Matyu 8:17 - Anatunya Buku Baepole Ole Testamene Pii Lapo dee Nuu Tesamene

¹⁷ Dopa piya doko Anatunya poropeta akali Aisaya pii leyamuli pyuo pyaka siya. Pii leya doko dopa lao palamo, Baame namwana anga wakale wakale dupwa pyuo nyuo, namwana yanyi pingi renge dupwa rekya lanyi nembakao kareya leya.

Matyu 8:17 ပူးပေါင်းရင်းမြစ်များ

Jenesese 22:6

Dopa lapala Aporakameme isa waisi yangarambi dupwa nyuo Aisakeme sinya lapala baame isarepe wua kemape minyiyamo peyambi.

Aisaya 53:4

Dopa pyuo ando peyamopape randa doo neyamo dupwa namwa neyamali. Baame randa nao kareyamo doko kandapala Anatumi baa keta randa mailyamo lao suu piyama.

Matyu 1:22

Dopa piraŋa lao Kamongo dokome poropeta akali keta leya dokona palyuo pyaka siya.

Matyu 2:15

Papala Erote ene kumapa nayamo dokopa yuu dokona mee kareyami. Dopa piyami doko Kamongo dokome dopa piraŋa lao wamba poropeta akali keta dopa lamaiya. Nambana ikinyingi doko yuu Isipi dokona karapala epena laroŋo, leyamo, dokona ingyuo peya.

Matyu 2:23

Pao yuu taone Nasarete lenge dokona pao kareya. Dopa piyamo doko Anatunya poropeta akali dupwame, Baa Nasarete range larami, leyami pii dokona palyuo piya.

Make 1:32

Neta anda pao kone pupuri piyamo gii dokopa anga pingipi kopyali imambu koo dokome soo pyale leyamo karengepe baa kareyamo dokona lanyuo epeyami.

Luku 4:40

Enakana neta anda pao kone pupuri piyamo gii dokopa wambu anga wakale wakale piyamo dupwa baa kareyamo dokona soo epeyami. Dokopa banya kingi dolapome nakama dupwa peparae ketae retapapu elya pipa piya.

2 Korina 12:10

Namba porai napunupape Koraisana reke lao dokome rae maiyuo karo. Koraisana reke lao wambu namba kando giyalya giyana piyaminyipape randa andake wakale wakale nyiyunupape rae maiyuo kararoko. Namba poraiya nange dokopa Kamongona porainya renge dokome paka pyao singi.

1 Pita 2:24

Namwa yulu koo dupwa yaki nyuo kaeyapala rolae pirami dokona lao Yesumi isa mamando dokona namwana koo dupwa paleta siya. Baa piyami dokome nakama pyuo nyisi karaminyi kande.