Orepalaisane 15:4 - Anatunya Buku Baepole Ole Testamene Pii Lapo dee Nuu Tesamene

⁴ Api mendeme Kamongo emba kando paka napala embena kingi doko ketae minyalya narase? Emba iki poo pyasi karene. Embena yulu rolae dupwa panasi silyamo dokome wambu yuu muu peparae epapala emba suu pyao mona kando pisarami.

Orepalaisane 15:4 ပူးပေါင်းရင်းမြစ်များ

Samu 105:7

Kamongo doko namwana Anatuŋu. Banya mawa pii dupwa wambu yuu muu ree lao palaminyi dupwa peparaena ingyuo silyamo.

Samu 22:23

Isaraele wambu Jekopena para pyasi Kamongona kendemande dupwa nakamame Anatunya kingi doko ketae pyambuo kingi wapambupi lakao baa lakando pisipwape.

Samu 22:27

Dopa pyuo yuu muu peparaeme liti kuki mendepe neta paa nao dee kone pupuripi peparaemepe Kamongo lao suu pyao loma soo kingi wapambupi lakao misi larami ingilyamo.

Samu 22:3

Dopa pipunupape emba poo pyasi karenge doko kiŋi karapinyisa emba lakandelyaminyi.

Samu 89:7

Yake pandana aŋala mupwa dupwa wato lenge dokopa emba ketae nembo lenge. Peparaeme emba mupwa lao suu pyaopako karenge.

Aisaya 45:23

Nambana lalu lao lenge doko angi kinyi dokona dee alowa pii naro. Namba keta kana minyuo lalu lao lao, Wambu peparae nambana lenge kambu dokona epo wapambu pii pyaro piso lalu lao lao, nakama namba kando rape rape lao yulu poraiyuo pyakarama lao larami, leyo.

Aisaya 6:3

Nakama range yango sukusa pii lao alowa pyuo lao, Poo pyasi, poo pyasi, poo pyasi, Kamongo Porai Wakasa doko poo pyasi. Banya neta renge yulu dokome yuu muu dupwana soo kapa kapa pinyale leyami.

Aisaya 60:5

Nakama doko kandapala rae wakasa maiyuo kararami. Dopa pyuo kando mona pulunongo pyao kararami. Wambu rara dupwana kamongonge bange dupwa ipwa kota dupwa yalo nakamana lao minyakao eparami.

Osia 3:5

Dokopa enakana Isaraele wambu dupwa dee kamba nakamana Kamongo Anatu doko keta kamba range papala kiŋi Dapitinya para pyao nyeramo doko keta parami. Yuu gii doko eparamo dokopa nakama Kamongo kando baa mupwa lao suu pyao pakame kumuo karapala Anatumi bange keyange mee mairamo dupwa nyuo kararami.

Apakuku 1:12

Kamongo emba ene lokoyamopa baa Anatuko karee. Emba nambana Anatu poo pyasi lete karalu karenge. Kamongo nambana Anatu namba kyawa minyuo karenge dokome Bapilone wambu dupwa namwa randa jinya lapala porainyi pyambuo rombo palyuo pii.

Malakae 1:11

Wambu yuu muu dupwana peparaeme namba rape rape lao karaminyi. Dupwana peparaeme bange rendamu pingi dupwa kiso joo dee bange rae maiyuo nyeroli dupwa jilyaminyi. Jepala peparaeme namba rape rape lao karaminyi.

Orome 15:9

Dopako pyuo Juu daa rara wakale dupwame Antunya sakao pyuo nyingi dokona lao lakandarami dokona Yesu baa kendemande akali ingyuo epeya. Baepole pii dokona dopa letamo. Dokona lao nambame rara menge pipya karo emba lakandaro. Nambame embena kingi dokona lao kenane pyao lakando kararo.

1 Pita 1:16

Buku Baepolena lao dokopa, Namba poo pyasi karo dokona lao nakama poo pyasi karalapa letamo.

Orepalaisane 11:15

Enakana aŋala yanda ipingi nyepo dokona bikuli leyamo dokopa yake dokona piso pii rekyae lao lapala, Namwana Kamongo kandale dee banya Koraisapa yuu muu dupwana kiŋi ingyuo kaelyambinyiŋi. Dokome iso karalu karara lyakande leyami.

Orepalaisane 14:7

Baame Anatu epapu kote letamo dokona baa kando pakao lakandao karalapa leya. Yuu yakepe ipwa kotape dee ipwa guu lao pyakamenge dupwa wasiyamo doko baa kando ketae nembo mona kando pisipwape lao kyakale palyuo peya.

Orepalaisane 16:5

Nambame siyu dokopa ipwana aŋala dokome dopa leya. Emba wambape dakepape mee kareneko karenge. Emba ama rolae poo pyasi ingingi dokome nakamba kando kote kapa rolae lapala randa mailyinyi leya.

Orepalaisane 16:7

Dee enakana rendamu pingi kiso maingi kana pyare dokona piso pii mende leyamo siyu doko, Kamongo Anatu Ama Porai ingyuo karene doko embena kote pii dupwa rolae lenge leya.

Orepalaisane 19:2

Pasendiya enda baa yuu muu dupwana papyuo kwuanyi nembeyamo dokona baa kote ama rolae lenge dokome randa andake kapa mailyamo. Enda baa randa mailyamo doko Anatunya kendemande akali dupwa pyao kumakaya dokona yano nyilyamo.

Orepalaisane 19:8

Enda baa komau karo pisi nange kyewao lasi Anatu maiyamopa wapwaro petamo. (Komau doko Anatunya wambu yulu rolae pingi dupwana makande pyuo pupyasa pilyamo leya.)

Orepalaisane 3:7

Aŋala Pilatepia Elyambu Pingi wambu rapu pyuo karamo dokona dopa pyuo pepa pyao maipi. Mende poo pyasi rolae pyuo karenge baame Dapitinya kii ikyane minyaro karo dokome lumbwaramo dokopa mendeme upi laa nao dee upi laramo dokopa mendeme lumbwa naoko pirami dopa letamo.

Orepalaisane 4:8

Lee renge bange kisima dupwa papake yanda ipingi nyepo kareta matarena andarenape dokona lenge yuu sero kareya. Nakama kukwa korakamape imambu sepa nao kenane dopa pyuo pyao karalu karenge. Poo pyasi, poo pyasi, poo pyasi Porai Wakasa Kamongo Anatu baa wamba kareya epapu karamo rengya kararako.

Orepalaisane 6:10

Nakama pii kyakale rekyae koo lao lapala dopa leyami. Rolo Pingi Porakai Poo Pyasi Kamongo, embame yuu gii akipare epo paparamopa wambu namwa pyao kumakayami dupwa kote lao randa mairiŋi lao iso kararese? leyami.

1 Samyuele 2:2

Mendali Kamongo poo pyasi dopale ingyuo kara nalyamo. Mendali Kamongo dokopa manda manjo karande daa. Anatu baa namwana konambena mendeke ingyuo karamo dopale ingyuo karande daa.