Nambase 14:2 - Anatunya Buku Baepole Ole Testamene Pii Lapo dee Nuu Tesamene

² Wambu dupwa Mosese Eronepa kando mumu lao lao, Yuu Isipi dokonape panda yuu muiyane karamano dakenape kumuyamali doko kapa ingyapyali.

Nambase 14:2 ပူးပေါင်းရင်းမြစ်များ

1 Kiŋi 19:4

Ilainja yuu gii mendaki yuu muiyane mendena kata pao kareya. Pao karo isa renge rau leya mendena imambu soo peteya. Piso dokopa baa kumuowane lao suu piya. Pyapala baame ateŋa lao, Kamongo namba keta kenda palamo. Namba kumaro doko kapaŋa. Nambana lete karenge doko nyepe, leya.

Jopo 3:11

Namba anyinya ingi anda dokonape dee manjinyi peyareyamo dokopape kumuyuli yaka.

Ekesetase 14:11

Dokopa Mosese kando lao nembo, Yuu Isipi dokona malu anda mende see nangese? Yuu muiyane dakena namwa pyao kumanyi nembalana suu pyao embame lanyuo ipisi? Isipi yaki nyuo yuu muiyane dakena lanyuo ipi kandapi doko mendende pyuo ingyalana pilyamo kandape.

Ekesetase 15:24

Wambu dupwame Mosese kando mumu andake lao piso siyami. Namwa ipwa aki naramase? leyami.

Ekesetase 17:3

Dokopa wambu dupwa ipwa nano wakasa piyasa Mosese kando mumu andake leyami. Akipamo embame namwa yuu Isipi yaki nyuo lanyuo epeese? Dokona namwape wane wanakepe menape ipwa nanapala kumarami lapala piisi? leyami.

Jona 4:3

Lapala Kamongo epapu namba kumarole. Kumaro ramo doko manda raro, leya.

Jona 4:8

Dokopa dee Anatumi neta epenge kata dorena porambaiye isasa pingi mende minyiyasa Jonana ayemba doko netame rao makyapala lenge doko malawai lapala kumasi selana piya. Dopa piyamopa namba lete kararo doko kapako dokoŋo kumaro doko iki kapa lao suu pilyu, leya.

Nambase 11:1

Wambu dupwame embone pisa nao randa nao karo Kamongo kando mumu lao kareyami. Kareyaminyi dokopa Kamongo baame pii doko sepala imbwuapala isare doko wambu dupwa keta rena lao pyambuya. Pyambuyamo dokopa isare dokome komau anda pyuo paleyaminyi yuu andape pinjingi pakirena reya.

Nambase 11:15

Embame namba kando dopa piri ramo doko embame namba sakao karapala pyao kumakare. Dokopa kenda namba keta jiinyi dupwa dee nyii nalu naro, leya.

Nambase 11:5

Lapala namwa yuu Isipi dokona karo kau oma naramanuli pyuo nao karenge. Nao karenge doko namwa mendeme ropo pyao naa nange. Namwa yuu Isipi dokona ropetape pambekinipi ananepe nenge dopale lapope neyama kande.

Nambase 14:1

Kukwa dokopa wambu dupwa ee andake lao pii porakai leyami.

Nambase 14:22

Wambu dapwana mendemepe yuu dokona sukusa pao pali nara. Nakama nambana yanga paupau lenge renge dokome epo kendale piyasa kandeyaminyi dokope dee yuu Isipi dokonape yuu muiyane dokonape yulu mendeme pii nange dupwa piyunu kandeyami. Kandeyaminyipape nakamame nambana maka nange renge doko makande pipa pyuo nambana pii warombo see napala kamba leyami.

Nambase 20:2

Dokopa nakama malu palyuo paleyaminyi yuu dokona ipwa epa nayamosa wambu dupwame mona mendare palyuo Mosese Eronepa kando mumu leyami.

Nambase 20:3

Mumu lao lao, Namwana yangonge dupwa Kamongona komau anda lenge kambusa dopa pyuo namwa kukuyamali doko kapa ingiyali, leyami.

Nambase 20:4

Akipamo embame namwa yuu muiyane dakena lanyuo epeese? Namwana mena dupwa pipya kumaramiŋi lao dae lanyuo epeese?

Nambase 21:5

Anatu Mosesepa kando kamba lao mumu leyami. Yuu muiyana nenge ipwape see nange dakena kumaramiŋi lao akipamo embame namwa yuu Isipi yaki nyuo dae lanyuo ipisi? Namwame nenge koo dapwa rae maiyuo kamba naa narama, leyami.

1 Korina 10:10

Nakama lapo mumu leyamisa Kumunginya Aŋala dokome nakama pyao kokwa siyapya. Dee namwame dopako pyuo mumu laa namanale.

Dutaronome 9:23

Dokopa baame nakama yuu Katese Paneya dokona karo yuu jiyamo dokona nakama palya pupwa leyamopa nakamame baa yanda pimwaiyuo baa keta pyamalya napala banya pii warombo see nayami.

Ipuru 3:16

Apimoo Anatunya pii lamaiyamo doko see napala kamba lao kareyamisi? Enda akalipi yuu Isipi yaki nyuo Mosese nakambana rapu pingi dokome lanyuo peyamo dupwasa letamo.

Juti 1:16

Akali dusipame yuu peparae wambu yango palyuo mumu lao karaminyi. Nakama rangena kingi ketae pyambuo mupwa karamwali lao suu pyao karaminyi dokona nakamame wambu menge dupwa kando panga soo lao karaminyi.