Nambase 27:16 - Anatunya Buku Baepole Ole Testamene Pii Lapo dee Nuu Tesamene

¹⁶ Kamongo Anatu lete rengena renge kuiyuo karenge dokome akali mendeme embena wambu dupwa isako karara lao rombo palyepe lao leya.

Nambase 27:16 ပူးပေါင်းရင်းမြစ်များ

1 Kiŋi 5:5

Kamongo dokome nambana rakane Dapiti kando lalu lao lao, Embena ikinyi nambame embena mata kiŋi wasaro dokome nambana tembole anda doko pyakara, leya. Dokona epapu nambame tembole anda doko nambana Kamongo Anatunya lakandenge anda doko pyakamiru lao suu pilyu, leya.

Ekelesiyastisi 12:7

Dokopa namwana yongo doko kapu kyuo isa yuu sinjimu dokona para. Imambu lete karenge Anatumi namwa jiyamo doko dee range baa keta para.

Jeremaya 38:16

Dokona lao kiŋi Setekayame namba kando yalu pyuo pii mende lalu lao lao dopa leya, Anatu Lete Karenge dokome namwa letena renge jiyamo dokona kingi lao kana minyuo lao, Namba emba pyao kumaka naro dee akali lapome emba pyao kumalena lami dupwa keta mai naroko, leya.

Isikiolo 18:4

Wambu peparae nambana. Rakange wanepe dupwa peparae nambanako. Mende koo pira ramo doko iki kumara.

Isikiolo 34:23

Nambame kiŋi mende nambana kendemande akali Dapiti yalende mairu. Mairunu dokome sipisipi peparaena rapu pingi mendaki doko ingyuo karapala baame mondo lao rapu pira.

Isikiolo 37:24

Kiŋi mende nambana kendemande Dapiti yale dokome nakama iso karara. Nakama kiŋi mendakimi isaramo dokopa mendakinya ingyuo nambana mawa pii dupwa warombo soo mondoko lao minyarami.

Nambase 27:15

Moseseme ateŋa lao,

Matyu 9:38

Dokona isa jingi wambu pipala silyamo dokona Kamongo dokome yulu pingi wambu lapo lyela pena lapyali lao ateŋa lalapape, leya.

Jone 10:11

Namba sipisipi dupwana rapu pingi angingyuo karo. Rapu pingi angi keyange doko sipisipi dupwana lao kumuo maira, kumakamingi.

APOSELENA YULU 20:28

Nakama range yulu koo pisasarama lao kandokondali pyuo waso karo Imambu Poo Pyasimi sipisipi rapu pyuo kararami lao jiyamo dupwa mondo koo lao rapu pyuo karalapape leto. Anatunya Elyambu Pingi doko mondo lao rapu pyuo karalapape. Baame banya Ikinyinginya ranjama dokome kiiramo nyiya kande.

Dutaronome 31:14

Dokopa Kamongome Mosese lamaiyuo, Emba yuu gii andarele palyuo kara nare ingilyamo. Dokona embame Josua kee lapala baa komau anda dokona nyuo minyuo ipupi. Dokopa nambame baa dopa pyuo karena lao lamairu, leya. Dokopa Mosese Josuapa komau anda dokona peyambi.

Ipuru 12:9

Namwana mee rakange dupwame pyalana pyuo mana lenge dokopa nakama rakangeŋe lao soo kando karenge kandale. Dokona ingyuo Imambunya Rakane banya laramo dupwa kamame andarele sepenge ingilyamo. Dokome lete renge nyerama.

1 Samyuele 12:13

Epapu kiŋi dake nakama rangeme rombo palyimi. Nakamame kiŋi nyelana lao piso simi dokona epapu Kamongome nakama jipya.