Orepalaisane 16:12 - Anatunya Buku Baepole Ole Testamene Pii Lapo dee Nuu Tesamene

¹² Enakana aŋala pakinyamange dokona perena siyamo doko ipwa andake kingi Yuporisa lenge dokona kulimbwanyi palyiya. Dokopa ipwa doko soko rali piyamo dokona kiŋi neta pyakaenge dorena karenge dupwa epena lao kata wapwakamira ingiya.

Orepalaisane 16:12 ပူးပေါင်းရင်းမြစ်များ

Aisaya 41:25

Dokona lao nambame neta pyakaenge dorena range akali mende rombo palyuo kaeyapu. Baa dulurena karo wambu palaminyi dupwa pinya lao lanyuo eparo. Dokopa akali pee warame wasingi dokome banya kimbumi wara kalyuo injo pingi doko suu pyao baame akali mupwa dupwa wara ingyuo kalyuo isa palyara ingilyamo.

Aisaya 42:15

Nambame yuu kyau kuki epengepe dupwa pyao kokwa sinyi nembo karo dokopa isako isape dupwa yanda nanyi pyambwaro. Dopa pyuo yuu lama lamana ipwa epenge dupwa muiyane penda penda ingyuo nembo dee ipwa pete dupwa sokwanyi nembo piru.

Aisaya 44:27

Ipwa kota andake dupwa sokonya laronopa mee sokwara.

Aisaya 46:11

Nambame akali yuu neta pyakaenge dorena range mende epena lao kyakale leto. Baame yaka ulisapu rendamu nyepala lupyuo epengenyili pyuo waiya lao lupyuo isa epapala nambame rapa rapa pinyi reteyonoli pyuo pyuo otara. Nambame leyo doko angi leyonoli pyuo pira.

Aisaya 8:7

namba Kamongo dokome Asiria wambunya kiŋi banya amipi nyinyi peyapala Juta wambu dupwa pyarowale. Namba Kamongo dokome dopa pyuo pyasinya lalopono. Nakamame epo pyao pyaramisa mendepe yapa ronge nyii nao ipwa Yuporisa marongepe mende see nao kama pyao epo penge dopale ingyuo popyamo, leya.

Orepalaisane 11:14

Randa lapo doko epo papeyamo dokopa repo doko repetale epana piro siya.

Orepalaisane 17:15

Dee aŋala doko kamba langyuo, Ipwa malu dupwana enda baa repeta pisipyamo kandelene doko wambu ama malupi yuu wakale wakalepena rarape pii rara wakale wakalepe dupwa lyakande leya.

Orepalaisane 7:2

Dokopa dee neta pyakaenge dorena aŋala mende Anatumi banya lao kamu kepeyamo epeya. Epo aŋala kisima yuupi ipwa kotape kwuanyi nembarami lao porainya renge maiyamo dupwa kando dopa lao kyakale poraiyuo kaeyo lao epeya.

Orepalaisane 9:14

Pii doko aŋala pakinyamangeme bikuli minyaro kareya doko kando lamaiyuo, Aŋala kisima ipwa andake Yuporisa lenge dokona puu maisi karaminyi kandapi doko mokonya leya.