Orepalaisane 16:6 - Anatunya Buku Baepole Ole Testamene Pii Lapo dee Nuu Tesamene

⁶ Nakambame Anatunya wambupi dee poropetape dupwana ranjama dupwa kulimbwakamiyami. Dokona lao embame nakama ranjama dupwanako nena lao kapa mailinyi.

Orepalaisane 16:6 ပူးပေါင်းရင်းမြစ်များ

Ekesetase 7:17

Epapu emba kiŋi doko aki mende nambame piru doko kandapala embame namba apiŋi lao soo nyera lao Kamongome letamo. Kanda. Kusape dakeme ipwa ketae dokona pyaronopa ipwa doko alowa pyuo ranjama ingyara.

Aisaya 49:26

Nambame nakama pyalana piraminyi wambu dupwa yango sukusa range pyao kumasinya lao piru. Wambu ipwa biya napala kopyali kyakaenge doko suu pyao nakamame wambu yango mende pyao kumako imbu singi andake manjo kararami. Dokopa wambu rara peparae dupwame namba Kamongo nakama kyawa lete nyuo kiiramo nyii doko lamo lao soo nyerami. Nakamame namba Isaraele wambunya porai renge palenge Anatu doko lamo lao soo nyuo pirami.

Jeremaya 2:30

Nambame nakama mana langyuo pyalana pipunupape dokome nakama nyiso rola nalyamo. Nambame nakama kata rolae lasaka pyuo dopa pii dapa lao langi laa nalyaminyi. Mena laene gasimwa pokapala nenge nenge manjo pii lenge dopale ingyuo nakamame nakamana poropeta dupwa pyao kumuyami.

Jeremaya 26:11

Gii dokopa purisi akalipi poropeta akalipi dupwame lita akalipi dee wambu dupwape kando lamaiyuo lao, Akali dakeme yasu kee lao namwana yuu taone doko kando koo inginyi nembo pulyuo letamo dokona baa randa maiyuo piso soo kote lao pyao kumarami ingilyamo. Dokona pii lapyamo dupwa nakama rangena kale dokome rolae simi kandapi, leyami.

Jeremaya 26:16

Leyamo dokopa lita akalipi wambu dupwapeme poropeta akalipi purisi dupwape kando lamaiyuo lao, Akali dakeme namwana Kamongo Anatunya kingi lao pii langipyaŋa. Baa pyao kumaka narama ingilyamo, leyami.

Matyu 7:2

Dokona lao embame wambu dupwa kando yapalya yapana pinyi nembo larenyili pyuoko emba kando yapalya yapana pinyi nembo larami. Dopako pyuo mairinyili pyuo isingi nyere.

Luku 12:48

Dopa piraminyipape kendemande akali mendeme kamenge karo koo mende pira ramo doko banya kamongo akali kuki pyuo pyaroko pyara. Namwa keta yulu paliramuli pyuo pirama. Dokona suu pyao yulu andake mende namwa kete paliramo dokopa yulu andake pirama. Dee yulu kama andake palira ramo doko namwa yulu kama andakeoko pirama ingilyamo.

Ipuru 10:29

Doko suu pyao mendeme Anatunya Ikinyingi dokona kandanyi nembapala Anatunya lalu lao leyami pii kapa wai wara pyuo piyamo ranjama wamba poo pyao nyiya doko meeŋe lao suu pyao, mona keyange palyapala ipingi Imambu doko kilya kando lara ramo doko baa keta apa pirase? Baa randa dokona kuki ingyuo paralya silisi?

Orepalaisane 11:18

Anatu suu pyaa nange wambu dupwa nenge sisi pyapala lao kareyami. Wambu kumuyami dupwa kando kote lapala embame embena yulu akali poropeta dupwape wambu yapasi dupwape dee wambu koo epengepe embena kingi ketae nembenge dupwape yole keyange mairi ingilyamo. Dee yuu gii dokopana wamba yuu dupwa kokwa siyami dokona embame kokwa sereoko leyami.

Orepalaisane 13:15

Dokopa mena dokome bange wasiyamo doko lete renge maiyamopa dokome baa pii lapala wambu baa mona maiyuo lakanda nayami dupwa pyao kumakana leya.

Orepalaisane 18:20

Enda baa koo keta palu palyuo para dokona lao yake doko emba rae maipi. Dopako pyuo Anatunya wambupi dee aposele poropeta akalipi peparae enda baame nakama kando koo pyuo karapya dokona Anatumi baa kando pyao kokwa silyamo dokona rae maiyalapape leya.

Orepalaisane 18:24

Poropeta akali dupwanape dee Anatunya wambu dupwana ranjama dupwape taone andake doko keta palamo. Dee wambu peparae pyao nakamana ranjama kulimbuyaminyi ranjama doko nakama keta kwualyamoko.

Orepalaisane 19:2

Pasendiya enda baa yuu muu dupwana papyuo kwuanyi nembeyamo dokona baa kote ama rolae lenge dokome randa andake kapa mailyamo. Enda baa randa mailyamo doko Anatunya kendemande akali dupwa pyao kumakaya dokona yano nyilyamo.