Orepalaisane 14:4 - Anatunya Buku Baepole Ole Testamene Pii Lapo dee Nuu Tesamene

⁴ Akali dusipame enda warenda nao waso karenge. Nakama Sipisipi Ikyane doko yaki nyii nao pelyamuli pyuo papingi. Nakama isa jingi mupwasa ingili lao isa wambu dupwana kanda soo kiiramo nyisi karaminyi.

Orepalaisane 14:4 ပူးပေါင်းရင်းမြစ်များ

Jeremaya 2:3

Isaraele wambu nakama nambana iki yapasi ingyuo wanyi wanyi pyuo peteyami. Wambumi nakama randa jiyami dupwa keta nambane lekeleke koo rao randa nyinya lao maingi. Namba Kamongo dokome leto, leya.

Emosa 6:1

Nakama yuu Sayone dokona mende pirape lao rae maiyuo petaminyi dupwape nakama wambu yuu Samaria range dupwame randa mende namba keta eparande daa lao suu pyao karaminyi dupwape Isaraele yuu mupwa dokona akali andake ingyuo wambu iso karaminyi dupwa nakama Isaraele wambu mee dupwa epo pyamalyarami ingilyamo dupwape nakama peparae kwaeyo koo keta palirami ingilyamo dokona kondo andake pilyamo.

Matyu 19:12

Dokona suu pyao akali lapo etembo ingyuo mandeyami, akali lapo enda nyii naramili ingyuo karena lao yulu mende piyamisa etembo ingyuo karaminyi, akali lapo yake pandana isingi yulu dokona lao etembo ingyuo karamana lapala enda wanjo karaminyi. Dae leto dake akali mendeme soo yako lao kapa nyerami dupwame soo yako lao nyelapape, leya.

Matyu 25:1

Yuu gii doko wanake mapwae akalisame nakamana lambe nyuo minya akali enda nyeramo doko lanyala peyaminyi doko makande minyuo yake pandana isingi yulu dopale ingyuo para.

Matyu 8:19

Dokopa Mawa Pii mana lenge akali mende baa kareyamo dokona epapala dopa lamaiya. Mana lenge, emba papirinyili pyuo papyuo kararo, leya.

Jone 10:27

Nambana sipisipi dupwame nambana pii silyaminyipa nambame nakama kandenge dokome nakama namba moko minyuo epenge.

Jone 12:26

Mendali nambana yulu pyuo karara doko namba paronuli pyuo epara ingilyamo. Dokome namba karare dokona nambana yulu pingi akali dokopa role pyao kararamba. Mendali nambana yulu pyuo kararamo doko Rakaneme baa ketae pyambwaramo karara.

Jone 13:37

Pitame baa lamaiyuo, Kamongo akipamo emba pare dokona epapu kapa eparo ingya nalyase? Namba emba kumuo jero leya.

Jone 8:12

Yesumi nakama dee mende lamaiyuo dopa leya. Namba isa yuunya yanga paupau lenge renge karoŋo. Mendeme namba paronuli pyuo eparamo doko baa iminjinginya moko palyuo papi napala baa keta letena yanga paupau lenge renge doko palira leya.

APOSELENA YULU 20:28

Nakama range yulu koo pisasarama lao kandokondali pyuo waso karo Imambu Poo Pyasimi sipisipi rapu pyuo kararami lao jiyamo dupwa mondo koo lao rapu pyuo karalapape leto. Anatunya Elyambu Pingi doko mondo lao rapu pyuo karalapape. Baame banya Ikinyinginya ranjama dokome kiiramo nyiya kande.

1 Korina 16:15

Setepanasa banya ree palupi dokona nakama silyaminyi. Nakama yuu Girisi dokona wambo kanda soo Kurisene ingiyami. Nakama Anatunya wambu dupwana nyiso pinya lao kumuo maipala banya yulu pyuo karaminyi.

1 Korina 6:20

Anatumi nakama kiiramo nyuo kaeya dokona nakama banya. Dokona lao nakamana yongo dupwame Anatunya kingi ketae pena lao pipwape.

