Matyu 5:22 - Anatunya Buku Baepole Ole Testamene Pii Lapo dee Nuu Tesamene

²² Dopa leyako doŋo nambame nakama dopa langilyu. Mendeme yangonge mende kando imbwuara ramo doko baa keta kote sera ingilyamo. Mendeme yangonge mende kilya kandalya kandana pyuo lara ramo doko kote andake doko baa keta palira ingilyamo. Mendeme yangonge mende kando, Emba kopyali lao koo keta palyuo lao nembara ramo doko baa isare panda para ingyuowale karara.

Matyu 5:22 ပူးပေါင်းရင်းမြစ်များ

Jenesese 37:4

Rakangeme dopa pyuo Josepe yapo rae maiyuo kareyamo kandapala banya yangonge dupwame Josepe epe kanda napala yuu peparae isi piyami.

Jenesese 37:8

Leyasa banya yangonge dupwame baa imbwuapala piso soo, Emba kiŋi ingyuo karapala namwa iso karapuli lao suu pilisi? leyami. Lapala banya kombeya polo leyamo siyami dokona lao epe kanda nayami.

2 Samyuele 16:7

Pyapala baame lao nembo lao, Emba neta puu. Emba wambu pyao kumakange akali doko. Emba akali koo pingi doko. Emba puu pao puu, leya.

2 Samyuele 6:20

Dokopa enakana Dapiti baa banya ree palu dupwa yako lao anda peya. Dokopa enda Maikele doko baa Dapiti kandala epeya. Epapala lao, Isaraele wambunya kiŋi doko, epapu baa range kingi ketae nembo karo ipwamo, leya. Banya akali mupwa dupwana kendemande wanake dupwana lenge kambu dokona elya pali nao pyaloko lalya lana pyuo kopyali ingyuo karalamo, leya.

1 Kiŋi 21:4

Ayape baa Napoteme pii lamaiyamo doko sepala ama mona kendo dee imbumi kumuo anda peya. Papala nenge naa nao banya luu palenge rate dokona papala lenge kambu apya dorena pyambwapala palyuo siya.

Samu 14:1

Kopyali kopetame pingi dupwame lao dokopa Anatu kara nange letaminyi. Nakama peparae kwao piminyisa pilyamo Nakama kopetame pilyaminyi. Mendakimipi rolae pyuo kararama lao suu pyaa nalyaminyi.

Samu 37:8

Imbwa kaeyape dee pyalana suu pyaa napipi. Mona nembo katakaeyare renge dopaleme emba nyisa nange.

Samu 49:10

Akali mona palenge palya nangepe dee kopetame pingipi pii nangepe peparae kumuo penge doko kandelyamano. Nakamana mena bangepe dupwa para pyaramo dupwa keta reto kumuo penge.

Samu 69:4

Renge angi mende palya napyamopa namba awa nao karaminyi dupwa ama malu ingyapyasa nambana kyawasi malu karamo dupwa manda manja nalyamo. Nambana yanda pimwai dupwame kando kyambo lao yanda pimwailyaminyi. Nakamame namba pyalana poraiyuo kaelyaminyi. Dopa pipala bange dupwa waa nyiyu ingyuo range maiyakami letaminyi.

Daniele 3:13

Yuu gii dokopa kiŋi doko baa ama wakasa imbwuapala akali rema dusipa baa peteyamo dokona minyuo epena leya.

Daniele 3:19

Dokopa Setarake Mesake Apenekomoo kando kiŋi Nepukatenesa baa ama lenge kambu poro imbu manjo wakasa imbwaya. Imbwuapala banya akali dupwa lamaiyuo isare doko ama andake ingyuo rena leŋe yuu yanda ipingi ingyuo isa pyambuo kisinya leya.

Matyu 10:17

Wambu nakama nyepala kote lenge dupwana pao maiyuo sinakoke anda dupwana pyaroko pyao pirami dupwa waso karalapape.

Matyu 10:28

Dokona suu pyao nakamana yanenge ketae iki pyao kumakapala imambu pyao kumakalana saka narami dupwa paka nalapape. Imambu yongope laparae isare panda dokona kapa kokwa sinyi nembara doko kando pakalapape.

