Orepalaisane 2:2 - Anatunya Buku Baepole Ole Testamene Pii Lapo dee Nuu Tesamene

² Nakamame yulu andake pyuo karapala maka nao waa waa lao pyuo karaminyi doko nambame kandelyo. Nakama wambu koo pyuo karaminyi dupwa kando epe nasepala lapome nakama poropeta akali ingyuo karamano leyami dupwa kambuyanda pyuo kando siyami. Kambuyanda pyuo sepala nakamba kyambo lenge dopale ingiyasa kaeyami kande doko namba silyu.

Orepalaisane 2:2 ပူးပေါင်းရင်းမြစ်များ

Samu 1:6

Kamongome rolae pingi dupwa kyawa minyuo kata lasaka pyuo karamo. Dopa pyuo karapyamopape koo pingi dupwa koo dokona kimbu malyaro karaminyi.

Matyu 7:23

Dopa larami dokopa nambame nakama lamaiyuo, Nambame nakama kanda nange. Yulu koo pingi dupwa namba yaki nyepala pupwa, laro leya.

Jone 6:6

Yesumi mende piru lao suu pyapala Pilipa baame mee apa letape lao selena makande pyuo leya.

Galasia 1:7

Waili pii doko lamande daa. Dokona akali lapome Koraisana waili pii doko alowa pelana pii mendena wakale kyawa sisingi bolombalo lanyi nembamisa dokona leto.

Epesasa 4:14

Dopa pyuo pirama ramo namwa wane kuki ingyuo wambu lapo yulu koona kendapuli ingyuo suu pingi kyai dokome namwa ukiaki minyilyasa panga soo nyilya nyana pyuo kararaminyipape namwa kao pele pele lao karenge dokona ingya naramasa pira.

1 Tesalonaika 1:3

Namwana Rakane Anatu kando ateŋa lao dokopa nakamame Anatu kapa ingingi lao soo nyiyaminyi dokome yulu keyange piyami doko kame see nalyamano. Nakama Anatu mona reteyami dokona yulu porai piyami. Dopako pyuo namwana Kamongo Yesu Koraisa dee epara doko soo gisapala mona kare kare karaminyi. Dopa pyuo keyange pilyaminyi doko kame see napala ateŋa lakalyamano.

1 Tesalonaika 5:21

Yulu peparae nakanjo sepala renge keyange dupwa iki minyuo kararami.

2 Timoti 2:19

Dopa laminyipape Kurisene yulu doko Anatumi kanda soo piyamo doko ama porai wakasa ingyaro karamo dokome isa paa nara. Dokona pii dasipa pyasi palamo. Kamongo baame apimoo banya lao soo karamo. Mendeme, Namba Kamongona karo lara ramo doko baa koo dupwana rekya lanyi nembo kararasa pira.

Ipuru 6:10

Anatumi kopetame pii nange. Nakamame Anatu mona reto karapala dokome Kurisene wambu yango nyiso pyuo karaminyi doko baa kame see nara. Nakama dopako pyuo puu pao pumili yaka lao suu pilyamano.

1 Jone 4:1

Nambana puu minyingi dupwa nakama suu pingi wakale wakale dupwa peparae mee kinyokolyamo lao suu pyaa napala suu pingi Anatunya ramo doko apa letape lao selena wambo makande pyuo kandalapape. Poropeta kyambo lenge akali malu yuu dupwana papyuo karaminyi dokona imambu doko Anatunyape lao makande pyuo kandalapape.

Orepalaisane 2:6

Dee nakamana yulu mende kapa palamo doko Nikolatiya wambu namba rae mai nalyo dupwa nakamame rae mai nalyaminyiko.

Orepalaisane 2:9

Nakama randa nao isa bange minya napala pendewa ingyuo karaminyipape mendena kamongo ingyapyamo karaminyi doko namba silyu. Wambu lapo Juu wambu karamano letaminyi dupwame nakamana kingi isa palyako lao karaminyi dupwa Juu wambu angi daa, dalapo Satane ralape ingyuo petaminyi.

Orepalaisane 3:1

Aŋala yuu Satisa Elyambu Pingi wambu rapu pyuo karamo dokona dopa pyuo pepa pyao maipi. Mendeme Anatunya Imambu yanda ipingi nyepo dee bui yanda ipingi nyepo minyaro karamo dokome baa dopa letamo. Nambame nakamba pyuo karaminyi dupwa soo gisilyu. Nakama lete karamanoŋo lao karaminyipape mee kumasi dalapo romo romo pyuo karamisa pilyamo leto.

Orepalaisane 3:15

Nambame nakamana yulu dupwa kando silyu. Nakambana yulu usa kanya kanya manda raa nao isasa pii nao pyuo pelyaminyi. Yulu poraiyuo pyuo kararami ramo doko pyuo karo, dee kaeyarami ramo doko yaki nyepala kaeyamili lao suu pilyu.

Orepalaisane 3:8

Nakamana yulu pyuo karenge dupwa namba kandelyo. Kandalapa. Nakamana kambu dowa lumbwakapu doko mendeme upi larami ingya nalyamo. Nakama kamame porai ingyuo kara nayaminyiko doŋo nambana pii leyonuli pyuo pyuo karapala nambana kingi doko yaki nyii nalyaminyi.