Matyu 6:10 - Anatunya Buku Baepole Ole Testamene Pii Lapo dee Nuu Tesamene

¹⁰ Embena isingi yulu doko epo palenale. Yake panda dokona lapinyili pyuo karaminyi doko suu pyao isa yuu dakena pyuo karamanale.

Matyu 6:10 ပူးပေါင်းရင်းမြစ်များ

Niyamaya 9:6

Isaraele wambu dupwame ateŋa dake piyami. Kamongo doko embako iki Kamongo ingilyamo. Embame yakepe yakena buipi pyuo wasii. Embame yuupi ipwa kotape bange silyamo dupwa peparaepe embame pyuo wasii. Bange dupwa peparae embame letena renge maii. Aŋala yake panda karaminyi dupwame emba lao pangu soo lakandenge.

Samu 2:6

Nambana yuu kyau poo pyasi Sayone lenge dokona nambame nambana kiŋi doko rombo palyuo karena lamaipu, letamo.

Samu 40:8

Emba suu pyarenyili pyuo piri. Embena mawa pii doko nambana monarena manjo karenge, leya.

Aisaya 2:2

Yuu gii mende pyaka sera ingilyamo dokopa tembole anda karamo yuu kyau dokome dokopa yuu kyau doloma nyuo isa palyuo sera ingyara. Seramo dokona yuu muu doloma mee kaeya nao ipwa ingyuo kulimbwanyi peeyo epo karalu kararami ingyara.

Jeremaya 23:5

Kamongo dokome lao, Dapitinya para pyasi dokona yulu rolae pingi mende kiŋi inginya lao wasaro yuu gii doko epelyamo. Yuu liti dokona kapa kapa pyuo kiŋi dokome mona angi palipala anjuku rolae lao rolo pyuo rapu pyuo karara.

Daniele 2:44

Yuu gii kiŋi dusipame iso kararaminyi dokopa Anatu yake panda karenge dokome kiŋi enenge mende rombo palyuo baa mee karalu karena lara. Kiŋi wakale dupwame baa pyao anamasi minya narami. Dopa piramopape baame kiŋi doloma peparae pyao isa palyapala baa mee iso palyuo puu para.

Daniele 4:35

Wambu isa yuu dakena palaminyi dupwa angi mende daaŋa lao kandanyi nembelyamo. Aŋala yake panda dokona karenge dupwape wambu isa yunya palaminyi dupwape baa isarena karaminyi. Mendemepe banya yulu pilyamo dupwana yango palya nao dee baame yulu aki pilyamo dupwa piso see narami ingilyamo, leya.

Daniele 7:13

Yuu gii kukwa dokopa kombeya pyuo pii repa repa piyunu dokonako wambu yale mende kandeyo. Baa namba kareyono dokona repeta epapala kopa dokome bolotoko lapala baa mendali lete palu karalu karenge doko peteyamo dokona peyamopa baa apipi lao polo leyami.

Daniele 7:27

Isa yuunya kiŋinya isingi yulu dokona yulu andakepe porai rengepe dupwa Anatu Mupwa Andake Wakasa dokona wambu dupwa nyuo maira. Mairamo dokopa isa yuunya akali mupwa karenge dupwame nakamana pii warombo soo yulu pyakamyuo kararaminyi dokopa kiŋinya porai renge nakama keta palira doko ota nalu nara.

Sekaraya 9:9

Yuu Sayone wambu nakama rae rae maiyuo karalapape. Jerusaleme wambu dupwa rae maiyuo pii porakai lalapape. Nakamana kiŋi doko epapu nakama keta epelyamo kandalapa. Banya yanda pimwai anamasi minyuo isa palyuo epelyamo. Dopa pyuo ipyamopape baa pau lao epo donge dokona piso epelyamo. Donge ikyane kumwambona dokona piso epelyamo.

Matyu 12:50

Nambana Rakange yake panda karamo dokome lapyamuli pyuo pyuo karaminyi dupwa nambana yangonge pemalenge endangipi ingyuo pelyaminyi leya.

Matyu 16:28

Kinyi langilyu, lapo dae karaminyi dusipame ene kumapa naraminyipa Ikinyingi Akali kiŋi ingyuo eparamo kandarami, leya.

