Matyu 6:33 - Anatunya Buku Baepole Ole Testamene Pii Lapo dee Nuu Tesamene

³³ Dokona yanyi pyaramo kara napala banya isingi yulu dokope yulu rolae dokope nyuo wambakao mupwa wakasa lao kando nyimwali lao karalapape. Dokopa bange dopale dupwa peparae konda pyuo nakamana ingyasi sera.

Matyu 6:33 ပူးပေါင်းရင်းမြစ်များ

1 Kiŋi 17:13

Leyamo dokopa Ilainjame enda doko lamaiyuo lao, Mona randa napala mee pao embena seramo dupwana wambo nambana borete kuki mende wasakapala minyakao ipu. Enakana seramo dupwa embapa ikinyipa ingyuo range wasareŋe, leya.

Samu 37:25

Namba yuu gii malu nembo kareyo doko dakepa emo kaelyo. Dopa pipunupape akali keyange mende Kamongome kyawa yaki nyiyamo kanda nayo. Dopako pyuo banya wane wanakepeme nenge jinya lao kongo pyuo kareyaminyi kanda nayo.

Samu 37:3

Kamongo keta pyamalyuo karapala wambu dupwa pipya yulu mondo lao pyuo karare. Dopa piri ramo dokopa embena yuu dokona koo keta pali nao mee palyuo karare.

Poropepe 8:18

Namba keta bange aelyamo karenge dokome mainya rae maipala ketae pyambuo maingi. Dopa pyuo namba kapa palyuo kamongapala maiyuo kumakange.

Aisaya 33:6

Dopa pyuo simbunya lapala wambu peparae porai ingyuo kame piru karena lara. Baame banya wambu dupwa kyawa minyapala mona angi palyuo singinya renge soo nyinginya rengepe maingi. Nakamana bange kulisa andake ingyuo retenge doko Kamongo baa wakasa lao suu pingi doko retenge.

Aisaya 45:24

Nakamame lao namba keta iki anamasi minyuo wini pingi rengepe dee porainya rengepe dupwa kando nyerama ingilyamo larami. Dopa piraminyipape wambu lapo namba kando epe kanda nalyaminyi dupwa randa andake nyuo elyame kumuo kararami.

Jeremaya 23:6

Baa kiŋi ingyaramo dokopa Juta wambu dupwa kyawa minyara. Dee Isaraele wambu dupwa manda rao mona seramo palyuo karo pirami. Banya kingi doko Kamongo Namwana Lete Wai Pyao Nyingi, larami.

Matyu 19:28

Yuu gii enenge doko pyaka seramo dokopa Ikinyingi Akali baa kiŋinya petenge isa neta renge dokona pisira. Dokopa nakama namba moko minyuo epenge dupwa petenge isa akalisa ipisu lama dusipana pisipala Isaraele rara akalisa ipisu lama dusipa rapu pili laro kararami leya.

Matyu 19:29

Dokona suu pyao wambu mendeme andape panda yangonge dupwape panda pemalengepe panda rakange endangipi panda wane wanakepe panda yuu rangepe nambana kingi reke lao yaki nyiyami ramo dupwame akalisa pao akalisa pyasara pyasara pyuo alo pyuo nyerami. Nyepala kyakana renge kulisa palu palenge doko nyeramiko.

Matyu 3:2

Yake pandana isingi yulu doko repeta pyaka selana pilyamo dokona mona enenge palyuo karalapape lao kareya.

Matyu 4:17

Yuu gii dokopa Yesumi kanda soo boo pyao, Yake pandana isingi yulu pyaka selena pilyamo dokona mona enenge palyuo karalapape, lao lao kareya.

Matyu 5:6

Wambu yulu rolae pimwali yaka lao nanome kumuo karenge dupwa sikya pira ingilyamo dokona nakama rae maiyuo pelyaminyi.

Luku 1:6

Nakamba laparae Anatunya lenge kambu dokona Kamongona mawa pii andake kukipi ama kaeya nao minyuo kareyambi.

Luku 12:31

Bange dupwa koto karaminyi doko kaepala banya isingi yulu doko kando nyimwali lao koto karalapape. Dokopa baame bange dupwa opetae nakama jera.

Jone 5:4

Dokona lao Kamongona aŋala mendeme yuu gii lapona lupyuo pao ipwa pete doko kalumuli pipa piya. Ipwa doko kalumuli pipa piyamo dokona enakana wambu wambo lambwapa piyami dupwa anga rara wakale wakale piyamo dupwa peparae mee ingyapa piya.

