Orepalaisane 20:3 - Anatunya Buku Baepole Ole Testamene Pii Lapo dee Nuu Tesamene

³ Aŋala dokome baa yuwale kata soo puu penge dokona Satane pyao pyano kii palyapala ee kana 1,000 dusipana isa wambu dupwa dee kunji pyao kara nana lapala bange pyakerasindeme upi lanyi palyiya. Enakana dee yuu gii kuki lama neta epapala papyuo karara ingiya.

Orepalaisane 20:3 ပူးပေါင်းရင်းမြစ်များ

Samu 90:4

Ee kana taosande dupwa embame kandelene dokopa mee yuu gii mendaki ingingipya. Kwuaka yuu gii pupya kandapi dopale ingingipya. Yuu gii mee kukwamuu dopale ingingipya.

Daniele 6:17

Dokopa nakamame kana kameya mende nyepala yuwale kambu ketae dokona upi lao reteyami. Dokopa mendeme Daniele baa pao kyawa lete nyuo neta nyisaramiŋi lapala kiŋi banya namba dokomepe banya akali mupwa dupwana namba dupwamepe isa roo yale dupwame pepa pyao make dopale ingyuo rambu lanyi palyiya.

Matyu 24:24

Dokona lao akali lapome kyambo lao, Namba Koraisa karoŋo, lao sipurapala wambu kando yamaranguramili yulu andake dopale lapo lasaka pyuo pyuo kararami. Akali dupwame mee wambu dupwa suu longo nyuo karo dokopa Anatunya rombo palyisi wambu dupwa opetae suu longo nyelana lao pyuo kararami.

Matyu 27:66

Leyamo dokopa malu anda dokona papala wambumi baa nyii nana lao malu anda kambu dokona kana pakaro kareya dokona wakaiye rambu lapala upi leyami. Palyapala yanda singi lapome kando iso karena leyami.

Make 4:15

Waingi lapo kata dokona peyamosa yaka epo neyami doko suu pyao Anatunya pii wambu lapo dupwana monarename eparamo dokopa Satane aopa epapala pii doko nyuo nembara.

Luku 8:31

Dokopa imambu dupwame dee yuu koko dorena kala pupwa laa napyali yaka lao lamaiyuokondali piyami.

2 Korina 11:3

Nakamana kyawa sisingi kwaepala Koraisana yulu mondo lao poraiyuo pilyaminyi doko yaki nyesaraminyi lao mona kendalyo. Kaumi enda Ipi panga soo lamaiyuo makande piyamo doko suu pyao nakama makande pira lyakande lao suu pilyu.

2 Pita 3:8

Nambana puu minyingimoo, pii dake kame see nalapape. Anatumi ee kana ama malu (1,000) doko yuu gii mee mendaki dopaleko lao suu pyaro karapyamo pilyamo.

Orepalaisane 12:9

Kau kameya doko kingi Satane kingi mende Depele lenge doko isa kupinyi peeyami. Baa yuu muu peparaena wambu panga soo karenge doko baape banya aŋala dupwa pipa pyao ralinyi isa peyami.

Orepalaisane 13:14

Bange mena koo wuame pokoyaminyi lete peyamo dokome baa kapa pinya leyamopa mena baame wambumi pii nange yulu dupwa pyuo isa wambu minyoko piyamosa nakama kau dokona kingi ketae pyambuyami isa kanape dupwame kau baa yale bange mende wasapala kingi lao kareyami.

Orepalaisane 17:2

Yuunya kiŋi akali dupwame enda pamuku yulu andake piyamo dokopa kando nyepala pamuku yulu wakasa pyuo kareyami. Dee isa akali peparaeme enda dokopa pamuku yulu piyami. Pipala akali biya napala kyawa sisingi bolombalo letamo karenge dopale ingyuo peyamiŋi leya.

Orepalaisane 17:8

Mena kandelene doko lete kareyamoko doŋo epapu kara nalyamo. Baa yuwale kata soo puu penge dokona pisipala dee pulyuo eparamo dokopa pyao kokwa sinyi nembarami. Isa wambu lapo Anatumi ene kanda soo yuu wasapa nayamo dokopa nakamana kingi letena renge palenge buku dokona pyasi pali nalyamo dupwa mena doko kandarami dokopa mona nembarami lyakande leya. Mena doko karapala dee pana naya doko dee enakana maro lara leya.

Orepalaisane 20:1

Enakana nambame aŋala mende yake dokona piso epeyamo kandeyono dokopa baa yuwale kata soo puu penge dokona kii dokope dee puu sane londe mendepe kingi rakana palyaro kareya.