Nambase 11:23 - Anatunya Buku Baepole Ole Testamene Pii Lapo dee Nuu Tesamene

²³ Kamongome isingi lao, Mendeme nambana porainya renge doko kata lyokwarase? Namba lalono doko pyaka soo pira panda pii nara lao repeta kandarami, leya.

Nambase 11:23 ပူးပေါင်းရင်းမြစ်များ

Jenesese 18:14

Kamongome mende pinya saka nangese? Yuu gii angi pyaka seramo ee kana enenge dokona dee eparonopa Sera baa wane manjira, leya.

2 Kiŋi 7:2

Akali kiŋi dokopa role pyao pao baa nyiso karenge dokome Ilaisa lamaiyuo, Doko pii nara ingilyamo. Kamongo baa rangeme apunda waiya lao dakepa pena laramopape doko kapa ingya nara. Dokopa Ilaisame isingi lamaiyuo, Embame doko piramo kandare. Kandarenepape embame nenge dupwana lapo nyuo naa nare, leya.

Ekesetase 6:1

Dokopa Kamongome Mosese lamaiyuo, Dakepa nambame Perao kando mende pingi pyapono doko pao kandalale. Perao banya kingi porai dokome banya yuu doko yaki nyuo pena lapala wambu dupwa poraiyuo suu lanyi nembara, leya.

Aisaya 50:2

Nambame nakama keta pao kyawa lete nyela peyo dokopa nambana wambu akipamo namba keta epa nayamisi? Nambame kee leyono dokopa nakamame akipamo isingi yaa lao yano pyaa nayamisi? Nambame nakama kapa pyuo nyiso kyawa lete nyero ingya nalyase? Nambame ipwa kota pete kameya doko mee soko rali pinya lao dee ipwa epo penge dupwa nyuo kee maro lanyi pyambuo soko oma dupwana selamo dupwa mee ipwa nanapala kumuo parami ingilyamo.

Jeremaya 14:9

Emba akipamo akali mona nembako kamenge walu lao nyingi dopale ingyuo dee akipamo emba yanda singi lapo porainya renge pali napala nyisalana pako karenge dopale ingilisi? Kamongo emba namwa role karene doko siyamano. Namwa embena wambu embame namwa kyawa yaki nyii napipi, lao letaminyi, leya.

Daniele 6:20

Baa repeta papala dokopa pii poraiyuo yamarangyuo lao, Daniele Anatu lete karenge embame banya yulu pyakamingi dokome mena laene dupwa naa nana lao emba kyawa lete nyuo nyisapyase? piso soo leya.

Maeka 2:7

Isaraele wambu dupwa kapa koo keta palirami lao silisi? Kamongo baa waiya lao imbwa nange doko kame sipyase? Baame letene dupwa kinyi pirase? Baame wambu yulu rolae pingi dupwa kando pii anjiki pyuo laa nangese? lao langilyaminyi.

Nambase 11:22

Wambu dupwa kapa sikya pyuo narami lao mena bulamakao sipisipipi pyao kapa mairamisi? Ipwa kota dokona kau oma silyamo dupwa peparae nyimili nakama kapa sikya pyuo namilisi? leya.

Nambase 23:19

Anatu doko baa akali kyambo lenge dopakale daa. Isa akalinya suu pingi alowa pyuo lenge. Anatu baa dopakale daa. Aki yulu mende baame piru lao lalu lao lenge doko baa angi pingi. Baame piru lapala dokopa angi pingi.

Matyu 19:26

Dokopa Yesumi nakama kando dopa lamaiya. Isa akali dupwame kapa pirami ingya nalyamo. Ingya napyamopa Anatu baa yulu peparae kapa awa awa pyuo pira, leya.

Matyu 24:35

Yake yuupa otara ingyapyamopa nambana pii dupwa ota nara ingilyamo.

Luku 1:37

Anatu mende pinya saka naa nange dokome piya, leya.