Orepalaisane 1:3 - Anatunya Buku Baepole Ole Testamene Pii Lapo dee Nuu Tesamene

³ Yuu gii pyaka seramo doko repe ingilyamo dokona pii pyasi buku dakena yaka larami dupwa rae mairami. Pii polo lenge dusipa sepala warombo serami dupwa rae mairamiko.

Orepalaisane 1:3 ပူးပေါင်းရင်းမြစ်များ

Poropepe 8:34

Akali mende nambana anda kame kambu konandawame dokona isaro petengepe dee akali mende nambana pii soo nyingipi dupwa rae mairami.

Matyu 24:15

Anatunya poropeta akali Daniele lenge dokome, Anda poo pyasi dokona bange ama koo Anatunya lenge kambu dokona kokwa soo retarami leya doko leyamuli pyuo piya kande dokopa yuu Jutia kararaminyi wambu dupwa yuu kyau dupwana bolombalo lao ralo pupwape. (Pii dake kongwalu letamo dokona poraiyuo selapa.)

Luku 11:28

Leyamopape baa dopa lamaiya. Pii letene doko rolae daa. Wambu Anatunya pii warombo soo pisipala pyuo karaminyi dupwa keta renge keyange palamo leya.

Orome 13:11

Embame yuu gii doko anjokorape lao silini dokome pii lamwa dokona palyuo pyuo karape. Doko lenge rao karalapape lao gii doko epo kaelyamo. Namwa wamba mona maipala Kurisene ingiyama dokopa Koraisana lete wai pyao nyera doko nanesale siya. Doko epapu repetale epo kaelyamo.

Orome 13:12

Iminjingi doko isa pao kaepyamopa yuu gii angi doko repeta epelyamo. Iminjingi yulu dokona pii namanale. Yanga paupau lenge kaku walakyape dupwame minyuo yanda pirama doko nyuo minyaro karamana.

1 Pita 4:7

Yuu lumwa pira doko repe ingilyamo dokona emba range kame pyuo minyuo mona paliramopa karo ateŋa lalapape.

2 Pita 3:8

Nambana puu minyingimoo, pii dake kame see nalapape. Anatumi ee kana ama malu (1,000) doko yuu gii mee mendaki dopaleko lao suu pyaro karapyamo pilyamo.

Orepalaisane 22:10

Dopa lapala baame kamba langyuo, Buku dakena pyasi palamo yulu rengya nyeramo dupwa kalyamo kara napipi. Angi piramo yuu gii doko repeta palira ingilyamo.

Orepalaisane 22:12

Yesumi, Selapa, repeta usale eparo letamo. Nambame aki yulu piyami lao dupwana manda manjo kingi kisaro ingilyamo.

Orepalaisane 22:20

Mendeme pii pyasi dusipa angingyuo paraŋa letamo doko baa, Olo epena kimbu malyaro karo letamo. Doko kapaŋa Kamongo Yesu emba waiya lao ipu.

Orepalaisane 3:11

Namba waiya lao eparo ingilyamo dokona lao nakama renge keyange kando nyiyami dupwa poraiyuo minyaro karalapape. Dokopa nakama keta keyangena renge palamo dupwa isa pakara ingya nalyamo.