Nambase 22:18 - Anatunya Buku Baepole Ole Testamene Pii Lapo dee Nuu Tesamene

¹⁸ Dopa leyamopape Belameme isingi lao, Beleke baame namba kana kulingipi golope banya anda dokona singi dupwa peparae jeramopape namba Anatumi langilyamuli pyuo kamba laa naro ingilyamo. Kamame randa kuki laponape Kamongo nambana Anatunya pii kuki mende iki kapa isa pena lapala piru ingya nalyamo.

Nambase 22:18 ပူးပေါင်းရင်းမြစ်များ

1 Kiŋi 22:14

Leyamo dokopa Maekayame isingi lao, Kamongo lete karenge dokona lao lalu lao lao baame namba dopa laa lao langiramo doko laro, leya.

Jopo 3:15

Dopa pyuo namba kiŋinya ikinyingi dupwa kana golope kana kulingipi nyuo andana retapala nakama malu anda luu palaminyi doko suu pyao sipuli.

Daniele 5:17

Leyamo dokopa Danieleme isingi lao, Embena bange jelana letene dupwa range reto panda wambu wakale lapo mairi. Dokopa nambame kiŋi andake doko pepa dokona palipyamo doko yaka lapala renge angi dokona aki lao doko polo langiru, leya.

Nambase 22:19

Dopa pipyamopape akali lapo dae paleyami dopale ingyuo nakama epapu kukwa dae palimanale. Dokona Kamongome namba pii lapo dupwana lao langilyape mee lao sero, leya.

Nambase 22:38

Belameme isingi lao, Namba epo wetapunupape nambana porai mendeme emba keta yulu pyakaronde daa. Anatumi langiramuli pyuo iki lakaro, leya.

Nambase 22:8

Piyaminyi dokopa Belameme nakama lamaiyuo lao, Epapu kukwa nembo dae palimanalese. Dopa pyuo palirama dokopa Kamongome namba pii langiramo dusipa rakya nambame nakama langiru. Dokona lao Moape range akali mupwa dusipa Belamemoo pipya paleyami.

Nambase 23:26

Belameme isingi lao, Kamongome namba langilyamuli pyuo yulu peparae piruŋu lao nambame emba pii doko langya napusi? leya.

Nambase 24:12

Belame isingi lao, Embame embena wai pii minyingi akali dupwa dopa lamaiyuo,

Nambase 24:13

Embena anda dokona kana kulingipi golope singi dupwa peparae jerenepape Kamongome langiyamuli pyuo kamba lao namba rangeme maso pii naro ingilyamo. Kamongome pii langiramo doko iki nambame laro lamaiyu, leya.

APOSELENA YULU 8:20

Leyamo dokopa Pitame baa lamaiyuo, Anatumi mee maingi doko kana mone dokome ropo pyaro lao suu pyapi dokona emba kwao pare doko suu pyao embena kana opetaeko kwaelu kwaeyo kwaena leya.

Taitesa 1:16

Nakama kambu dokome Anatunya wambuŋu lao yulu piminyi dupwame banya ingyuo paa nalyamo. Nakama kamba lao yango mende kando awa epekanda napala yulu koo pingi dokome yulu keyange pinya saka nalyaminyi.

Josua 24:10

Dopa piyamopape nambame Belameme pii leyamo doko sakame napuli lao suu piyu dokona baame nakama keta elyape pisiya. Dokona lao nambame nakama Beleke keta kingi raka lao nyiyu.