Matyu 26:42

Lapala dee yuu lapo pyuo papala ateŋa lao dopa leya. Rakane, pee lomasi dake naa naronopape namba kaepala paa nara ramo doko emba suu pilinyili pyuo namba keta palena, leya.

Matyu 3:2

Yake pandana isingi yulu doko repeta pyaka selana pilyamo dokona mona enenge palyuo karalapape lao kareya.

Matyu 4:17

Yuu gii dokopa Yesumi kanda soo boo pyao, Yake pandana isingi yulu pyaka selena pilyamo dokona mona enenge palyuo karalapape, lao lao kareya.

Matyu 7:21

Namba kando, Kamongo, Kamongo larami wambu dupwa peparae yake pandana isingi yulu dokona sukusa paraminde daa. Nambana Rakane yake panda karenge dokona pii warombo soo kararami dupwa yapo kapa parami.

Make 11:10

Namwana akali kyawa Dapitinya kiŋi yulu dee epapu kamba pyaka silyamo dokona Anatumi keyange pyakamyuo nyiso karena. Anatu ketae pyambwamana leyami.

Make 3:35

Anatumi letamuli pyuo karaminyi dupwa nambana yangongepe pemalengepe endangipi lyakande, leya.

Luku 19:11

Pii doko soo peteyaminyipa Yesu baa Jerusaleme repeta kareyamo dokome Anatunya isingi yulu aopa pano epara rapisi lao suu piyaminyi dokona baame kongwalu pii mende lamairu lao suu piya.

Luku 19:38

Kiŋi akali mende Kamongo dokona kingi lao epelyamo doko keyange keta palena. Yake panda dokona koo soo kararaminyipa Anatu neta renge wakasa ingyuo karena leyami.

Luku 22:42

Rakane, emba kapa lao suu pyare ramo pee lomasi dake namba kaepala pena lapili yaka. Dopa lapili doŋo embame suu pyarenyili pyuo piri nambana pii mende pali nalyamo leya.

Jone 4:34

Yesumi nakama lamaiya. Namba mapanyi peeyamo doko laramuli pyuo pyuo karo banya yulu pyuo kondanyi nembaro doko nambana nenge.

Jone 6:40

Dokona lao nambana Rakange dokome wambumi Ikinyingi doko kandapala baa kapa ingingi lao suu pyapala mona mairami dupwa peparae keta letena renge kulisa palu palenge doko palira lao suu pyao manjo karamo. Yuu gii otaramo dokopa nambame nakama minyalyuo nyero, dokoŋo leya.

Jone 7:17

Akali mende baa laramuli pyuo pyuo karapuli lao suu pyara ramo doko mana pii doko Anatunya panda nambame iki sisu lao letepe lao soo gisara.

APOSELENA YULU 13:22

Kareyamopa Anatumi baa pyakuiyuo nembapala Dapiti baa kiŋi yulu pyuo karena lao rombo palyiya. Palyiyamo dokopa baasa kando dopa leya. Dapiti Jesena ikinyingi baa nambapa mona mendaki palyapyasa kyanyi kandelyo. Namba laro dokonako palyuo pyuo karara leya.

APOSELENA YULU 21:14

Dokopa kongo piyamanopa kando kaeyo leyasa namwa kaepala Kamongo dokome pinya letamuli pyuo pinya leyama.

APOSELENA YULU 22:14

Dokopa baa dopa leya. Namwana rakange kyawa dupwame Anatu suu pyao kareyami doko banya suu pingi doko sepala Rolae Karenge doko kando banya pii kambunya laramo doko sereŋe lao emba rombo palyiya.

Orome 12:2

Mee wambu dupwame rae mairami kata dokona pasarami daa. Anatumi nakamana mona andarena alowa pyuo suu pingi doko kapu kyakana. Kapu kyakaramo dokopa Anatumi emba apa pipili lao suu pilyamo lao sere. Dokopa keyange doko anjuku lao soo nyuo Anatu apa pirusa rae maira lao dokona soo nyuo yulu anjuku yapasi lao dusipana soo kararami ingilyamo.

