Orepalaisane 1:4 - Anatunya Buku Baepole Ole Testamene Pii Lapo dee Nuu Tesamene

^4-6 Namba Jone, Elyambu Pingi yanda ipingi nyepo yuu Esia dokona pepa pyao jilyu. Anatu baa epapu karamo doko wambo kareyako enakana kararako dokope dee imambu yanda ipingi nyepo banya petenge isa repeta dokona karaminyi dupwape dee Yesu Koraisa pii rolae lao karenge doko baa kumungi dupwana kanda soo lete epapala, isa akali kamongo dupwa rapu pyuo karenge dokope dusipana mona keyange palyuo ipingi rengepe mona kyuu lao singi rengepe nakama keta paliramopa karamili yaka lao suu pilyu. Yesu namwa mona reteyamo dokona ranjama kulimbuo joo kumuyamo dokome, namwana koo dupwa rekya lanyi nembakaya. Banya isingi pandana namwa rapu pingi inginyi pyambuo Rakange Anatu lakandalapa langiya. Baa iki mupwa ingyaramopa neta renge yulu doko baa keta palu palena, doko kinyi.

Orepalaisane 1:4 ပူးပေါင်းရင်းမြစ်များ

Samu 90:2

Yuu kyau dupwa wasapa nao karowape dee yuu muu peparae ingyalana karowape Anatu emba letena renge palyuo Anatu ingyuo karalu karengepya. Dokoko Anatu ingyuo karo puu parepya.

Ekesetase 3:14

Dokopa Anatumi Mosese lamaiyuo, Namba Doko Nambako. Pii dake embame Isaraele wambu dupwa lamairi. Namba Doko Nambako laypamo dokome namba nakama keta puu lao peyapyamo epano lare.

Aisaya 11:2

Anatunya Imambu dokome baa mona palenge singinya renge soo gisinginya rengepe mora petengena rengepe baa keta mairamopa baame banya wambu dupwa iso karara. Baame Anatumi dopa pipyali lao suu pyaramo dupwana soo gisapala baa ketae pyambuo kararamopa

Aisaya 41:4

Apimi dokona karapala yulu dopale dupwa pyaka sinya lao piyase? Api mendeme wambo pyuo kaeyamo dupwana doko mende wamba piyaŋa lao soo giso lara ingiyase? Namba Kamongo doko wamba enye kanda siyamo dokopa kareyo. Dee namba Kamongo doko lumwa piramo dokopa dokona kararoko ingilyamo.

Maeka 5:2

Yuu Juta dokona Beteleme Eporata taone ama kuki ingyaramopape nambame nakama range sukusa dokona mende Isaraele wambu rapu pirande rombo palyuo nyero. Banya rora ambasupi dokona wamba malu mee karo peyami dokonandeme rapu piraŋa lao rombo palyaro.

Jone 1:1

Ene busapa nayamopa Pii doko kareya. Pii doko Anatupa kareyambi. Pii doko Anatu dokonako angingyuo kareya.

APOSELENA YULU 19:10

Ee kana lamana dopa pyuo kareya. Pyuo kareyamosa yuu Esia dokona Juu wambu dupwape rara wakale dupwape Kamongona pii doko siyami.

APOSELENA YULU 2:9

Yuu Patia range akalipi Mitia akalipi Ilama akalipi karamano. Yuu Mesopotemiape yuu Jutia yuu Kapatosia yuu Pondasa yuu Esia

Orome 1:7

Anatumi nakama yuu Orome range banya wambu angingyuo kyakale lao nyiyamopa baa mona reto karaminyi dupwa nakama pepa pase dake pyao jilyu. Namwana Rakane Anatu Kamongo Yesu Koraisapana mona keyange palyuo ipingi rengepe mona kyuu lao singi rengepe nakama keta jinya leto.

1 Korina 1:3

Namwana Rakane Anatu dee Kamongo Yesu Koraisapana mona keyange palyuo ipingi rengepe mona kyuu lao singi rengepe joo karena lao yako letambano.

2 Korina 1:2

Namwana Rakane Anatu Kamongo Yesu Koraisapame mona keyange palyuo ipingi renge mona kyuu lao singi rengepe jinyale lao letambano.

Ipuru 13:8

Yesu Koraisa baa wamba kareya doko suu pyao epapu alowa pipyande daa. Rakyamepe mee dopaleko karalu karara.

Jemesa 1:17

Bange ama keyange yapasi namwa keta epenge dupwa yake panda dokonako piso epenge. Yakena neta kanape rao karamo dupwana Rakane baameoko keyange dupwa joo karenge. Baame yuu peparae mee yanga paupau lao karo neta kapu kyepala anda pao dokopa yuu kone pupuripi pingi dopale ingyuope alowa pii nange.

Orepalaisane 1:1

Anatumi Yesu Koraisa dokona pii polo lamaiyamo doko dakena pyasi palamo. Yulu oo repeta pyaka selana pilyamo dupwa Koraisa banya yulu pyakamaingi wambu wambo lasaka pinyale lao Anatumi baa lamaiya. Koraisame banya yulu akali Jone soo karena lao banya aŋala mende lamaiyala pena leya.

Orepalaisane 1:11

dopa pyuo langiya. Emba kandarene dupwa pepana pyapala Elyambu Pingi yanda ipingi nyepo dusipana mairi. Mende yuu Epesasa lenge, mende Semena, mende Pekamama, mende Tayataira, mende Satisa, mende Pilatepia, mende Leotosia lenge yuu dusipana mairi leya.

Orepalaisane 1:17

Nambame baa kandeyo dokopa banya kimbu dokona pao palipala kumasi ingyuo siyu. Dokopa baame banya kingi rolae dokome namba keta retapala langiya. Emba paka napipi. Namba wambowana karapala pao lumwa pingi ingyuo karo.