Jone 6:27

Nenge rumbyara ingilyamo dupwa nyelana yulu pii nalapape. Nenge oo korokoro sulu soo sera doko nyelana yulu pipwape. Nenge doko Ikinyingi Akali dokome nakama jera. Dokona lao Rakane Anatumi baa rombo palyiya leya.

APOSELENA YULU 20:25

Namba nakamana yuu panda peparaena Anatunya isingi yulu dokona lao papyuo kareyonopa siyami dupwa nambana lenge kambu doko dee kandaraminde daa doko soo karo.

APOSELENA YULU 28:31

Anatunya isingi yulu dokona boo pyao lao karo Kamongo Yesu Koraisa dokona lao eŋa nembo mana lamaiyuo kareyamopa mendeme daa laa nayami.

Orome 1:17

Anatumi waili pii keyange dokome namwa apa pyuo banya lenge kambu dokona rolo kararami lao lasaka pyuo karamo. Doko wambu Anatu kapa ingingi lao suu pingi kata dokome iki rolae ingyuo parami. Kata wakale mendeme rolae ingyuo paa narami. Anatunya buku Baepole lao, Mendali kapa ingingi lao suu pyara dokome Anatupa rolae ingyuo paramo dokopa baa letena renge nyera letamo.

Orome 10:3

Anatu range keta nyuo rolae pisiya kata doko see nayami. See napala nakama kata mende rangeme wapuo pinya lao suu pyao kareyami. Dopa pyuo Anatunya wambu nyuo rolae pisiyamo kata dokona papyuo kara nalyaminyi.

Orome 14:17

Pii doko Anatunya isingi yulu doko nenge nao ipwa nao pirami dopale daa. Isingi yulu doko rolae pingi yulupi mona kyuu lao singipi rae maingi rengepe dusipa Imambu Poo Pyasimi jingi.

Orome 8:31

Dopa pyuo silyamo dokona apa laramase? Anatumi namwa tee lapala karara ramo api mendeme namwa randa jerase?

1 Korina 1:30

Anatumi nakama nyuo Yesu Koraisa keta pyamalyiya. Dopa pyuo dokopa Anatumi Koraisa baa namwana singinya renge inginyi pyambuya. Koraisapa lapolapo lao Anatumi namwa nyuo baapa rolae inginyi pyambuya. Dopa pyuo namwa kiiramo nyepala Anatu rangena wambu inginyi pyambuya.

1 Korina 3:22

Pole Apolosa Pitape dusipa nakama sukusa wambu dupwana ingilyamo. Yuu dake nakamanako. Dakepape dee rengyape kumuope karo piramano dusipape opetae nakamana ingyaro karamo.

2 Korina 5:21

Koraisa baa koo mende pii nange. Koo pii nayamopape Anatumi namwana koo dupwa Koraisa keta palena leya. Dopa piyamo dokona namwa baapa pako karo Anatunya rolae pingi renge namwa keta palamo.

Pilipai 3:9

Dopa piru ramo dokopa namba Yesu Koraisapa pakalu pakao pakarosa pira. Namba range sipurapala Mawa Pii dupwa warombo sepala dokome rolae ingyuo paa nayo doko kandelyo. Dakepa Yesu Koraisa kapa ingingi lao suu pyapala rolae ingyuo karo. Rolae pingi renge doko Yesu kapa ingingi lao suu pingi dokona Anatumi joo karamo.

2 Tesalonaika 1:5

Anatunya isingi panda dorena reke lao randa andake nyuo kata wapulyaminyi. Nakama dokona sukusa parami dokopa Anatu rolae pyuo kote lenge doko panara.

1 Timoti 4:8

Mee yulu andake piri dokome yanenge poraiyaramo dokopa yanengena yulu kapa pira. Dopaleko ingyuo imambu dokona porainyi pyambwarami ramo dokona isa pandape yake pandape laparaena kapa ingyuo pare.

2 Pita 1:1

Namba Saimone Pita Yesu Koraisana aposele akali dokome banya kendemande yulu pyuo karo. Anatu Lete Wai Pyao Nyingi Yesu Koraisapa rolae pingi dolapome Kurisene suu pingi keyange maiyamo yango dupwa keta pepa dake pyao jilyu.

2 Pita 1:11

Isa paa naramopa namwana Kamongo Lete Wai Pyao Nyingi Yesu Koraisana isingi panda keyange doko nyerami.