Nambase 11:20 - Anatunya Buku Baepole Ole Testamene Pii Lapo dee Nuu Tesamene

²⁰ Dopa piramopape kana mendaki nao otarami. Yuu gii dokopa nakamana kale kata dokona nenge myana neta eparamopa nalana rae mai narami. Kamongo nakama keta dae karapyamo doko kame soo mata maiyuo karo baa kando mumu lao namwa yuu Isipi yaki nyii namwali doko kapa ingyapyali leyaminyi dokona dopako pira, leya.

Nambase 11:20 ပူးပေါင်းရင်းမြစ်များ

Nambase 21:5

Anatu Mosesepa kando kamba lao mumu leyami. Yuu muiyana nenge ipwape see nange dakena kumaramiŋi lao akipamo embame namwa yuu Isipi yaki nyuo dae lanyuo ipisi? Namwame nenge koo dapwa rae maiyuo kamba naa narama, leyami.

1 Samyuele 10:19

Namba nakamana Anatu. Nambame nakama randa wakale wakale dupwana kiiramo kyawa lete nyingi. Doko kaepala epapu nakamame namba mata jepala mende wakale jii lao piso silyaminyi. Doko kapaŋa. Kamongona lenge kambu dokona nakamana rara lili pyuo dee akalyanda lili pyuo nyuo malu palyuo pisipwape, leya.

1 Tesalonaika 4:8

Dopa pyuo mendeme Anatunya pii dake yake nyera ramo doko mee isa akali mata mai nao Anatumi Imambu Poo Pyasi jingi doko baa mata mairasa pira.

APOSELENA YULU 13:41

Doko pii soo nembo isa minyuo karaminyi dupwa mona nembapala kumaramilyamo. Nakama kararami gii dusipana yulu mende piru doko mendeme langyuo rolara ramo doko nakama kinyilyamo lao suu pyaa narami ingilya kande. Doko ote leya Poleme.

Malakae 1:6

Kamongo Porai Wakasa dokome purisi dupwa lamaiyuo lao, Ikinyingimi rakange rape rape lenge kandape. Dee kendemande akali dokome banya yulu pyakamingi akali doko kando rape rape lenge kandapi. Namba nakamana rakane doŋo akipamo nakamame namba kando rape rape laa nalyamisi? Namba nakamana mupwa doŋo akipamo nakamame namba paka nalyamisi? Nakamame namba kilya kando kandelyaminyi. Kandapala piso soo lao, Apa pyuo namwame emba kilya kandelyamase? letaminyi.

2 Samyuele 12:10

Embame namba kando kamba lapala akali Yurayana etenge nyakami dokona epapu embena para pyao manjiraminyi dupwana yaka lao randa andake lapo nyuo pyao kumarapuko pyuo para.

1 Samyuele 2:30

Ilai embena ree palu dee embena rarape dupwa namba Kamongo Isaraele wambunya Anatu dokome purisi yulu yuu peparaena piramiŋi lao langyuo kaeyo leyo kande. Dopa leyoko doŋo dee dakepa nakambameko pyakamili lao suu pyaa nalyo. Nakambame pingi kandale doko suu pyao mendeme namba lakanda minya minya pirami dupwa kando isingi dopako pyuo lakando dee namba kilya kandanyi nembarami dupwa isingi kilya kandaroko.

Josua 24:27

Retapala Josuame wambu dupwa lamaiyuo, Kamongome namwa pii langipyamo dupwa peparae kana dakeme sipyamosa namwame yuu peparae kana kandapala kana minyuo lalu lao lenge pii dokona lao suu pyarama. Suu pyapala kana dokome lasaka pili lao nakamame namwana Anatu baa kando kamba laa naramisa pira ingilyamo, leya.

Ekesetase 16:13

Alemanji kone pupuripi dokopa yaka kuki dupwa bii lao epapala yuu paleyaminyi dokona bwaa lepa minyiya. Dee yangama dokopa paleyaminyi yuu dokona pipyae raiya peteya.

Ekesetase 16:8

Moseseme nakama lamaiyuo, Kamongo dokome nakamame baa kando mumu andake leyaminyi dokona kando soo otapala kukwa minju narami dokona joo yangama borete naraminyili pyuo joo pira. Nakamame nambwa kando mumu leyaminyi doko Kamongo kando mumu leyamisako piya.

Nambase 11:19

Nakama yuu gii mendaki panda lama panda kingi paki panda akalisa panda akalisa lama dopakale iki nao kara narambi.

Nambase 11:21

Leyamo dokopa Mosese baame Kamongo lamaiyuo, Nambame wambu ama malu mee (600,000) dupwa lanyuo pelyonopape embame lao, Kana mendaki dokona minju kapa narami lao mairu lapi.

Ekesetase 16:3

Lao dokopa dopa leyami. Namwa yuu Isipi dokona kareyamano dokopa Kamongome pyao kuma siyali doko kapa ingiyali. Dokona namwa lambo lao pisapala mena minjupi nenge rara wakalepe nalana masiyamano doko peparae neyama. Dopa piyamanopape epapu nakambame namwa yuu muiyane dakena lanyuo epapala lopome kumanyi nembelyambinyi, leyami.

Nambase 11:13

Wambu dapwa kapa narami lao nambame anjarae minju nyerose? Nakamana minju dokona lao piso sepa sepa pyuo jii jii letaminyi.

Nambase 14:3

Akipamo Kamongo dokome namwa yuu dokona lanyuo pelyase? Yanda pyuo karo dokopa nakamame namwa pyao kumakarami. Pyao kumakapala nakamame namwana enda wanepe dupwa puu maiyuo nyerami. Yuu Isipi dokona kamba kapu kyuo parama ramo doko kapa ingyara, leyami.

Nambase 14:4

Dokona lao nakama range mendeme mendali kando lao, Namwa range akali mupwa mende rombo palyapala yuu Isipi dokona dee kamba monale, leyami.

Nambase 20:4

Akipamo embame namwa yuu muiyane dakena lanyuo epeese? Namwana mena dupwa pipya kumaramiŋi lao dae lanyuo epeese?