Nambase 22:9 - Anatunya Buku Baepole Ole Testamene Pii Lapo dee Nuu Tesamene

⁹ Anatumi Belame kareyamo dokona epapala piso soo, Akali embamoo petaminyi dasipa apimoose? leya.

Nambase 22:9 ပူးပေါင်းရင်းမြစ်များ

Jenesese 16:8

Nyepala lao, Eka Sarainya kendemande wanake, Emba anja piso epapala dee anja panya pelese? leya. Dokopa baame isingi lao, Nambana kyawa enda yango peta Sarai doko pakapala wakale ralo panya epano, leya.

Jenesese 20:3

Dopa piyamopa yuu gii kukwa mendepa Anatumi baa paleyamo dokona kombeyame epo lamaiyuo lao, Emba enda dae nyipinyi doko akali nyinginde nyipiŋi emba kumare lyakande, leya.

Jenesese 31:24

Peyamopape Anatumi Areme range Lapane paleyamo dokona kombeyameepo lamaiya. Embame doko mende lalyane lao sepala Jekope kando pii mende langa lanyi palyasereŋe laa napipi, leya.

Jenesese 4:9

Pyao kumakapeyamo dokopa Anatumi Kene piso siya. Embena yangone Epolo anja karase? leya. Leyamo dokopa baame isingi lao, Namba kandakapusi? Nambame nambana yangonge doko rapu pingisi? leya.

Jenesese 41:25

Josepeme Perao lamaiyuo, Kombeya laparae dolapo mendakinya pipilyamo. Anatumi mende pirandena langilyu lao pipya.

Ekesetase 4:2

Dokopa Kamongome Mosese kando piso soo, Minyaro karene doko akipi? leya. Moseseme isingi lao, Pangali dokoŋo, lamaiya.

Daniele 2:45

Embame kandene dokopa kana mende yuu kyau dokona pisapala mendeme minyanda nayaminyipa rangeme lukundo epapala anepe kone kanape warape kana kulingipi dee golopeme wasisi bange wambu yale piyamo kandee kande. Anatu Kamame Andake Wakasa dokome rengya mende pira dokona emba kiŋi andake doko lasaka pilyamo. Nambame kombeya angi emba pipinyili pyuo langilyu dee dokona renge angi kinyi rolae dusipa langyuo pilyu, leya Danieleme.

Nambase 22:10

Baame isingi lao, Yuu Moape range kiŋi Beleke dokome pii langyala pena lapyasa imi.

Nambase 22:20

Kukwa yuu gii dokopa Belame paleyamo dokona epapala Anatumi dopa lamaiyuo, Akali dusipame emba role pyao mona lao piso simi ramo doko panya rapa rapa pii. Dopa pirinyipape nambame langiru doko iki piri, leya.

Nambase 22:8

Piyaminyi dokopa Belameme nakama lamaiyuo lao, Epapu kukwa nembo dae palimanalese. Dopa pyuo palirama dokopa Kamongome namba pii langiramo dusipa rakya nambame nakama langiru. Dokona lao Moape range akali mupwa dusipa Belamemoo pipya paleyami.

Matyu 24:24

Dokona lao akali lapome kyambo lao, Namba Koraisa karoŋo, lao sipurapala wambu kando yamaranguramili yulu andake dopale lapo lasaka pyuo pyuo kararami. Akali dupwame mee wambu dupwa suu longo nyuo karo dokopa Anatunya rombo palyisi wambu dupwa opetae suu longo nyelana lao pyuo kararami.

Matyu 7:22

Yuu gii doko pyaka seramo dokopa wambu malumi namba langyuo, Kamongo, Kamongo, embena kingi dokona lao Anatunya pii nolako lao, embena kingi dokona lao imambu koo dupwa rekya lanyi nembo, embena kingi dokonako lao yulu andake malu pyuo kara nayamase? larami.

Jone 11:51

(Baa range maso pii dake laa naya. Baa ee kana dokona purisi muwpa wakasa ingyuo karapala Yesu Juu rara dupwana lao kumara lao Anatumi pyongo piyamopa polo leya.