Matyu 12:24

Dopa leyaminyipape Parisi dupwame sepala, Imambu koo dupwana kamongo Belesapulu lenge dokome baa minyapyasa imambu koo dupwa rekya lanyi nembelyamo, leyami.

Matyu 17:5

Ene lao kareyamo dokopa kopa kyewa lenge mende epo nakama kareyami dokona yambe piya. Yambe piyamo dokopa kopa dokona piso pii mende lao epeya. Akali dake nambana Ikinyingiŋi nambame baa mona retapala rae mailyu. Banya pii soo karalapape, leya.

Matyu 18:21

Dokopa Pitame baa kareyamo dokona epapala dopa leya. Kamongo, yuu akipare nambana yangongeme namba kando yulu koo jepa piramopa nambame nyuo kame sakamyuo kararose? Yuu yanda ipingi nyero piramopa nambame kame sakamipa pirose? leya.

Matyu 18:35

Doko suu pyao nakamame nakamana yangone mendena koo dupwa monarena nyuo kame sakami narami ramo doko nambana Rakange yake panda karenge dokome nakama dopako pira, leya.

Matyu 23:15

Mawa Pii mana lenge akalipi Parisi akalipi nakama yanengena mamba kiso lao karenge dupwa nakamame akali mendakipi mende nakamana yongo nyinya lao suu pyao ipwa kotanape yuu dupwanape papyuo koto karenge. Enakana akali doko nakamana yongo nyepelyamo dokopa nakama isare pandana wane ingyuo karaminyi doko suu pyao baa ama isare pandana wane ingyuo karena lao lenge dokona nakama keta randa epara ingilyamo.

Matyu 23:33

Nakama kau ikyane ingyuo kaparao karaminyi. Anatumi nakama kando kote lao isare pandana yapalya yapana pinyi nembara doko apa pipala wanjinyi nembaramisi?

Matyu 25:41

Lapala banya kingi kyairena kararami dupwa lamaiyuo dopa lara. Nakama koo keta palirami dupwa, namba yaki nyepala pao isare rao karalu karene dokona Satanemoo banya aŋala koo dupwa pipya kararami dokona pupwa.

Matyu 26:59

Purisi akali mupwa dupwape wato andake lenge akali dupwa peparaepeme Yesu kapa pyao kumakamanale lapala baa kando kote lao kyambo lenale lao akali lapo koteyami.

Matyu 3:17

Dokopa yake dokona pii mende lao epapala, Nambana Ikinyingi mona retelyo dake. Nambame baa raeko maiyuo karo leya.

Matyu 5:34

Dopa pyuo leyami doŋo nakama mende pinya lao lalu lao larami ramo dokopa, kingi ketae nemba nawape yake panda doko Anatunya petenge isa dokona kingi laa nawape

Matyu 5:44

Dopa leyaminyiko doŋo nambame nakama pii mende langiru. Nakama pipya nyisu petenge wambu dupwa mona reto, randa nalamisi lao piyami dupwa ateŋa lakamyuo pyuo karalapape.

Make 14:55

Dokopa purisi akali mupwa dupwape wato andake lenge akali dupwa peparaepe Yesu pyamwali lao suu pyao Yesu baa yulu koo pipya simwali yaka lao piso siyami. Piso sepala wambu pisiyami dusipa pii angi rolae laa nayaminyipa yulu koo piyamo dupwa soo saka nayami.

Make 15:1

Yuu wamba yangama yangama wambena mumwa dokopa purisi mupwa dupwame kamongo dupwape Sekeraepo dupwape wato andake lenge akali dupwa peparaepe role pyao piso wato leyami. Wato lapala Yesu puu maipala lanyuo pao Pailate maiyami.

Luku 12:5

Mende kando pakarami dokoŋo lao nakama repe repe langyuo leto. Doko Anatumi pyao kumakapala koo panda dokona kapa nembara doko kando pako karalapape. Kinyi langilyu, Anatu baa kando pakalapape.

Luku 22:66

Yuu yangeyamo dokopa purisi akali mupwa dupwape Mawa Pii mana lenge akali dupwape mee wambu dupwana kamongo dupwape epo sukusa suksua piyami. Pipala nakamame wato andake lenge panda dokona minyuo pao,

Jone 11:47

Dokopa purisi akali mupwa dupwape Parisi dupwapeme wato andake lenge akali dupwa sukusa sukusa pyuo epena lapala, Namwa apa pirama? Akali dokome yulu andake malu lasaka pyuo karamo.

