Orepalaisane 3:1 - Anatunya Buku Baepole Ole Testamene Pii Lapo dee Nuu Tesamene

¹ Aŋala yuu Satisa Elyambu Pingi wambu rapu pyuo karamo dokona dopa pyuo pepa pyao maipi. Mendeme Anatunya Imambu yanda ipingi nyepo dee bui yanda ipingi nyepo minyaro karamo dokome baa dopa letamo. Nambame nakamba pyuo karaminyi dupwa soo gisilyu. Nakama lete karamanoŋo lao karaminyipape mee kumasi dalapo romo romo pyuo karamisa pilyamo leto.

Orepalaisane 3:1 ပူးပေါင်းရင်းမြစ်များ

Luku 15:24

Dokona lao nambana ikinyingi dake kumuyape lao suu pyao karapu baa lete karapyalyamo. Puu pao peyaŋa lao suu pyapunu doko kando nyilyamano leya. Dokopa nakama male lao yalya yalya kando kareyami.

Luku 15:32

Epapu male lao yalya kando rae maiyuo karamano doko kapa rolae pilyamano. Embena yangonge kumuya lao suu pyao kareyoŋo epapu lete epo karamo. Baa puu pao peya lao suu piyuŋu epapu kando nyilyamano, leyaŋa, leya Yesumi.

Jone 1:16

Mona keyange palyuo ipingi renge baa keta palyuo simbulyamopa imambunya renge keyange dupwa namwa peparae konda pyuole jepa pingi.

Jone 1:33

Nambame baa apa pyuonde lao soo gisa nayo. Soo gisa nayonopape namba ipwa dokona bapitisimo nyakamila puu leya dokome namba dopa langiya. Imambu doko lupyuo epo akali mende keta kareya kande dokomeko wambu dupwa Imambu Poo Pyasi dokome bapitisimo nyakamyuo karara langiya.

Jone 20:22

Baa dopa lapala nakama kando ŋee sepala dopa lamaiya. Imambu Poo Pyasi nyelapape.

Jone 3:34

Dokona lao Anatumi mapanyi peeyamo epeyamo dokome Anatunyako pii lao karamo. Anatumi Imambu doko pingyapala mainginde daa.

APOSELENA YULU 2:33

Baa lopo epapala Anatunya kingi rolaerename nyiyamo dokopa Rakangeme Imambu Poo Pyasi nyera lao kaeyamo doko nyiya. Nyepala namwa keta mokwa soo jipyamopa poo lao ipyamosa pilyamo doko kandelyaminyi.

Epesasa 2:1

Nakama wamba yulu koo wakale wakale dupwa pyuo kareyaminyisa kumasi ingyuo kareyami.

Kolosi 2:13

Nakama yulu koo pyuo karo mona anda awali lao kalomo rekya lanyi nembapa nayami dokome nakama kumasi ingyuo kareyami. Kumasi ingyuo kareyaminyipape Anatumi namwana koo dupwa nyuo kame sakapala nakama Yesupa role pyao lete minyalyuo nyiya.

1 Timoti 5:6

Enda akalingi kumasi doko kopyali ingyuo yanengena laramuli pyuo pisira ramo doko mee peto lao lete pisiramopape kumuo kaeyo pisirasa pira.

Jemesa 2:26

Wambunya yongo dokona imambu rekya lao penge dokopa kumungi kandale doko suu pyao Anatu kapa ingingi lao suu pyapala dokopa yulu keyange pii narami ramo doko suu pingi keyange doko kumasi ingyuo parasa pira.

1 Pita 1:11

Nakama yulu keyange doko yuu gii doko anjokorapena epo, apa pyuo pyaka sera lao dokona koto kareyami. Aŋala nakama opetaeme kandamwalinya suu pyaoko kareyami. Doko Koraisana Imambu nakama keta maralyapala Koraisa baa apa pyuo yaso napala yanga paupau lenge neta renge nyera doko wambo nolakao lamaiya. Nakama wambo nolakao lao kareyami pii doko Imambu Poo Pyasi yake panda rae dokome epapu waili pii keyange lao epelyaminyi dupwa nyisapyamopa langimi. Nakama range dokona reke lao leyaminde daa.

Juti 1:12

Nakama Elyambu Pinginya wambu yalya kando nenge nenge dokopa nakama ala lao rale male lao moŋokyaŋe soo karenge dokopa nakamana yalya kandenge renge doko kokwa sinyi nembenge. Nakama rangena iki lao suu pingi. Dopa pingi dokome nakama kopa porambaiyeme suu lao lanyuo paelyamopa apu angi epa nange dopale ingyuo pyuo karenge. Nakama isa jingi lyii nange dopale ingyuo apu epenge yuu gii pyaka silyamopape nakama isa pingya rakilyaminyipa repeta yando nao otenge dopale ingingi.

Orepalaisane 1:11

dopa pyuo langiya. Emba kandarene dupwa pepana pyapala Elyambu Pingi yanda ipingi nyepo dusipana mairi. Mende yuu Epesasa lenge, mende Semena, mende Pekamama, mende Tayataira, mende Satisa, mende Pilatepia, mende Leotosia lenge yuu dusipana mairi leya.

