Orepalaisane 11:4 - Anatunya Buku Baepole Ole Testamene Pii Lapo dee Nuu Tesamene

⁴ Pii minyingi dolapo olipi isa lamape dee kendapuli minyingi lamape yuu muu peparaena Kamongo simuisa dokona lenge kambu silyamo dokona karenge.

Orepalaisane 11:4 ပူးပေါင်းရင်းမြစ်များ

1 Kiŋi 17:1

Poropeta akali kingi Ilainja lenge yuu Tisipi yuu Giliate dokona singi range dokome kiŋi Ayape lamaiyuo lao, Kamongo Isaraele wambunya Anatu lete karalu karenge dokona namba yulu pyakamingi dokona kingi lao nambame emba pii dake langilyu. Ee kana dumbinya lamape remape mendena apupi pipyaepe epa nalu nao nara. Namba apu dee epara larono dokopa eparako, leya.

Ekesetase 8:22

Dopa piramopa nambame yuu Gosane nambana wambu palaminyi dokona lili pyuo wambena peya naro. Dopa pirunu dokome namba Kamongo doko yuu dakena yulu pyuo karene lao nakamame soo nyerami.

Aisaya 54:5

Bange peparae pyuo wasiyamo doko embena akalingi mendeke ingyuo karara. Dokona lao Kamongo Porai Wakasa letamano doko banya kingi dokosa lenge. Isaraele wambunya Anatu poo pyasi dokome nakama nyiso kyawa lete nyera. Doko baa yuu muu peparaena mupwa ingyuo karamo.

Maeka 4:13

Kamongome dopa letamo. Jerusaleme wambu dupwa nakamana yanda pimwai dupwa randa nenge kyai ane isa dopale manda manjo wasanyi pyambwaro. Nakamame wambu rara malu anamasi minyinyi palyuo kararami dokona nakamana bange dupwa peparae nambana ingyuo dee Kamongo yuu muu peparaena ingyuo karamo dokona ingyara.

Luku 11:33

Mendeme lambe kaipala anda isarena iminjingi panda dokona reta naope dee penge dokome nee pyuo pisa naope pingi. Dopa pyuo yalu pii napala rate dokona ketae retenge dokopa wambu andakare eparami dupwame isare doko kapa kando epenale lao pingi.

Luku 21:36

Moŋo andake nakama keta eparaŋa dokona kaeya nao ateŋa lao lenge rao pisipwape. Nakama mona kuki palyuo karo Ikinyingi Akali enakana eparamo dokopa banya lenge kambu dokona kapa kararama lao ateŋa lalapa.

Orome 11:17

Olipi isa angi dokona wangya lapo lakyuo peyamopa olipi aeyange lapo epo dokona kimbu soo andeya. Nakamba rara menge dupwa olipi isa aeyange dopakale ingyuo karenge. Doko epapu lete karengepe porainya rengepe Juu keta palamo dokona epo kimbu sepala karaminyi.

Dutaronome 10:8

Dokopa yuu kyau dokona Kamongome Lipae rara akali dupwa rombo palyapala Kana Minyuo Lalu Lao Lenge Pii Palenge Bokote doko iso karo purisi ingyuo banya yulu pyakamyuo banya kingi lao wambu dupwa keta elyape pisinya lao karena leya. Leyamuli pyuo yulu doko mee dakepape pyuoko karaminyi.

Orepalaisane 1:20

Nambame kingi rolae dokome bui yanda ipingi nyepo minyaro karo dokonape dee kendapuli minyingi bange golome wasisi yanda ipingi nyepo dokonape renge andake yalu pisi silyamo dokona ingyuo polo langiru. Doko bui yanda ipingi dusipa Elyambu Pingi yanda ipingi nyepowana aŋala rapu pyuo karenge dokona makande pyuo minyapusa pilyamo. Dee kendapuli minyingi bange yanda ipingi dupwa Elyambu Pingi yanda ipingi nyepo dokona makande pyuo pilyamo.