Nambase 22:34 - Anatunya Buku Baepole Ole Testamene Pii Lapo dee Nuu Tesamene

³⁴ Belameme isingi lao, Namba yulu koo pyano. Embame namba paa nare lao kata roko karalene lao soo gisa nalono. Dopa pipunupape epapu embame namba kopetame pwuane lao suu pyare ramo doko namba kaepala kapu kyuo anda paro, leya.

Nambase 22:34 ပူးပေါင်းရင်းမြစ်များ

2 Samyuele 12:13

Dokopa Dapitimi lao, Namba Kamongopa ingyuo koo pipu, leya. Netaneme isingi lao, Kamongo dokome nyuo kame sakaraŋa. Emba kuma nare.

Ekesetase 9:27

Doko kandapala kiŋi Peraome Mosese Eronepa lamaiyuo, Yuu gii dakepa namba koo pipu. Kamongo Anatu baa rolae pipyamo nambana wambu dupwa nambamoo koo pimwa lao polo leya.

Poropepe 24:18

Emba dopa piri ramo dokopa Kamongo dokome sepala rae mai nara. Dopa pipala baame wambu embena nyisu petenge doko randa mai nasera.

Nambase 11:1

Wambu dupwame embone pisa nao randa nao karo Kamongo kando mumu lao kareyami. Kareyaminyi dokopa Kamongo baame pii doko sepala imbwuapala isare doko wambu dupwa keta rena lao pyambuya. Pyambuyamo dokopa isare dokome komau anda pyuo paleyaminyi yuu andape pinjingi pakirena reya.

Nambase 14:40

Dokopa wambu dupwa wamba yangama sipurapala yuu kyau pyalya pyana pingi dokona ketae pulyuo yuu enenge nyela pao karo lao Kamongome yuu jero lao lalu lao leyamo dokona epapu namwa rapa rapa pisi karamano kapa parama. Namwa koo piyama lao silyamano, leyami.

Nambase 22:12

Anatumi Belame lamaiyuo, Akali dasipa pipya role pyao paa napipi. Nambame Isaraele wambu dupwa elyape keta pisingiŋi dokona randa maiya napipi.

Nambase 22:33

Dopa pipunu dokopa embena donge dokome namba kandapala yuu rema kapu kyuo panya pipya. Dopa pii napyali doko nambame emba pyao kumapala donge doko mee lete karena lapuli, leya.

1 Samyuele 15:24

Soleme isingi lao, Namba koo andake pipu. Nambame Kamongona mawa pii dokope dee embena mana lapi dupwape kamba lapu doko nambana akali dupwa pakapala nakama laminyili pyuo pipu.

1 Samyuele 15:30

Leyamo dokopa Soleme isingi lamaiyuo, Namba koo andake pipunupape nambana wambu dupwana litape dee Isaraele wambu peparaepe dupwana lenge kambu dokona namba elya nare lao rape rape lao karape, leya. Lapala embena Kamongo Anatu doko lakandaro lao emba kamba kapu kyuo nambapa bonale, leya.

1 Samyuele 24:17

Ee lapala enakana baame Dapiti lamaiyuo lao, Emba kapa letene. Namba kopetame pipu. Nambame yulu koo dopale dapale dupwa emba keta pipunupape embame namba kando anjiki pyuo elyape pilini.