Orepalaisane 1:16

Banya kingi rolae dokome bui yanda ipingi nyepo minyapala kambu dokona wua gela paki pakipi nenge karenge doko minyaro kareya. Banya lenge kambu doko andowai korakamana neta andake renge dopale ingyuo peya.

Orepalaisane 1:20

Nambame kingi rolae dokome bui yanda ipingi nyepo minyaro karo dokonape dee kendapuli minyingi bange golome wasisi yanda ipingi nyepo dokonape renge andake yalu pisi silyamo dokona ingyuo polo langiru. Doko bui yanda ipingi dusipa Elyambu Pingi yanda ipingi nyepowana aŋala rapu pyuo karenge dokona makande pyuo minyapusa pilyamo. Dee kendapuli minyingi bange yanda ipingi dupwa Elyambu Pingi yanda ipingi nyepo dokona makande pyuo pilyamo.

Orepalaisane 1:4

Namba Jone, Elyambu Pingi yanda ipingi nyepo yuu Esia dokona pepa pyao jilyu. Anatu baa epapu karamo doko wambo kareyako enakana kararako dokope dee imambu yanda ipingi nyepo banya petenge isa repeta dokona karaminyi dupwape dee Yesu Koraisa pii rolae lao karenge doko baa kumungi dupwana kanda soo lete epapala, isa akali kamongo dupwa rapu pyuo karenge dokope dusipana mona keyange palyuo ipingi rengepe mona kyuu lao singi rengepe nakama keta paliramopa karamili yaka lao suu pilyu. Yesu namwa mona reteyamo dokona ranjama kulimbuo joo kumuyamo dokome, namwana koo dupwa rekya lanyi nembakaya. Banya isingi pandana namwa rapu pingi inginyi pyambuo Rakange Anatu lakandalapa langiya. Baa iki mupwa ingyaramopa neta renge yulu doko baa keta palu palena, doko kinyi.

Orepalaisane 2:13

Nakama Satane baa angi karenge panda dokona palaminyi doko namba silyu. Dopa pipyamo karaminyipape nambana kingi yaki nyii nalyaminyi. Dee nambana waili pii rolae minyuo karenge akali Andipasa lenge nyepala Satane karenge panda dokona pyao kumakayaminyi kandapala yuu gii dusipana namba mona reto yaki nyii nayamiko.

Orepalaisane 2:19

Nakamana yulu dupwa soo karo. Nakama mona retao yulu kaeya nao, maka nao waa waa lao pyuo karaminyi. Wamba yulu keyange ingyuo pyuo kareyami dokoko suu pyao kamame konda pyuo pyuo karaminyi.

Orepalaisane 2:2

Nakamame yulu andake pyuo karapala maka nao waa waa lao pyuo karaminyi doko nambame kandelyo. Nakama wambu koo pyuo karaminyi dupwa kando epe nasepala lapome nakama poropeta akali ingyuo karamano leyami dupwa kambuyanda pyuo kando siyami. Kambuyanda pyuo sepala nakamba kyambo lenge dopale ingiyasa kaeyami kande doko namba silyu.

Orepalaisane 2:9

Nakama randa nao isa bange minya napala pendewa ingyuo karaminyipape mendena kamongo ingyapyamo karaminyi doko namba silyu. Wambu lapo Juu wambu karamano letaminyi dupwame nakamana kingi isa palyako lao karaminyi dupwa Juu wambu angi daa, dalapo Satane ralape ingyuo petaminyi.

Orepalaisane 3:15

Nambame nakamana yulu dupwa kando silyu. Nakambana yulu usa kanya kanya manda raa nao isasa pii nao pyuo pelyaminyi. Yulu poraiyuo pyuo kararami ramo doko pyuo karo, dee kaeyarami ramo doko yaki nyepala kaeyamili lao suu pilyu.

Orepalaisane 3:2

Lenge rao kandao karalapa. Nakamana yulu repetale kumuo pelyamo dupwa rangeme minyalyuo lete nyelapape. Nakamana yulu dupwa Anatunya lenge kambu dokona kapa ingyuo paa napyamo kandelyo.

Orepalaisane 3:8

Nakamana yulu pyuo karenge dupwa namba kandelyo. Kandalapa. Nakamana kambu dowa lumbwakapu doko mendeme upi larami ingya nalyamo. Nakama kamame porai ingyuo kara nayaminyiko doŋo nambana pii leyonuli pyuo pyuo karapala nambana kingi doko yaki nyii nalyaminyi.

Orepalaisane 4:5

Petenge isa andake dokona piso yuu pele pipala yuu gala lao rali piya. Dee kendapuli yanda ipingi nyepo mendasipa Anatunya imambu yanda ipingi nyepoko dokona makande pyuo rao siya.

Orepalaisane 5:6

Dopa leyamo dokopa Sipisipi Ikyane pyasi yalende, petenge isa andake suku dokona kareyamopa lee renge kisimape dee wambake dupwapeme nyuo kako pyao kareyami. Anatunya imambu yanda ipingi nyepo yuu muu dupwana mapanyi peeyamo dokona makande minyuo Sipisipi dokona kyawana nenge potemenge yanda ipingi nyepo karara, dee lenge yanda ipingi nyepoko rao siya.