Nambase 20:8 - Anatunya Buku Baepole Ole Testamene Pii Lapo dee Nuu Tesamene

⁸ Pangali isa Kana Minyuo Lalu Lao Lenge Pii Palenge Bokote lenge kambusa silyamo doko nyepala embapa Eronepa wambu peparae epena lao nyuo malu palyalapape. Dopa pipala nakamana lenge kambu dokona karo kana doo dumu petamo doko kando pii lamaipi. Dopa pirinyi dokopa ipwa potemo epara. Dopa pipala kanana ipwa potemo eparamo doko wambupi nakamana mena dupwape narami.

Nambase 20:8 ပူးပေါင်းရင်းမြစ်များ

Jenesese 18:14

Kamongome mende pinya saka nangese? Yuu gii angi pyaka seramo ee kana enenge dokona dee eparonopa Sera baa wane manjira, leya.

Niyamaya 9:15

Wambu dupwa lopayami dokopa yake dokona piso borete maiyuo dee ipwa nanayami dokopa kana dokona ipwa guu lanyi peyakamyuo piipya. Embame yuu mairu lao lalu lao lene doko nyuo kalyinya lao lamaii.

Samu 105:41

Baame kana dokona nyuo karalyapala ipwa guu lanyi peyakamiyasa yuu yando nasi dokona ipwapona wasinyuo epo peya.

Samu 33:9

Baame pii leyamo dokopayuu muu peparae ingiya. Dopa pyuo pena leyamopa bange peparae epo maro leya.

Ekesetase 14:16

Lamaipala embena pangali doko kota pete dokona ketae palyaro karape. Dopa pirinyipa kota pete doko dulu kata dono kata pipala kee maro laramopa Isaraele wambu yuu oo lasi seramo dokona sukusa kapa kata parami.

Ekesetase 17:9

Epeyaminyi dokopa Moseseme Josua lamaiyuo lao, Rakya Amaleke wambu pyala parami lao akali lapo rombo palyakare. Palyakarene dokopa namba yuu kyau manda dokona Anatumi pangali jiyamo doko minyaro kararo, leya.

Ekesetase 4:17

Pangali dake embena kingi raka dokona minyuo dokome yulu andake wambumi kanda nange dupwa piriŋi, leya.

Ekesetase 4:2

Dokopa Kamongome Mosese kando piso soo, Minyaro karene doko akipi? leya. Moseseme isingi lao, Pangali dokoŋo, lamaiya.

Ekesetase 4:20

Dokopa Mosese banya enda wanepe nyuo mena donge dokona petena lapala lanyuo Isipi dokona lambuo peya. Dopa pyuo pao baa range Anatumi pangali maiyamo doko nyuo wakyuo peya.

Ekesetase 7:20

Mosese Eronepa Anatumi leyamuli pyuo piyambi. Kiŋi Peraomoo banya yulu akali mupwa dupwa pipya kareyaminyi lenge kambu dokona Eroneme banya pangali isa doko minyalyapala ipwa doko piya. Piyamo dokopa ipwa dupwa alowa pipala ranjama ingiya.

Aisaya 43:20

Nambana rombo palyuo nyiyunu wambu dupwana lao yuu muiyane dokona ipwa endangi palyuo epo karena lao mairunu dokopa yaka kameyape yana suwa kararopepe mena rae lengepe dupwa peparaeme kandapala nambana kingi ketae pyambuo lakandarami.

Nambase 20:11

Lapala Moseseme banya pangali isa doko minyalyapala yuu lama lao kana dokona piya. Piyamo dokopa ipwa ama soo kaeyo malu mee epeyamopa mena wambupi peparaeme neyami.

Nambase 20:7

Dokopa Kamongome Mosese pii lamaiyuo,

Matyu 21:21

Dokopa Yesumi nakama isingi lamaiyuo, Nakama kinyi langilyu. Nakamame lamana suu pyaa nao Anatumi kapa pira lao suu pyao kararami ramo doko isa piki doko nambame mende pipu doko iki piraminde daa. Yuu kyau dake lamaiyuo, Yuu kyau, emba puruku nyepala Anatumi ipwa kota pete dokona pyambwaramopa dokona karare, larami ramo dokona dopa pira.

Luku 11:13

Dokona suu pyao nakama koo ingyuo petaminyi dupwame nakamana wane wanakepe dupwa bange keyange maingi doko suu pyao Rakane yake panda dokona keyange wakasa karamo dokome wambu Imambu Poo Pyasi jinya lao piso serami dupwa eŋa nembapala mai narase? leya.

Jone 16:24

Wamba nambana kingi dokona lao piso see nayami. Monarena pyakalyuo pingi renge dokome simbuo pyoko pyoko lena lapala piso selapape. Dokopa kando nyerami ingilyamo.

APOSELENA YULU 1:14

Papala nakama enda lapo opetae dupwamoo Maria Yesunya endangipi banya yangonge dusipamoo role pyapeta suu pingi mendakinya palyuo piso ateŋa lapa pyuo peteyami.

Josua 6:20

Dokona lao purisi dupwame bikuli poo leyami dokopa akali dupwame aopa sepala nakama pii poraiyuo kaeyo leyaminyipa kana kame awali lao paleyamo doko lalyuo bolombalo lao isa peya. Dokopa yanda singi dupwa yuu kyau dokona pulyuo papala yuu taone andake dokona sukusa rolae pao yuu doko nyiyami.

Josua 6:5

Dokopa nakamame bikuli pii mende imambu see nao poo londe mende larami. Doko emba aopa sepala dokopa wambu peparaeme pii ketae palyuo laraminyipa yuu taone andake dokona kana kame awali lao karenge doko lalyuo bolombalo lao isa para. Dokopa ami yanda singi peparae yuu taone andake dokona sukusa rolae parami, Kamongome leya.

Orepalaisane 22:1

Enakana aŋala dokome ipwa letena renge palenge doko namba lasaka piya. Ipwa doko Anatu dee Sipisipi Ikyanepe dolapona petenge isana piso guu lapala ketapa ingyuo lepolepo pyuo epo peyamo kandeyo.

Orepalaisane 22:17

Imambu Poo Pyasi dee Sipisipi Ikyanena enda dokopame kee lao sukusa ipupwape letambinyi. Dokona mendeme seramo dokome kee lao epena lena. Ipwa namwali lao suu pyarami dupwa epo ipwa lete palenge doko ropo pyaa nao mee narami leya.