Orepalaisane 21:11 - Anatunya Buku Baepole Ole Testamene Pii Lapo dee Nuu Tesamene

¹¹ Kandeyono dokopa taone doko Anatunya yanga paupau lenge dokome neta ranyi nembeya. Lepolepo neta epenge doko kana kyakapaende mone malu maiyuo ropo pyao nyingi dopalende ketapa ingyuo lepolepo pyuo kareya.

Orepalaisane 21:11 ပူးပေါင်းရင်းမြစ်များ

Isikiolo 1:22

Bange lete karenge dusipana kyawa siyamo ketaerena anda kauwasi yale lepo lepo pisi wasisi mende lepo lepo pyuo rao kareya.

Isikiolo 1:26

Anda kauwasi yale dokona ketaerena bange kiŋinya petenge isa yale kana kala muku dopale mende siya. Dokona wambu yale mende peteya.

Orepalaisane 15:8

Enakana tembole anda dokona isare kyau lao Anatunya porai rengepe yanga paupau lengepe dupwame lyingi lyangi kuiya. Dokona mendali tembole anda dokona kolando parami ingya naya. Dopa piyamopape aŋala yanda ipingi dusipana anga ikyane otaramo mange dokopa tembole anda dee kapa parami ingiya.

Orepalaisane 22:1

Enakana aŋala dokome ipwa letena renge palenge doko namba lasaka piya. Ipwa doko Anatu dee Sipisipi Ikyanepe dolapona petenge isana piso guu lapala ketapa ingyuo lepolepo pyuo epo peyamo kandeyo.

Orepalaisane 22:5

Taone doko dee iminja naramopa Kamongo Anatumi yanga paupau lanyi pyambwaramo dokopa lambe netape dolapona yulu mende pali nara. Wambu kararami dupwa kiŋi ingyuo iso karalu kararami.

Orepalaisane 4:3

Banya lenge kambu kana rara wakale wakale pyasalya pyasana pisi kone keyange yalende yanga paupau lasi ingiya. Banya petenge dokona kau puiya rolepo ralepo rengende makeya pyuo siya.

Orepalaisane 4:6

Petenge isa andake siyamo dae wangu ipwa pete ketapa yale kyakapae mende siya. Dee petenge dokona awali lao lee renge bange kisima mende nakamana kyawa dupwana lenge malu rao buu minyiya.