Orepalaisane 11:15 - Anatunya Buku Baepole Ole Testamene Pii Lapo dee Nuu Tesamene

¹⁵ Enakana aŋala yanda ipingi nyepo dokona bikuli leyamo dokopa yake dokona piso pii rekyae lao lapala, Namwana Kamongo kandale dee banya Koraisapa yuu muu dupwana kiŋi ingyuo kaelyambinyiŋi. Dokome iso karalu karara lyakande leyami.

Orepalaisane 11:15 ပူးပေါင်းရင်းမြစ်များ

Samu 110:4

Kamongome lao, Purisi akali Melekiseteke pyuo kareyamodoko suu pyao emba purisi dopale mee karalu karare. Baame mee epeepe lao yakane ingyuo leyande daa. Pii lalu lao lao reteya, leya.

Samu 2:2

Nakamana kiŋi dupwa porai ingyuo karo dee akali mupwa dupwa wato lao karapala Kamongope banya rombo palyisi kiŋi dokope yanda pimwailyaminyi.

Samu 72:11

Dopa pyuo kiŋi peparaeme baa mupwa lao mona mairaminyipa yuu muu dupwana wambu peparaeme banya yulu pyakamyuo pirami.

Ekesetase 15:18

Kamongo emba yuu peparae kiŋi ingyuo karalu karare.

Aisaya 44:23

Kamongome banya yulu andake pyuo lasaka pyuo banya Isaraele wambu dupwa nyiso pyuo lete nyiya dokona nakama yake panda dorenape isa yuu rapunya palenge dupwape dee imwa isape yuu kyaupi dupwa nakama pii ketae palyuo lao rae maiyuo karalapape.

Aisaya 55:5

Dakepa nakamame yuu wakale range wambu dupwa epena lao kyakale larami ingilyamo. Wamba wambu dupwame nakama see nayami kande. Dopa piyaminyipape epapu nakama karaminyi dokona makando ree lao eparami ingilyamo. Namba nakamana Kamongo Anatu Isaraele wambunya Anatu poo pyasi dokome renge dupwa pyaka sinya laro. Nambame nakama kingi ketae pyambuo rape rape lena lao piru.

Aisaya 9:7

Banya kiŋi yulunya iso karengena porai renge doko ando puu para. Banya isingi panda doko yuu peparae mona kyuu lao soo puu para. Baa kiŋi Dapiti kareyamo alonge dokona karara. Banya porai renge doko rolae angi dokona seramopa rolo lao karo pao yuu gii rengya lumwa piramo dokona ingyara. Anatu Porai Wakasa dokome pii lapyamo dusipana palyuo pinya suu pyalu pyao pilyamo.

Isikiolo 37:25

Nakama yuu nambana kendemande akali Jekope maiyunu dokona palirami. Jekopena para pyasi nakamana rora ambasupi ingyuo dupwa palyuo kareyami. Nakamape nakamana wane dee dupwana para pyao paramo dupwape dokona palyuo karalu kararami dokopa kiŋi mende nambana kendemande akali Dapiti yale dokome nakama iso karalu karara.

Daniele 7:14

Dokopa wambu yuu muu peparae palenge dupwamepe pii wakale wakale lenge dupwamepe wambu rara peparae dupwamepe banya yulu pyakamirami lao baa porainya rengepe kingi ketae pyambuo lakandenge rengepe dee kiŋinya porai rengepe dusipa maiya. Banya porainya renge doko sulu sera dee banya kiŋi yulu doko ota nara ingiya.

Daniele 7:18

Seramopa Anatu Mupwa Andake Wakasa dokona wambu dupwa kiŋinya porai renge nyepala minyaro karalu kararami, leya.

Daniele 7:22

Dokopa mende lete palu karalu karenge doko epeya. Epapala Anatu Mupwa Andake Wakasa dokona wambu dupwa keta anjiki pyuo kote leya. Yuu gii doko Anatunya wambu dupwa kiŋinya porai renge doko nyerami lao pyaka siya.

Daniele 7:27

Isa yuunya kiŋinya isingi yulu dokona yulu andakepe porai rengepe dupwa Anatu Mupwa Andake Wakasa dokona wambu dupwa nyuo maira. Mairamo dokopa isa yuunya akali mupwa karenge dupwame nakamana pii warombo soo yulu pyakamyuo kararaminyi dokopa kiŋinya porai renge nakama keta palira doko ota nalu nara.

Osia 2:23

Nambame nambana wambu dupwa yuu dokona porai ingyuo kapa palyuo karena lao piru. Pipala wambu lapo nambame mona reta nalyamo letaminyi dupwa nambame mona retenge renge doko lasaka piru. Dee wambu lapome lao nakama nambana wambu daa letaminyi dupwa kando lao, Nakama nambana wambu laro. Dokopa nakamame isingi lao, Emba namwana Anatuŋu larami.

Maeka 4:7

Wambu papae rambungi ingyuo anda nanesa karapyamo petaminyi dupwa nambame enenge ingyuo kanda soo wasaronopa nakama rara ama wakasa andake ingyuo para. Dokopa nambame yuu Sayone kyau dokona karo yuu gii dokopa piso kanda soo rapu piru doko pyuo karalu kararo, leya.

Malakae 1:11

Wambu yuu muu dupwana peparaeme namba rape rape lao karaminyi. Dupwana peparaeme bange rendamu pingi dupwa kiso joo dee bange rae maiyuo nyeroli dupwa jilyaminyi. Jepala peparaeme namba rape rape lao karaminyi.

