Orepalaisane 13:15 - Anatunya Buku Baepole Ole Testamene Pii Lapo dee Nuu Tesamene

¹⁵ Dokopa mena dokome bange wasiyamo doko lete renge maiyamopa dokome baa pii lapala wambu baa mona maiyuo lakanda nayami dupwa pyao kumakana leya.

Orepalaisane 13:15 ပူးပေါင်းရင်းမြစ်များ

Jenesese 2:7

Anatumi yuu dokona yuu sinjimu lapo nyepala dokome akali mende elya pyuo wasapala banya gyaa kata dokona poporambaiye lete poo lanyi pyambuyamo dokopa akali doko lenge rao lete ingiya.

Samu 115:5

Kingimi wasisi dupwa nenge kata singi dokome pii kapa laa nange. Lenge rao karenge dokome kapa pyuo kanda nange.

Daniele 7:20

Dee banya ayemba dokona nenge akalisa epeyamo dusipana lao dee mendaki enakana epeya dokome nenge dolomana rema pyao lalyiyamo dokona lao selana suu piyu. Nenge enakana epeyamo doko lenge rao nenge kata soo pingindeme range ketae pyambuo lakandeya. Doloma paka piyamopape baa paka wakasa pingipya dokona renge lama kaname selanako suu piyu.

Daniele 7:25

Baame Anatu Mupwa Andake Wakasa doko kando kamba lapala Anatunya wambu dupwa randa maiyuo kopetame isara. Dopa pipala baame nakamana misinya mawa piipi nenge malu palyuo lakando nao petenge yuu giipi alowa pinya piramo dokopa Anatunya wambu dupwa ee kana rema dee kanya ingyuo banya porai dokome isaramopa isarena kararami.

Apakuku 2:19

Nakama randa nao kumarami. Nakama pii laa nange isa doko lenge raa lao kana pii laa nange doko sipurena letaminyi. Bange kingimi wasisi dokome nolako langingisi? Kana golo kulingipi dupwame bange wasisi dupwa ketae kalya pyuo mamba yangelyaminyipape nakama keta letena renge mende pali nange.

Jemesa 2:26

Wambunya yongo dokona imambu rekya lao penge dokopa kumungi kandale doko suu pyao Anatu kapa ingingi lao suu pyapala dokopa yulu keyange pii narami ramo doko suu pingi keyange doko kumasi ingyuo parasa pira.

Orepalaisane 13:1

Enakana kandeyono dokopa ipwa kota dokona mena kanda nangende pulyuo epeya. Banya ayemba yanda ipingi dokona nenge akalisa kareta epeya. Dusipana wakale wakale bange kyawana rarange akalisako piso kareyamopa dokona Anatu kando pii koo pyasi paleya.

Orepalaisane 13:12

Bange mena koo lapo pyuo doko bange mena koo mupwa wuame piyami umbwua piyamo dokopa role pyao karo banya porai renge nyepala isa wambu peparae bange mena koo doko mona maiyuo lakandena leya.

Orepalaisane 13:14

Bange mena koo wuame pokoyaminyi lete peyamo dokome baa kapa pinya leyamopa mena baame wambumi pii nange yulu dupwa pyuo isa wambu minyoko piyamosa nakama kau dokona kingi ketae pyambuyami isa kanape dupwame kau baa yale bange mende wasapala kingi lao kareyami.

Orepalaisane 14:11

Nakamana bange mena koo dokope dee mena baa yale bange kingimi wasiyami dokope kingi lapala banya make enambana nyiyami dupwa kukwa korakamape imambu see nao kae lao kararami.

Orepalaisane 14:9

Dee aŋala epo dokome kata dokonako palyuo pii ketae poraiyuo lapala, Mendeme mena bange koo dokonape mena baa yale kingi wasiyamo dokope kingi lao karapala banya kingi panda enamba dokona make doko palyuo pira ramo

Orepalaisane 16:2

Dokopa aŋala mupwa ingyuo dokome Anatunya imbu singi perena siyamo dupwa kulimbwanyi palyiya. Dokopa wambu bange mena koona make palyuo bange mena koo dopale kingimi wasapala kingi lao karenge dupwana yanenge dokona rete andake poro lao piya.

Orepalaisane 16:5

Nambame siyu dokopa ipwana aŋala dokome dopa leya. Emba wambape dakepape mee kareneko karenge. Emba ama rolae poo pyasi ingingi dokome nakamba kando kote kapa rolae lapala randa mailyinyi leya.

Orepalaisane 17:14

Nakama mena Sipisipi Ikyane dokopa pyakandaraminyipa Sipisipi banya wambu baa yaki nyii nange rombo palyuo yapo nyiyamo dupwa pipame mena koo doko nyuo isa palyarami. Doko baa kamongonyako Kamongo ingyuo karo dee kiŋinyako Kiŋi ingyuo karenge dokome nyuo anamara leya.

Orepalaisane 17:17

Anatumi suu piyamuli pyuo piramiŋi lapala nakama kiŋi dupwa suu pingi mendaki palyapala nakamana kiŋinya porai renge dupwa mena keta maiyaminyipa baa Anatu laramuli pyuo gii dupwana wambu iso karara ingiya.

Orepalaisane 17:6

Enda dokome Anatunya wambu Yesu yaki nyii nao baa reke lao kumuyami dupwana ranjama napala kyakao peteyamo kandeyo. Kandapala nambame yamaranguyu.

Orepalaisane 18:20

Enda baa koo keta palu palyuo para dokona lao yake doko emba rae maipi. Dopako pyuo Anatunya wambupi dee aposele poropeta akalipi peparae enda baame nakama kando koo pyuo karapya dokona Anatumi baa kando pyao kokwa silyamo dokona rae maiyalapape leya.

Orepalaisane 18:24

Poropeta akali dupwanape dee Anatunya wambu dupwana ranjama dupwape taone andake doko keta palamo. Dee wambu peparae pyao nakamana ranjama kulimbuyaminyi ranjama doko nakama keta kwualyamoko.

Orepalaisane 19:20

Dopa pipala mena koo doko banya poropeta angi daandepa pipu lao kemali pyuo role pyao papingi dolapo nyuo puu maiyami. (Poropeta dokomeyoko wamba yulu andake pyuo wambu malu minyoko piyamo kata dokona ingyuo mena koona make nakamana enamba dokona paleyamopa bange mena koo baa dopale kingimi wasapala kingi lao kareyami.) Nakamba kando yanda pimwaiyuo pipala mena koo doko banya kyambo lenge poropeta akali dokope isare rao lulya kaso karenge andake dokona kupinyi pyambuyami.

Orepalaisane 20:4

Enakana Anatumi rombo palyiyamuli pyuo wambu keta kote larami dupwa nakamana kote pii lao petenge isa dupwana peteyaminyi kandeyo. Dee wambu malu Yesunya yulu minyuo Anatunya pii boo pyao leyamisa ayemba puku piyami dupwana imambu kandeyo. Dee nakama role pyao kareyami dupwa mena koo dokona dee baa dopale isa bange wasiyami dokona kingi laa nao menana make nakamana enamba kingipi dupwana pyasi pali nayamopa kareyami. Nakama Koraisapa role pyao isa yuu ee kana 1,000 ingyuo iso kararami ingiya.