Orepalaisane 4:7 - Anatunya Buku Baepole Ole Testamene Pii Lapo dee Nuu Tesamene

⁷ Lee renge bange mende doko mena laene yalende kareya. Lapo pyuo doko bulamakao ikyane yalende kareya. Repo doko wambunya lenge kambu isa komba pyao kareya. Kisima doko yaka kambende bii lao pele leya.

Orepalaisane 4:7 ပူးပေါင်းရင်းမြစ်များ

Jenesese 49:9

Juta emba mena laene ene andanda wambu pyalena pingi dopale ingilyamo. Doko embena kuli dupwa sisiki soo rolapala palyuo serenepa mendeme lyapu lao pii narami.

2 Samyuele 1:23

Wambu peparaeme Sole Jonatanepa kando rae maingi. Nakamba laparae akali keyange. Nakamba yuu gii peparae lete karo dokopa range puu minyuo karenge. Dee nakamba laparae kapa kapa kumambi. Nakambame mena laene poraipi dee yaka kambe puu lao makando pengenye dupwa isa palyuo nakamba kamame wakase makandapala nakambana nyisu petenge dupwa pingi.

Aisaya 40:31

Dopa piramopape wambu Kamongo nyisara lao baa keta pyamalyuo kapa ingingi lao suu pyao karaminyi dupwa porainya renge enenge nyuo kararami. Yaka kambe banya papakeme ketae poraiyuo soo penge dopale ingyuo kararami. Nakama makando paraminyipape maka narami. Dee kata paparaminyipape nakama mee porai ingyuo kararami.

Isikiolo 1:10

Bange lete karenge dusipana lenge kambu wakale wakale kisimako karapa piya. Lenge kambu dorena wambunya lenge kambu nyuo rolaerena mena laenena lenge kambu nyuo kyairena mena bulamakaona lenge kambu nyuo matarena yaka ulisapunya lenge kambu nyuo piyami.

Isikiolo 1:8

Dopa pyuo karo nakama mendaki mendaki lao kisima dusipana papake isarena wambunya kingi mendakiko karapa piyamopa nyuo pyaso kisimako ingiya.

Daniele 7:4

Mena dusipana mupwa doko mena laene yale ingiya. Ingiyamopape yaka kambe ingyuo papake kareya. Doko namba kando peteyono dokopa papake dolapo kondo yuku nyisa epeya. Dokopa mena doko nyuo minyalyapala akali dopale ingyuo roya karena leya. Enakana akalinya suu pingi renge doko baa maiya.

Nambase 23:24

Mena laene porai dokome mena yango dupwa pyapala ranjamape minjupi dupwa nao otenge. Doko suu pyao Isaraele rara dupwa porai dopakale, leya.

Nambase 24:9

Mena laene porai luu palenge dokopa mendeme pyaleta nange doko suu pyao Isaraele wambu dupwa dopale ingingi. Wambu mendeme Isaraele elyape keta pisiramo doko elyape ketako pisira. Wambu mendeme Isaraele randa mairamo dokopa randako baa nyera.

1 Korina 14:20

Yangonemoo wane nyaŋana suu pingi dopale ingyuo suu pyao kara nalapape. Kara napala wane nyaŋa koo pii nao kamenge karenge dopale karalapape. Dopa pyuo karapala nakamana suu pingi dokona mona angi palenge ingyuo karalapape.

Orepalaisane 4:6

Petenge isa andake siyamo dae wangu ipwa pete ketapa yale kyakapae mende siya. Dee petenge dokona awali lao lee renge bange kisima mende nakamana kyawa dupwana lenge malu rao buu minyiya.

Orepalaisane 6:3

Dee Sipisipi Ikyane dokome isa roome lapo pyuo upi lao rambu lasi doko nyuo rekya lanyi nembeya. Nembeyamo siyunu dokopa lee renge bange lapo pyuo dokome ingyuo, Emba ipu leya.

Orepalaisane 6:5

Dee enakana Sipisipi Ikyane dokome pepa upi leyami bange repome doko rekya leyamo dokopa nambame siyunupa lee renge bange repo dokome lao, Emba ipu leya. Kandeyono dokopa ose pupuri mende kareya. Dokona peteyamo akali dokome sikyali pingi doko minyaro peteya.

Orepalaisane 6:7

Dee Sipisipi Ikyane dokome isa roo kisimame upi lao rambu lasi doko rekya lanyi nembeya. Dokopa lee renge bange kisima dokome, Ipu leya.