Nambase 14:3 - Anatunya Buku Baepole Ole Testamene Pii Lapo dee Nuu Tesamene

³ Akipamo Kamongo dokome namwa yuu dokona lanyuo pelyase? Yanda pyuo karo dokopa nakamame namwa pyao kumakarami. Pyao kumakapala nakamame namwana enda wanepe dupwa puu maiyuo nyerami. Yuu Isipi dokona kamba kapu kyuo parama ramo doko kapa ingyara, leyami.

Nambase 14:3 ပူးပေါင်းရင်းမြစ်များ

Niyamaya 9:17

Embena yulu piinyi dupwa nyuo kame sepala kamba leyami. Embame yulu pii napengele lapo pii kande dupwa kame sepala kamba leyami. Nakama kyaŋe soo karo akali mupwa mende Isipi dokona kapu kyuo wambu dupwa kendemande ingyuo karena lao dee lanyuo pena lao rangeme rombo palyiyami. Dopa piyamopape emba Anatu dokome nyuo kame singi. Emba ipyapala mona keyange palenge. Emba mona reto karenge. Emba waiya lao imbwa nange. Embena kondo sakange kumungi renge doko kamame andake. Embame nakama yaki nyii nange.

Ekesetase 16:3

Lao dokopa dopa leyami. Namwa yuu Isipi dokona kareyamano dokopa Kamongome pyao kuma siyali doko kapa ingiyali. Dokona namwa lambo lao pisapala mena minjupi nenge rara wakalepe nalana masiyamano doko peparae neyama. Dopa piyamanopape epapu nakambame namwa yuu muiyane dakena lanyuo epapala lopome kumanyi nembelyambinyi, leyami.

Ekesetase 5:21

Dokopa isingi akali dupwame Mosese Eronepa kando, Nakamba sipurapala mende piyambinyi dokona Perao banya wambu pipya namwa kando awa nalyaminyi. Dokona Anatumi nakamba kando kote lao randa mainyale. Nakambame namwa pinya lao wua nyuo kingi rakana palyakamyuo nyuo kisambisa pipya, leyami.

Nambase 11:20

Dopa piramopape kana mendaki nao otarami. Yuu gii dokopa nakamana kale kata dokona nenge myana neta eparamopa nalana rae mai narami. Kamongo nakama keta dae karapyamo doko kame soo mata maiyuo karo baa kando mumu lao namwa yuu Isipi yaki nyii namwali doko kapa ingyapyali leyaminyi dokona dopako pira, leya.

Nambase 20:3

Mumu lao lao, Namwana yangonge dupwa Kamongona komau anda lenge kambusa dopa pyuo namwa kukuyamali doko kapa ingiyali, leyami.

Nambase 21:5

Anatu Mosesepa kando kamba lao mumu leyami. Yuu muiyana nenge ipwape see nange dakena kumaramiŋi lao akipamo embame namwa yuu Isipi yaki nyuo dae lanyuo ipisi? Namwame nenge koo dapwa rae maiyuo kamba naa narama, leyami.

APOSELENA YULU 7:39

Lamaiyamo siyamopape namwana rakange kyawa dupwame sili see nale lao banya pii soo nembapala yuu Isipi dokona kapu kyepala dee pumwali yaka lao suu piyami.