piyamo dokopa Anatunya pii Emosa keta Isaraele wambu dupwana lao pano epeya. Epo lapeyamo dokopa ee kana lama epo papeyamopa enakana yuusili doko minyiya.

Emosa 8:9

Yuu gii mende eparamo dokopa andawai korakama neta karara doko kaepala anda pao alemanji ingyuo yapa sii pyuo yalyinya laro. Korakama neta rao karenge gii dokopa yuu doko iminjo umi ami lena laro. Lao, Namba Kamongo Mupwa Andake Wakasa karenge dokome pii dake lapunu pilyamo, leya.

Matyu 11:21

Yuu Korasina wambu dupwa, nakama keta randa narami. Betesaita wambu dupwa, nakama keta randa naramiko. Nakamana yuu dolapona yulu andake pyuo kareyo dupwa yuu Taya Saitonepa dolapona pyuo kareyoli doko nakama yuu wamba dokopa mona enenge palyuo karapala kumanda piso wapungi bange dupwa nyuo yanenge yambe pyao wapupala pee pyambuo peteyamuli.

Matyu 24:29

Randa andake nao kararami gii doko otaramopa aopa neta doko raa napala iminjowape, kana doko raa nao, bui dupwa yake dokona piso kondo isa epo karo yake bange porai dupwa romo romo pyuo pyuo karara.

Matyu 24:7

Dokona lao yuu mendena range wambu dupwame yuu mendena range wambu dupwa pyala parami. Kiŋi rara mendeme kiŋi rara mende pyala para. Dokopa yuu wakale wakale dupwana yuusili andake minyaramo wambu dupwa lopo andake seramo kararami.

Matyu 27:45

Andawai korakama towalo keloke piso yuu dupwa iminjiya. Kwuarao karo neta damasa peyamo sere keloke dokopa yuu yangeya.

Matyu 27:54

Yanda singi yango rapu pyuo karenge dokomoo akali baa pale pale kareyami dupwa pipya Yesu iso kando kareyami dupwame yuusili minyuo dopa pyuo piyamo kandapala pakame kumuyami. Pakame kumapala, Kinyi dake Anatunya ikinyinginde karapyalyamo, leyami.

Matyu 28:2

Dokopa yuusili andake minyiya. Dopa piyamo dokopa Kamongona aŋala mendeme yake panda dokona karo epapala kana doko minyuo neta kao pele pele lapala baa dokona ketae peteya.

Make 15:33

Enakana andawai korakama towalo keloke dokopa yuu dupwa iminjiya. Kwuarao karo karo pao seri keloke dokopa yuu yangeya.

Orepalaisane 11:13

Dokopa aopa yuusili andake minyuo dee anda kamba kamba karenge dokona anda lapo lalyuo ranapala wambu ama malu (7,000) pyao kumakaya. Dokona pyarepala peyamo dupwa mona nembo pakapala Anatu yake panda karenge dokona kingi doko ketae pyambuo kararami ingiya.

Orepalaisane 16:18

Dokopa yuu pele pyuo rali pipala yuu gono lao yuusili kopetame minyiya. Anatumi yuu wambupi kanda soo ingiyamo yuu gii dokona piso yuusili dopale mende minya nange doko minyiya.

Orepalaisane 16:8

Aŋala kisima dokona banya perena siyamo dupwa neta dokona kulimbwanyi palyiyamo dokopa Anatumi akali dupwa kyawa yaki nyuo kaeyamopa neta dokome akali dupwa reya.

Orepalaisane 8:12

Aŋala kisima doko bikuli leyamo dokopa neta kana dokonape dee bui dupwanape kanya remasa lao rombo pyao liti piyamopa liti mendaki dokona larapu iminjapa piya. Dopako pyuo kukwa doko remasa lao liti piyamopa dokona liti mende iminjo, dee korakama doko dopako piyamopa dokona liti mende iminjo piya.

Orepalaisane 8:5

Dokopa aŋala doko kiso maingi pyare dokona isare lapo nyepala rendamu pingi penge dokona kisinyi palyiya. Palyapala isa yuunya pyao peeyara aopa yuu gala andake lao yuu pele pipala yuu dupwa yuusili minyiya.