Matyu 24:31

Dokopa bikuli andake laramopa banya aŋala dupwame porambaiye renge kuiyuo epenge yuu pinjingi kisima dusipana pao banya wambu yapasi dupwa nyela pena lara.

Matyu 6:13

Namwa makande pira ingilyamo dokona embame namwa lanyuo paa napala koo dokome maralyasara lao kyawa minyuo karape. Pii dopale lao ateŋa lalapape.

Luku 1:33

Mairamopa yuu peparae baa Jekopena rara doko kamongo wakasa ingyapala rapu pyuo karalu karo karara. Dokopa banya isingi yulu doko ota nara, leya.

Luku 15:10

Doko suu pyao dopa langilyu. Wambu yulu koo pingi mendakindeme koo dupwa yaki nyepala mona enenge palyuo kararamo dokopa Anatunya aŋala dupwame kando mona pyakalyuo pyao kararami leya.

Luku 15:6

dopa pyuo anda soo epo banya puu minyingi dupwape parali maki palenge dupwape sukusa sukusa pyuo epena lapala, Nambana sipisipi pana napyamo doko kando nyepala epelyo dokona rae maiyakamana lamaira.

APOSELENA YULU 4:26

Yuunya kamongo akali dupwame wato nengyango lapala Kamongo dokonape dee Koraisa dokopa kando yanda pyala peyami.

Ipuru 1:8

Dopa pyuo leyamopape Ikinyingi kando dopa leya. Emba Anatuŋu, peparae isa karalu karare lyakande rolaena renge palyuo embena wambu dupwa rolae dokome iso karenge.

Orepalaisane 10:7

Dopa piramo dokona aŋala yanda ipingi dokome bikuli lara dokopa Anatunya pironya lao poropeta akali dupwa lamaiyamo doko angi pyaka silyamo leya.

Orepalaisane 12:10

Enakana yake dokona piso pii andake dopa pyuo leyamo siyu. Koo mendeme Anatunya lenge kambu siyamo dokona kukwa korakamape karo namwana yangonge dupwa kando koo keta palyuo kote lao kareyamo doko neta nembelyaminyi. Anatumi porayapala kote palenge doko anamasi minyuo wambu iso karara yuu gii doko pyaka sepelyamo. Dokopa Koraisa banya isingi panda angi doko range nyilyamo, leya.

Orepalaisane 15:4

Api mendeme Kamongo emba kando paka napala embena kingi doko ketae minyalya narase? Emba iki poo pyasi karene. Embena yulu rolae dupwa panasi silyamo dokome wambu yuu muu peparae epapala emba suu pyao mona kando pisarami.

Orepalaisane 16:17

Dokopa aŋala yanda ipingi dokome banya perena siyamo doko porambaiye dokona kulimbwanyi pyambuya. Dokopa tembole anda petenge isa dokona piso pii rekyae lao epo, Yulu doko pyuo kaelyamo leya.

Orepalaisane 17:14

Nakama mena Sipisipi Ikyane dokopa pyakandaraminyipa Sipisipi banya wambu baa yaki nyii nange rombo palyuo yapo nyiyamo dupwa pipame mena koo doko nyuo isa palyarami. Doko baa kamongonyako Kamongo ingyuo karo dee kiŋinyako Kiŋi ingyuo karenge dokome nyuo anamara leya.

Orepalaisane 19:1

Enakana yake dokona piso pii ketae lao wambu ama malumi pii larami dopale leyaminyi siyu doko, Lete wai pyao nyingi yulupi yanga paupau lenge dokope porainya rengepe namwana Anatu baa keta palenge. Dokona banya kingi lakandalapape leya.

Orepalaisane 19:6

Enakana pii mende wambu malu wakasame ipwa jerae pyao malyili laope dee yuu gala lao rali pili lao lao epeyamo siyunu dokona lao, Namwana Kamongo Anatu Porai Wakasa doko baa kiŋi ingyuo karamo dokona lakando karamana leya.

Orepalaisane 20:4

Enakana Anatumi rombo palyiyamuli pyuo wambu keta kote larami dupwa nakamana kote pii lao petenge isa dupwana peteyaminyi kandeyo. Dee wambu malu Yesunya yulu minyuo Anatunya pii boo pyao leyamisa ayemba puku piyami dupwana imambu kandeyo. Dee nakama role pyao kareyami dupwa mena koo dokona dee baa dopale isa bange wasiyami dokona kingi laa nao menana make nakamana enamba kingipi dupwana pyasi pali nayamopa kareyami. Nakama Koraisapa role pyao isa yuu ee kana 1,000 ingyuo iso kararami ingiya.

Orepalaisane 8:12

Aŋala kisima doko bikuli leyamo dokopa neta kana dokonape dee bui dupwanape kanya remasa lao rombo pyao liti piyamopa liti mendaki dokona larapu iminjapa piya. Dopako pyuo kukwa doko remasa lao liti piyamopa dokona liti mende iminjo, dee korakama doko dopako piyamopa dokona liti mende iminjo piya.

Orepalaisane 9:1

Aŋala kingi paki ingyuo dokome banya bikuli doko leyamo dokopa bui yakena piso yuunya kondala epeyamo doko kandeyo. Doko baa yuwale mendasa lumwa pii nao soo dono puu pao peya dokona lao kii ikyane retaro kareya.

Orepalaisane 9:13

Dokopa aŋala pakinyamange dokome banya bikuli doko leya dokopa Anatunya lenge kambu siyamo kana golome wasisi kiso maingi pyarena pinjingi dusipana anda kanya dokona piso pii lao epeya.