1 Korina 7:28

Dopa pirinyipape enda nyiinde ramo doko yulu koonde daa. Dopako pyuo enda mee dokome akali nyera ramo doko yulu koo daako. Namba dopa pyuo langilyu doko enda akalipi randa nyuo piso palyuo pilyaminyi dokona leto.

2 Korina 11:2

Anatumi nakama poraiyuo suu pyapyamuli pyuo nambame dopako pyuo suu pyao karo. Nakama enda mapwae pepo kareta, akali role pyaa nange akali mendaki nyelana rombo palyisi petenge doko dopale ingyuo karaminyi. Nakama akali nyerami doko Koraisa.

Epesasa 1:14

Anatumi leyamuli pyuo kaeya nao banya wambu dupwa renge keyange nyerami dokona Imambu Poo Pyasi roo ingyuo wambo jiya. Dokona ingyuo namwa kiiramo nyisi kararama doko soo gisapala Anatunya yanga paupau lenge renge doko lakandamanale.

Epesasa 5:27

Dopa pyuo Elyambu Pingi doko banya lenge kambu dorena rao kui kui lanyi pyambuo, nyisi yaku nayape pisi nao, pepo kareta kiminju palyuo bwualyambwuana pyuo paa naramopa range nyero lao piya.

1 Timoti 4:3

Akali mana koo larami dupwame lao nakama enda nyii nao nenge lapo wasaka pyuo karo pipwape larami. Nenge waso karalapape letaminyi dusipa Anatumi narami lao jiya. Wambu Anatu kapa ingingi lao suu pyao pii kinyi doko soo nyingi dupwame ange lapala narami dokona jiya.

Ipuru 12:23

Nakama peparae wane kyawa ingyuo Elyambu Pingi dokona sukusa imisa nakamana kingi doko yake pandana buku dokona pyasi palamo. Nakama Wambunya Kote Singi Mupwa Anatu dokona epapala Kurisene angi dupwana imambu angi elyape ingingi raka dokona imisa pilyamo.

Jemesa 1:18

Baa range suu piyamuli pyuo waili pii angi kulisa dokome namwa waso nyiya. Wasiyamo lapo dupwana namwako isa jingi mupwasa kanda soo lyingi dopale lao wasiya.

1 Pita 2:9

Nakama Anatunya wambu rara yapasi ingyapala rakange pongo poo pyasi ingyuo karaminyi. Iminjinginya peteyaminyipa Anatumi yangaenge dorena kee lao sukusa nyepala nakama Kiŋinya purisi akali inginyi pyambuyamosa banya yulu andake dupwa pano larami lyakande.

Orepalaisane 17:14

Nakama mena Sipisipi Ikyane dokopa pyakandaraminyipa Sipisipi banya wambu baa yaki nyii nange rombo palyuo yapo nyiyamo dupwa pipame mena koo doko nyuo isa palyarami. Doko baa kamongonyako Kamongo ingyuo karo dee kiŋinyako Kiŋi ingyuo karenge dokome nyuo anamara leya.

Orepalaisane 21:22

Anda taone dokona tembole anda mende kareyamo kanda nayo. Kamongo Anatu Ama Porai dokope Sipisipi Ikyane dokope nakamba iki tembole anda ingyaro kareyambi.

Orepalaisane 21:23

Taone dokona neta kanape dolapo rao karara kata mende see naya. Anatunya yanga paupau lenge dokome neta rao dee Sipisipi Ikyane dokome lambe ingyuo rao kareyamo kandeyo.

Orepalaisane 3:4

Dopa pyuo lapunupape yuu Satisa dokona wambu lapona komau karo pisa napyamosa nakamana kingi doko isa paa nalyamo. Dupwa kapa ingyapyamopa nambamoo pipya komau kakepame dupwa wapwaro kararami.

Orepalaisane 5:9

kenane enenge mende dopa lao piyami. Embame iki kapa ingyapyamopa buku rongo pisi doko nyepala bange porai upi laro palenge dupwa kapa rokwanyi nembare ingilyamo. Emba pyao kumakayamisa embena ranjama dokome wambu dupwa Anatunya lao ropo pyao nyepala kinyi rara wakale wakalepe pii wakale ingyuo lengepe dee wambu rara peparae Anatunya arapunya nyuo palyii.