Orepalaisane 21:24 - Anatunya Buku Baepole Ole Testamene Pii Lapo dee Nuu Tesamene

²⁴ Isa wambu dupwa banya yanganyi pyambwara dokona kararami. Dokopa yuunya kiŋi akali dupwa nakamana kiŋi yulu lakandeyami dupwa paleta eparaminyi taone doko au pyuo para.

Orepalaisane 21:24 ပူးပေါင်းရင်းမြစ်များ

Samu 22:27

Dopa pyuo yuu muu peparaeme liti kuki mendepe neta paa nao dee kone pupuripi peparaemepe Kamongo lao suu pyao loma soo kingi wapambupi lakao misi larami ingilyamo.

Aisaya 2:2

Yuu gii mende pyaka sera ingilyamo dokopa tembole anda karamo yuu kyau dokome dokopa yuu kyau doloma nyuo isa palyuo sera ingyara. Seramo dokona yuu muu doloma mee kaeya nao ipwa ingyuo kulimbwanyi peeyo epo karalu kararami ingyara.

Aisaya 2:5

Dakapa Jekopena para piyamo dupwa Kamongona kata yalu pii napala ena pasi silyamo dokona papyuo pyuo karo pimanale ipupwa.

Aisaya 49:23

Kiŋi dupwa nakamana rakange dopale ingyarami. Dee enda kuini dupwa nakamana endangi ingyuo parami. Dopa pipala nakamame kingi wapambupi lakao pangu soo nakama lakando ketae pyambuo kuki ingyuo inyimungu karo rape rape lao kararami. Dokopa nakamame namba Kamongo lao soo nyerami. Dee mendeme nambame nyisareŋe lao isaro karara ramo doko mona maka nara, leya.

Aisaya 52:15

Dopa piyamopape epapu wambu rara malumi baa mupwa lao suu pyao yamarangyuo kandarami dokopa kiŋi akali dupwame mona nembo pii lalana saka narami ingilyamo. Dokopa nakama wambape dopale mende kando sepa nange doko kandapala soo nyerami.

Aisaya 55:10

Apu pipyaepe dolapo mee dasa piso imbu napala yake dokona piso lyuo epo ee yuupi ipwa pyao nenge andanyi pyambungi. Dolapome nenge jingi maiyuo dee kakana pyuo pilyunupa nenge. Nambana pii doko dopale ingyuo sipyamo pilyamo.

Aisaya 55:5

Dakepa nakamame yuu wakale range wambu dupwa epena lao kyakale larami ingilyamo. Wamba wambu dupwame nakama see nayami kande. Dopa piyaminyipape epapu nakama karaminyi dokona makando ree lao eparami ingilyamo. Namba nakamana Kamongo Anatu Isaraele wambunya Anatu poo pyasi dokome renge dupwa pyaka sinya laro. Nambame nakama kingi ketae pyambuo rape rape lena lao piru.

Aisaya 60:13

Dopa pirunupa isa rara wakale wakale dupwamepe dee yuu Lepanone imwa dokona isa keyange dupwamepe minyuo epo yuu Jerusaleme dee kamba wasarami. Doo minyuo eparami dokome nambana tembole anda doko au pinya lao pyuo nambana taone andake doko netaŋa rao lepo lepo pyuo karena lao wasarami.

Aisaya 60:16

Dokopa endangimi dokome banya wane rapu pinginyili pyuo wambu rara dupwamepe kiŋi dupwamepe nakama rapu pirami. Dokopa namba Kamongo Isaraele wambunya Anatu porai dokome nakama kyawa lete nyuo kiiramo nyiilyamo lao serami.

Orome 15:16

Anatumi rara menge dupwana lao Yesu Koraisana kendemande yulu jiyamo dokome paka napala pepa dake pyao jilyu. Nambame Anatunya waili pii keyange doko polo lamaiyuo purisi yulu dokona pyuo karapusa pilyamo. Nambame dopa pyuo pilyu dokona rara menge dupwa epo Anatu kumuo mairami ramo dokopa Anatumi nakama nyera ingilyamo. Nyeparamopa Imambu Poo Pyasi dokome nakama nyuo Anatu keta pyamalyara.

Orome 15:26

Yuu Masetonia Giriki Elyambu Pingi wambu dupwame Jerusaleme Elyambu Pingi pendewa wambu dupwa mee rae maiyuo kana mainya lao mairamilyamo.

Dutaronome 32:43

Dokona yuu mure lao Kamongona wambu dupwa lakandarami ingilyamo. Kamongome banya wambu pyao kumakaelyaminyi dupwa isingi pyao randa maira ingilyamo. Dokopa baame banya yanda pimwai dupwa keta yano nyuo banya wambu dupwana koo dupwa nyuo kame sakamyuo pingi, leya.

Orepalaisane 21:26

Wamubunya rara dupwana ketae pyambungi yulupi dee akali anginya lakandenge yulupi dupwa paleta taone andake dokona eparaminyipa dokonako sera.

Orepalaisane 22:2

Ipwa doko kata barete rolae dokona epo peya. Ipwa kee kama paki pakipi dolapona letena renge palenge isa doko kareya. Isa dokome kana kumuo yapa soo piramo dupwana yaka lao jingi lyuo karo ee kana mendaki dokopa yuu gii akalisa ipisu lama larapu jingi lyepa piya.