Orepalaisane 1:18 - Anatunya Buku Baepole Ole Testamene Pii Lapo dee Nuu Tesamene

¹⁸ Namba lete karenge akali ingyuo karo. Kanda. Namba kumuya kande doko nambame mee lete karo puu paro ingilyamo. Wambu kumaraminyipape Satane panda paraminyipape dolapona kii namba keta palamo.

Orepalaisane 1:18 ပူးပေါင်းရင်းမြစ်များ

Jopo 19:25

Dopa pyuo lapunupape akali kamame wakasa mende yake panda dokona karamo dokome lumwa pyuo epapala namba pyuo nyera lao soo otelyo.

Jopo 38:17

Mendemepe emba yuu iminjo kondo kondo lenge kumungi panda dokona rapu pingi kame kii doko lasaka pingisi?

Matyu 11:23

Nakama Kapaneame wambu dupwa yake panda dokona minyalyuo nyeramo parama lao suu pilyamipi? Daa, nakama Satane panda Aitisi dokona isa pyao pyambwara. Dokona lao nakamana yuu dokona yulu andake pyuo kareyo dupwa yuu Sotoma dokona pyuo kareyoli doko yuu doko koo keta paa napala mee kapa sulu soo sipyali.

Matyu 16:19

Yake pandana isingi yulu dokona sukusa kambu lumbungi kii yakane dusipa emba jero. Emba isa panda dakena lapo daa larenepape kapalamo larenepape doko yake dorena larene dokonako ingyaraŋa leya.

Luku 24:5

Dokopa pakame kumapala lenge kambu yuu dokona pongwa neyaminyi dokopa akali dolapome nakama dopa lamaiyambi. Akipamo malu anda dakena lete karamo doko kotelyambinyi?

Jone 11:25

Yesumi baa dopa lamaiya. Sipurao epengepe lete karengepe renge dolapona namba renge kuiyuo karo. Akali mendeme namba kapa ingingi lao suu pyao mona jera ramo doko baa kumapalape mende lete karara.

Jone 14:19

Rengya usale dokona isa wambu menge dupwame namba dee kanda nalominyi. Dopa piraminyipape nakamame namba kandarami. Namba angi lete karo dokona nakama opetae lete kararami.

Orome 6:9

Doko Koraisa kumuo palyuo lopo epapala dee kuma nara. Kumungi renge dokome baa dee nyuo kumuo anamasi minya nara.

2 Korina 13:4

Baa pau lasi ingyuo kareyamopa isa mamandona pyao palyiyaminyipape Anatunya porainya renge dokome Koraisa lete karamo. Baamoo pipya pakao karenge dokome namwa opetaeko pau lasi ingyuo karenge. Anatunya porainya renge namwa keta paliramopa namwa Yesupa role pyao karo nakama rapu pyuo kararama.

Kolosi 3:3

Emba kumiinyisa embena imambu doko Koraisapa Anatu dokona yalu pisi karamo.

Ipuru 1:3

Ikinyingi doko Anatu peparae isa komba pyapala Rakangena yanga paupau lenge doko neta ranyi peenge. Banya pii porainya renge paleta dokome yuu muu dupwa peparae renge kuiyuo minyaro karenge. Baa isa wambunya koo dupwana pyuo elya pyuo nyepala yake pandana mupwa Anatu dokona kingi rolaerename pao peteya.

Ipuru 12:2

Yesumi namwana Kurisene kata doko wapwakapala namwa dokonako lanyuo puu para doko baa kandaro soo monale. Baame isa mamando nyerolyamo lapala kaeyande daa. Enakana rae maiyuo kararo lao suu pyapala baa elya napala isa mamando dokona mona kuki palyuo peya. Dopa pyuo piyamopa Anatumi baa nyuo ketae pyambwapala banya kingi rolae dorena pisapyamopa epapu petamo.

Ipuru 7:16

Lipaena rarame pinginyili pyuo wambunya yulu palyuo Yesu purisi ingyuo rombo palyuo kareyaminde daa. Baa lete karalu karara renge porai dokome purisi ingyuo peya.

Ipuru 7:25

Isa wambumi Anatu karamo dokona eparami dokona Yesu baame lamaiyakamingi akali ingyuo karalu karenge. Dokona lao baa kukingisa karenge akali ingyuo Anatu keta eparami dupwa pyuo nyulu nyuo nyera.

Orepalaisane 10:6

Baame Anatu yake dorena bange silyamo dupwape yuu dokona bange paleta silyamo dupwape dee ipwa kota dokona silyamo dupwape wasapala kareyamoko karenge dokona kingi lao pii angi ingyuo lalu lao lao dopa lamaiyuo, Yuu gii dakepa otara ingilyamo, Anatumi dee isaro kara nara.

Orepalaisane 15:7

Enakana lee renge bange kisima dokona mendeme aŋala yanda ipingi dusipa pere golome wasisi mendasipana Anatu mee kareyamoko karenge dokona imbu singi doko reto simbwapala maiya.

Orepalaisane 2:8

Aŋala yuu Semena Elyambu Pingi rapu pyuo karamo dokona dopa pyuo pepa pyao maipi. Wambowana karapala pao dee lumwa pira dokopa kararako baa kumapala dee lopo epeyamo dokome dopa letamo.

Orepalaisane 20:13

Enakana ipwa kotana kumuo peyami dupwa neta epeyami. Dee yuunya kumasi dupwape imambu kumuo penge panda dokona peyami dupwape neta epeyamiyoko. Epapala aki yulu mende piyami lao dupwana minyuo kote lao roleyami.

Orepalaisane 20:14

Dokopa kumungi renge dokope dee Satane panda karenge dupwape isare andake dokona pyambuyami. (Isare andake rao singi dokona parami dupwa dee kamba kumarami.)

Orepalaisane 3:7

Aŋala Pilatepia Elyambu Pingi wambu rapu pyuo karamo dokona dopa pyuo pepa pyao maipi. Mende poo pyasi rolae pyuo karenge baame Dapitinya kii ikyane minyaro karo dokome lumbwaramo dokopa mendeme upi laa nao dee upi laramo dokopa mendeme lumbwa naoko pirami dopa letamo.

Orepalaisane 4:9

Isa petenge andake dokona petelyamopa kando lee renge bange kisima dupwame baa karalu karenge dokona lao kenane keyange dupwa lakandao pingi.

Orepalaisane 5:14

Dokopa lee renge bange kisima dupwa kinyi kapa leyami. Dokopa akali wambake dupwa wapambu pii pyapala mona kando peteyami.

Orepalaisane 6:8

Namba kandeyono dokopa ose kangama nasindena akali peteyamo dokona kingi kumasi lengende piso epeya. Dokopa akali mende Satane panda lengendeme peteta epeya. Nakamba yuu muu peparae doko kunjo kisima pipala liti mendaki dokona iso kararambi ingiya. Yuu liti dokona wambu dupwa wua gelame pyao, lopo maiyuo, anga ikyane kiso maiyuo, mena rakaiyeme pyao nena lao pirami renge dopale nakama keta paleya.

Orepalaisane 9:1

Aŋala kingi paki ingyuo dokome banya bikuli doko leyamo dokopa bui yakena piso yuunya kondala epeyamo doko kandeyo. Doko baa yuwale mendasa lumwa pii nao soo dono puu pao peya dokona lao kii ikyane retaro kareya.

1 Samyuele 2:6

Kamongome pyao kumasepala dee lete nyingi. Baame wambu kumuo penge panda nembapala dee nyingiko.