Orepalaisane 10:1 - Anatunya Buku Baepole Ole Testamene Pii Lapo dee Nuu Tesamene

¹ Enakana aŋala porai wakasa mende yake dokona piso isa epeyamo kandeyo. Kopa dokome komau ingyuo wapupala banya ayemba dorena kau puiya dokome nyuo bokembake pyuo piya. Banya lenge kambu dorena neta rele leyamopa kimbu dolapo isare kekenge dopale ingiya.

Orepalaisane 10:1 ပူးပေါင်းရင်းမြစ်များ

Ekesetase 16:10

Eroneme wambu dupwa peparae lamaireyamo dokopa nakama kapu kyepala yuu muiyane dorena kandaro kareyaminyipa Kamongona yanga paupau lenge doko kopa rakapana paneya.

Aisaya 54:9

Wamba Noa kareyamo dokopa ipwame piyunu dopaleme mende pii naro lao lalu lao leyo. Dee epapu nakama kando imbu singi manja nao dee koo dupwana kando nakama koo pingiŋi laope randa jii narona lao lao lalu lao leto.

Isikiolo 1:28

Kamongo baa yanga paupau lao karo lao lasaka piyamo kandeyo.

Daniele 7:13

Yuu gii kukwa dokopa kombeya pyuo pii repa repa piyunu dokonako wambu yale mende kandeyo. Baa namba kareyono dokona repeta epapala kopa dokome bolotoko lapala baa mendali lete palu karalu karenge doko peteyamo dokona peyamopa baa apipi lao polo leyami.

Lipitikase 16:2

Dopa lamaiyuo, Embame yangone Erone lamaiyuo, Panda Kamame Poo Pyasi dokona namba kopa rakapana epo Kana Minyuo Lalu Lao Lenge Pii Palenge Bokote roma dokona ketae epengeŋe dokona yuu gii angi rolae dokopa iki komau andake yukwaro karamo dokona matarena baa epapa pinya lamairi. Daaŋa lapala larono dokona palyuo pii napala kamba lara ramo doko baa pyao kumakaro.

Matyu 17:2

Peyaminyi dokopa baame nakama dusipana lenge kambu siyamo dorena karapala baa wamba yongo karenge doko kaepala yongo wakale maralyiya. Dokopa banya lenge kambu doko neta rao karenge doko suu pyao rao kareyamopa banya komau dusipa yanga paupau lao kyewa lao mama nyiya.

Luku 21:27

Dokopa Ikinyingi Akali kopa role pyapeta baa porai ingyuo yanga paupau lenge andake lao eparamo kandarami.

APOSELENA YULU 26:13

O Kiŋi, peyono dokopa yake panda dokona piso yanga paupau mende lao epeyamo kandeyo. Doko neta doko yanga paupau lengeko doko dolo baa wakasako yanga paupau lao epapala nambamoo role pyao peyama dupwa paleta nyuo kako piya.

Orepalaisane 1:7

Kandalapape, Baa kopa dokona role pyapeta epelyamo. Enda akalipi peparae baa kandarami. Wambu baa arekyuo piyami dupwame kandaramiyoko. Wambu peparae baa suu pyao ee lao kondarami. Dopako pyuo pira, doko kinyi.

Orepalaisane 18:1

Dopa pipeyamo dokopa aŋala mende yakena piso epeyamo kandeyo. Baa porai renge paleta banya yanga paupau lenge dokome isa yuu peparaena yanganyi peeyo epeya.

Orepalaisane 18:21

Enakana aŋala porai mendeme kana ama reeko mende nyuo ipwa kota dokona pyao nembo karo lao, Taone andake yuu Bapilone kandale doko dopa pyuo pyao kokwa sinyi nembelyamo doko dee kandaraminde daalyamo leya.

Orepalaisane 20:1

Enakana nambame aŋala mende yake dokona piso epeyamo kandeyono dokopa baa yuwale kata soo puu penge dokona kii dokope dee puu sane londe mendepe kingi rakana palyaro kareya.

Orepalaisane 4:3

Banya lenge kambu kana rara wakale wakale pyasalya pyasana pisi kone keyange yalende yanga paupau lasi ingiya. Banya petenge dokona kau puiya rolepo ralepo rengende makeya pyuo siya.

Orepalaisane 5:2

Namba kandeyono dokopa aŋala ama poraindeme pii romende lapala, Akali api keyangendeme isa roo yanda ipingi nyepowame pepa rongo pisi upi leyami dupwa kapa pyao lumbanyi nembarase? leya.

Orepalaisane 8:13

Enakana nambame kandeyono dokopa yaka kambe yake dokona bii lao karo pii ama ketae lao, Kwao para, kwao para, isa yuunya palaminyi dupwa randa andake nyerami. Aŋala rema bikuli lapa nami dupwa oo lalana petaminyi dokona kama kwao parami ingyalopyamo leya.