Orepalaisane 1:20

Nambame kingi rolae dokome bui yanda ipingi nyepo minyaro karo dokonape dee kendapuli minyingi bange golome wasisi yanda ipingi nyepo dokonape renge andake yalu pisi silyamo dokona ingyuo polo langiru. Doko bui yanda ipingi dusipa Elyambu Pingi yanda ipingi nyepowana aŋala rapu pyuo karenge dokona makande pyuo minyapusa pilyamo. Dee kendapuli minyingi bange yanda ipingi dupwa Elyambu Pingi yanda ipingi nyepo dokona makande pyuo pilyamo.

Orepalaisane 1:8

Kamongo Anatumi Wakasa, Namba yuu ingya ingya ingyuo karo pao lumwa pingi ingyuo kararo letamo. Baa wakasa ingyapala wamba kareya, epapu karamo rengya kararako.

Orepalaisane 1:9

Namba Jone. Yesupa pakao karo dokome nakamana yangonge ingyuo karo. Namba nakama pipya Anatunya isingi yulu dokona karo randa nyepalape maka nao pyuo karamano. Anatunya pii dupwa polo lamaiyuo, dee Yesunya kingi lao kareyosa dokona yuu kingi Patamosa lenge ipwa kotana sukusa singi dokona nembeyami.

Orepalaisane 16:5

Nambame siyu dokopa ipwana aŋala dokome dopa leya. Emba wambape dakepape mee kareneko karenge. Emba ama rolae poo pyasi ingingi dokome nakamba kando kote kapa rolae lapala randa mailyinyi leya.

Orepalaisane 2:12

Aŋala Pekamama Elyambu Pingi wambu rapu pyuo karamo dokona pii larono dupwa pepa pyao maipi doko, Mendeme wua gela paki pakipi nenge karenge minyaro karamo baa dopa letamo.

Orepalaisane 2:18

Aŋala Tayataira Elyambu Pingi wambu rapu pyuo karamo dokona dopa pyuo pepa pyao maipi. Anatunya Ikinyingi dokona lenge dolapo isare kekenge dopale rao karo, dee kimbu dolapo kapa lepolepo pingi dopale ingyuo karamo baa dopa letamo.

Orepalaisane 2:8

Aŋala yuu Semena Elyambu Pingi rapu pyuo karamo dokona dopa pyuo pepa pyao maipi. Wambowana karapala pao dee lumwa pira dokopa kararako baa kumapala dee lopo epeyamo dokome dopa letamo.

Orepalaisane 22:16

Yesumi, Nambana aŋala mende pii dusipa Elyambu Pingi wambu keta sinya lao lamaiyala pena lapu letamo. Namba Dapitinya para pyao peyamo dokona ingyuo mandeyami. Namba yangama bui yoyowande renge dopale ingyuo karo.

Orepalaisane 22:8

Nambana kingi Jone lenge. Pii repa repa piyamo kando ote pipala dokopa aŋala lasaka piyamo kimbu siyamo dokona pao palipala mona kando banya kingi lalana piyu.

Orepalaisane 3:1

Aŋala yuu Satisa Elyambu Pingi wambu rapu pyuo karamo dokona dopa pyuo pepa pyao maipi. Mendeme Anatunya Imambu yanda ipingi nyepo dee bui yanda ipingi nyepo minyaro karamo dokome baa dopa letamo. Nambame nakamba pyuo karaminyi dupwa soo gisilyu. Nakama lete karamanoŋo lao karaminyipape mee kumasi dalapo romo romo pyuo karamisa pilyamo leto.

Orepalaisane 3:14

Aŋala Leotosia Elyambu Pingi wambu rapu pyuo karamo dokona dopa pyuo pepa pyao maipi. Mendeme Kinyinya Rengepe Anatunya pii rolae nembo lao kinyi doko iki lengepe Antunya wasiyamo dupwana renge kuiyuo kanda siyamo dokope baa dopa letamo.

Orepalaisane 3:7

Aŋala Pilatepia Elyambu Pingi wambu rapu pyuo karamo dokona dopa pyuo pepa pyao maipi. Mende poo pyasi rolae pyuo karenge baame Dapitinya kii ikyane minyaro karo dokome lumbwaramo dokopa mendeme upi laa nao dee upi laramo dokopa mendeme lumbwa naoko pirami dopa letamo.

Orepalaisane 4:5

Petenge isa andake dokona piso yuu pele pipala yuu gala lao rali piya. Dee kendapuli yanda ipingi nyepo mendasipa Anatunya imambu yanda ipingi nyepoko dokona makande pyuo rao siya.

Orepalaisane 4:8

Lee renge bange kisima dupwa papake yanda ipingi nyepo kareta matarena andarenape dokona lenge yuu sero kareya. Nakama kukwa korakamape imambu sepa nao kenane dopa pyuo pyao karalu karenge. Poo pyasi, poo pyasi, poo pyasi Porai Wakasa Kamongo Anatu baa wamba kareya epapu karamo rengya kararako.

Orepalaisane 5:6

Dopa leyamo dokopa Sipisipi Ikyane pyasi yalende, petenge isa andake suku dokona kareyamopa lee renge kisimape dee wambake dupwapeme nyuo kako pyao kareyami. Anatunya imambu yanda ipingi nyepo yuu muu dupwana mapanyi peeyamo dokona makande minyuo Sipisipi dokona kyawana nenge potemenge yanda ipingi nyepo karara, dee lenge yanda ipingi nyepoko rao siya.

Orepalaisane 8:2

Enakana kandeyono dokopa aŋala yanda ipingi Anatunya lenge kambu dorena bikuli lenge yanda ipingi maiyaminyi minyaro kareyami.