Orepalaisane 3:12 - Anatunya Buku Baepole Ole Testamene Pii Lapo dee Nuu Tesamene

¹² Anamasi minyarami dupwa Anatunya tembole andana isa pinginya ingili lao karalu karalapa laro. Nakama dopa pyuo kararami dokopa namba Anatunya kingi nakama keta pyao palyaro. Dee Anatunya panda dokona yuu kingi Jerusaleme panda enenge yake panda dulunya rae Anatu baa lupyuo jeramo dokope dee nambana kingi enenge doko alowa pyuo pyao palyuo piru leto.

Orepalaisane 3:12 ပူးပေါင်းရင်းမြစ်များ

Samu 46:4

Ipwa Anatunya yuu taone dokona epopelyamo dokome rae maingi renge minyuo epo penge. Epo Anatu Ama Ketaena anda poo pyasi dokona penge.

Samu 87:3

Wambu Anatunya taone andake dokona palaminyi dupwa Anatumi yulu keyange pipa pipa pyakalyamo doko selapape.

Jeremaya 1:18

Jeremaya, emba see. Wambu peparae yuu dakena range dupwamepe Juta kiŋi dupwamepe akali mupwa dupwamepe purisi dupwamepe dee wambu dupwamepe emba kando pimwaiyuo larami. Dopa laraminyipape yuu taone porai ane isame pingi dee kone kaname kana kame awali lao pingi porai dopale ingyuo wambu dupwa nyuo isa palyuo emba karalase lao nambame porainya renge jilyu. Nakamame emba nyuo isa palya narami. Nambame emba role karo konambe ingyuo alya minyaronopa karare. Namba Kamongo dokome leto, leya.

Make 12:16

Leyamo dokopa mende minyuo epo maiyami. Dokopa baa nyepala nakama lamaiya. Kana dokona wambu ayemba pukusi petamo dokonape, kingi pyasi mende palamo dokope apinya? leya. Dokopa nakamame dolapo Sisana, leyami.

Galasia 2:9

Jemesa Pita Jonemoo Elyambu Pinginya akali andake dusipame Anatumi yulu mupwa dake namba keta jiyalyamo lao siyami. Sepala namba Banapasapa yako lao kingi nyiyami. Namwa peparae yulu mendakinya pyuo nakama doloma Juu wambu pii lamairaminyipa nambwa rara wakale dupwa lamairama dupwana sepala kapa lao kaeyama.

Epesasa 3:15

Baa keta piso yake panda isa pandape ree palu peparaena kingi lasi dupwa epeya.

Ipuru 12:22

Nakama epapu yuu kyau mendeme kingimi minyandaraminde kandala epa nalyaminyi. Anatu lete karenge dokona yuu yake pandana Jerusaleme kyau Sayone lenge dokona epasi karaminyi. Yuu doko aŋala soo kaeyo raeme kumuo karaminyipa mendeme yaka lao sukusa parami ingya nange.

Ipuru 13:14

Isa yuu dakena namwana taone panda mende kulisa sulu serande silyande daaŋa. Taone anginde silyamo doko koto karamwasa pilyamo.

1 Jone 4:4

Nambana wane wanakepe dupwa nakama Anatunya ingyuo karaminyi dokome nakamame imambu koo doloma nyuo anamo karaminyipa pilyamo. Nakamana imambu monarena karamo doko porai wakasa ingyapala mee isa wambunya imambu monarena karamo doko kandanyi palyapyamo pilyamo dokome nakamame doloma nyuo anamo karaminyipa pilyamo.

Orepalaisane 14:1

Nambame kandeyono dokopa mena Sipisipi Ikyanende yuu kyau Sayone dokona roya kareya. Wambu 144,000 Sipisipi Ikyanena kingi dee banya Rakangena kingi nakamana enamba dupwana pyasi paleyamo kareyami.

Orepalaisane 17:14

Nakama mena Sipisipi Ikyane dokopa pyakandaraminyipa Sipisipi banya wambu baa yaki nyii nange rombo palyuo yapo nyiyamo dupwa pipame mena koo doko nyuo isa palyarami. Doko baa kamongonyako Kamongo ingyuo karo dee kiŋinyako Kiŋi ingyuo karenge dokome nyuo anamara leya.

Orepalaisane 2:11

Imambu dokome Elyambu Pingi wambu dupwana pii lamailyamo dupwa nakama kale kata singi ramo dokome kale yukupala selapape. Anamasi minyarami dupwa kumungi renge lapo pyuo dokona nakama keta mende pii nara. Ote.

Orepalaisane 2:17

Kale kata singi ramo dokome Imambumi Elyambu Pingi dokona pii dake lamailyamo doko selapa. Anamasi minyarami dupwa keta nenge myana lengende yalu pyuo silyamo dokona lapo maiyuo dee kana neta kapa yalende kingi alowa pyuo enenge pyasi paliramo mendepe mairu. Kingi pyasi paliramo doko menge dupwa see naraminyipa akali range nyeramo dokome iki soo gisara. Ote.

Orepalaisane 2:7

Imambu dokome Elyambu Pingi wambu dupwana pii lamailyamo dupwa nakama kale kata singi ramo dokome selapa. Anamasi minyarami dupwa letena renge palenge isa doko Anatunya ee sukusa karamo dokona nao karena laro letamo. Ote.

Orepalaisane 21:2

Dokopa Jerusaleme taone yapasi doko enenge ingyuo alowa pipala yake dokona piso enda mapwae rapa rapa pyuo kalya pipala akali anda epenge dopale mane mane pyuo epeyamo kandeyo.

Orepalaisane 22:4

Nakambame Anatunya lenge kambu kandarami dokopa nakamana enamba dokona banya kingi doko pyasi palira.

Orepalaisane 3:5

Doko anamasi minyarami dupwa dopa pyuo komau kakepame wapwaro kararami dokopa nambame nakamana kingi lete palenge buku dokona sinya lapala kwuanyi nemba naro. Rakanemoo banya aŋala dupwapena lenge kambu dokona nambanaŋa lao nakamana kingi doko pano laro.