Matyu 5:6 - Anatunya Buku Baepole Ole Testamene Pii Lapo dee Nuu Tesamene

⁶ Wambu yulu rolae pimwali yaka lao nanome kumuo karenge dupwa sikya pira ingilyamo dokona nakama rae maiyuo pelyaminyi.

Matyu 5:6 ပူးပေါင်းရင်းမြစ်များ

Samu 107:9

Baame ipwa nano pilyamo karelyaminyi dupwa sikya pinyi pyambuo dee lopange dupwa keyange dupwame iki pyasu makaro sinya lenge.

Samu 145:19

Wambu baa ketae pyambungi dupwana yano pilyamo karenge dupwa maingi. Baame nakamanaee laminyi doko soo nyepala pyuo nyisingi.

Samu 63:5

Nambana imambu doko imambunya nenge nao sikya pira dokopa nambame emba kenane pyao lakandaro.

Samu 65:4

Embena rombo palyisi wambu dupwa lanyuo emba pipya role pyao karaminyi dusipa rae maiyuo kararami. Embena tembole anda yapasi dokona karo embena keyange rengepe dee bangepe jingi dupwa kapa pyuo nyeramanopa mende yangya nara.

Samu 84:2

Mona nyepala namba dokona karapuli lao suu pyale pyale karo. Nambana yongo mona dolapona piso renge kuiyuo Anatu lete karenge dokona lao raemaiyuo wee romope lao karo.

Aisaya 41:17

Nambana wambu dupwa bange ipwape yano pyaramopa nanapala ipwa kotarami dokopape nakamana pendoko oo laramo ipwa nanarami dokopape namba Kamongo dokome nakamana ateŋa doko isingi yano pyakamiru. Namba Isaraele wambunya Anatu dokome nakama kame soo yaki nyii naro.

Aisaya 44:3

Nambame yuu oo lasi dokona rombe lanyi pyambwakaro. Yuu kulisa pao yando nasi dupwana ipwa guu lanyi pyakamena lao piru. Dopa pipala nambana porai renge doko nakamana wane wanakepe dupwa keta kulimbwanyi peyaro dee nakamana para pyao paraminyi dupwa elyape keta pisakaro.

Jeremaya 31:25

Dokopa wambu makarami dupwa nambame mona keyange palyinyi pyambwaro. Dee loparami dupwa nambame nenge pirunupa nao sikya piramo kararami.

Luku 1:53

Wambu lopo karaminyi dupwa baame sikya pinya lao nenge keyange maingi. Dopa pyuo bange malu retenge dupwa kaepala pendewa inginyi nembo pena lenge.

Luku 6:21

Epapu lopo pipyamopa karaminyi dupwa sikya piramo kararami dokona nakama raeko maiyuo parami. Epapu ee lao petaminyi dupwa nakama giyuo pisirami ingilyamo dokona nakama raeko maiyuo parami.

Luku 6:25

Epapu sikya pipyamo karaminyi dupwa nakama lopo piramopa randa nao kararami ingilyamo. Epapu giyuo karaminyi dupwa nakama kondo ee lao randa nao kararami ingilyamo.

Jone 4:14

Ipwa namba mairunu mendeme narami dupwa yango nano ama pii naramopa mona dokona guu lao endangi palyuo karara. Dokome kyakana renge palu palenge dokome baa keta ranjo neta epara leya.

Jone 6:27

Nenge rumbyara ingilyamo dupwa nyelana yulu pii nalapape. Nenge oo korokoro sulu soo sera doko nyelana yulu pipwape. Nenge doko Ikinyingi Akali dokome nakama jera. Dokona lao Rakane Anatumi baa rombo palyiya leya.

Jone 7:37

Nenge nao kareyami yuu dusipana lumwa pingi yuu gii wakasa dokopa Yesu sipurapala pii ketae palyuo dopa leya. Wambu mendeme ipwa nano pyuo karara ramo doko namba karo dokona ipupwape.

Orepalaisane 7:16

Lopangepe ipwa nano pingipi dupwa nakama keta dee pali nara. Dopako pyuo porambaiye pyuo netapeme rakusi rao pii nara.