Epesasa 6:6

Nakamame nakama kando kararami mange dokopa iki rae maimili lao pii nao, yulu pyuo dokopa Koraisana kendemande ingyuo Anatu pimili lao suu pilyamo doko monana manjo pipwape.

Kolosi 1:13

Baame namwa iminjinginya kareyama dokona neta nyepala banya Ikinyingi mona retenge doko keta namwa banya isingi panda dorena kareya.

Kolosi 1:9

Renge dokona sepala dokopa piso epo yuu peparae kaeya nao ateŋa lakalyamano. Nakama mona angi palipala imambunya yulu dupwa soo gisapala dokome

1 Tesalonaika 4:3

Anatumi nakama enda mende mee kepo pyakami napala yapasi ingyuo karamili yaka lao suu pilyamo.

1 Tesalonaika 5:18

Yulu peparaena lao Anatu kando sangyu lamaiyalapape. Nakama Koraisa Yesupana arapu dokona lete karaminyi dokona Anatumi nakama yulu keyange dopakale pyuo karamili lao suu pilyamo.

Ipuru 1:14

Yulu dokore aŋala dupwa keta mai naya. Nakama Anatunya kendemande imambu karaminyi dokona baame wambu yake panda parami dupwa nyisala pena lao mapanyi peenge.

Ipuru 10:36

Anatu laramuli pyuo maka nao waa waa lao pyuo kararami ramo doko baa yole jeroŋo laa lasaka piyamo dupwa nyerami ingilyamo.

Ipuru 10:7

Kandapala nambame buku kao pele pele lasi dokona leyamuli pyuo dae karo. Emba suu pyarenyili pyuo piri leya.

Ipuru 13:21

Anatu mona kyuu lao singi renge maingi doko baa nakama mora pisinyi pyambwaramopa Yesu Koraisa keta namwa yulu baa pipili lao suu pilyamo dupwa pimwali yaka. Koraisa baa neta renge ingyuo karalu karara, doko kinyi.

1 Pita 2:15

Wambu kopyali dupwame nakama kando kyaŋe soo lao karenge dupwa nakamana yulu keyange pirami dupwa kandapala dokopa mende larami ingya nalyamo yulu rolae dopale Anatumi nakama pimili lao suu pilyamo.

1 Pita 4:2

Wamba yulu koo wangu lakapala pyulu pyuo pyuo kareyami dupwa epapu kapa kaepala Anatunya pii laramuli pyuo pipape.

Orepalaisane 11:15

Enakana aŋala yanda ipingi nyepo dokona bikuli leyamo dokopa yake dokona piso pii rekyae lao lapala, Namwana Kamongo kandale dee banya Koraisapa yuu muu dupwana kiŋi ingyuo kaelyambinyiŋi. Dokome iso karalu karara lyakande leyami.

Orepalaisane 12:10

Enakana yake dokona piso pii andake dopa pyuo leyamo siyu. Koo mendeme Anatunya lenge kambu siyamo dokona kukwa korakamape karo namwana yangonge dupwa kando koo keta palyuo kote lao kareyamo doko neta nembelyaminyi. Anatumi porayapala kote palenge doko anamasi minyuo wambu iso karara yuu gii doko pyaka sepelyamo. Dokopa Koraisa banya isingi panda angi doko range nyilyamo, leya.

Orepalaisane 19:6

Enakana pii mende wambu malu wakasame ipwa jerae pyao malyili laope dee yuu gala lao rali pili lao lao epeyamo siyunu dokona lao, Namwana Kamongo Anatu Porai Wakasa doko baa kiŋi ingyuo karamo dokona lakando karamana leya.

Orepalaisane 20:4

Enakana Anatumi rombo palyiyamuli pyuo wambu keta kote larami dupwa nakamana kote pii lao petenge isa dupwana peteyaminyi kandeyo. Dee wambu malu Yesunya yulu minyuo Anatunya pii boo pyao leyamisa ayemba puku piyami dupwana imambu kandeyo. Dee nakama role pyao kareyami dupwa mena koo dokona dee baa dopale isa bange wasiyami dokona kingi laa nao menana make nakamana enamba kingipi dupwana pyasi pali nayamopa kareyami. Nakama Koraisapa role pyao isa yuu ee kana 1,000 ingyuo iso kararami ingiya.