Jone 15:25

Namba kandakinyuo awa nayami, dopa lao Mawa Pii pyasi doko palamo pii dokona pyaka silyaminyi.

Jone 7:20

Wambu dupwame isingi lamaiyuo, Emba keta imambu koo mende palamo. Apimi emba pyao kumakalana lao suu pyao karamisi?

Jone 8:48

Juu akali dupwame baa lamaiyuo, Emba Samaria akali ingyuo imambu koo mendeme maralyipyamo karene lalamano doko kapa laa nalyamase? leyami.

APOSELENA YULU 17:18

Dokopa akali anjuku pii kinyi lao yuu peparae poraiyuo suu pyanyi pyano kareyami dupwana lapo kingi Epikuriana Setoikipi lenge dupwame baa kareyamo dokona epeyami. Epapala banya pii sepala lapome, Akali pii lao papingi doko apa letamo? leyami. Lapome, Imambu wakale nanesa karenge lapona boo pyao lao karalalyamo, leyami. Baame Yesunya kingi laope baame lopo epeya leyamosa pii doko leyami.

APOSELENA YULU 22:30

Dopa piyamo dokopa dokona yangama apa piyandena Juu wambu dupwame baa kando letaminyi doko rolo sero lapala baa moko nyepala purisi akali mupwa dupwape wato andake lenge akali dupwa pipya sukusa sukusa pyuo petena lapala Pole nyuo nakamana lenge kambu dokona kareya.

APOSELENA YULU 23:1

Dokopa wato andake lenge akali peteyami dupwa kando Poleme dopa lao, Yangonemoo, namba koo mende pii nao karo epo epapu dae karo dakeŋe lao soo manji nyilyu doko Anatu silyamo leya.

APOSELENA YULU 24:20

Epa narami ramo doko akali dapwa rangeme namba kando kote leyami dokopa yulu koo mende piyunu siyami ramo doko dopa piiŋi lao lenale.

APOSELENA YULU 4:15

Ingya nayamopa akali dusipa wato lao peteyami anda doko yaki nyuo kamanda pena lapala nakama range sukusa wato lao, Akali dolapo apa pimane? leyami.

APOSELENA YULU 5:21

Pii doko sepala nakama neta musi musi gii pyakaeyamo dokopa tembole anda dokona kolando papala mana lamaiyuo kareyami. Yangama dokopa purisi akali mupwa dokomoo baa role pyao karo suu pingi mendakinya palyuo kareyami dupwape nakama sukusa sukusa pipala Juu akali wato lenge duwpa peparae wato lamana lao epena leyami. Lapala aposele dupwa karapusi anda dokona kararami lao suu pyapala nyela pena leyami.

APOSELENA YULU 5:27

Lanyuo epapala wato andake lenge akali dupwana lenge kambu siyamo dokona pisiyami. Pisiyaminyi dokopa purisi akali mupwa wakasa baame nakama piso soo dopa lamaiya.

APOSELENA YULU 6:12

Dopa lao nakamame dopa pyuo mee wambu dupwape kamongo dupwape Mawa Pii mana lenge akali dupwape nembo nembo pyuo kalena palyuo lamaiyami. Lamaiyaminyi pii doko sepala Sitipena nyepala wato andake lenge dokona baa lanyuo peyami.

APOSELENA YULU 6:15

Dokopa akali wato andake lenge dokona peteyami dupwa peparaeme Sitipena kandaro piso banya lenge kambu aŋalana lenge kambu dopakale ingiyamo kandeyami.

APOSELENA YULU 7:37

Mosese baameko Isaraele wambu dupwa dopa lamaiya. Anatumi namba nyuo rombo palyiya kande doko suu pyao nakamana rara dokona akali mende banya pii nolako lao karena lao enakana rombo palyakara, leya.

Orome 12:10

Nakama Koraisa keta yangonge ingilyamo dokona yango mendali dokona poraiyuo mona retalapape. Yango mendena kingi ketae pyambwalana wangu lakapala pyuo karalapape.

1 Korina 6:10

Dee wambu waa nyingipi nyipuli nyipuli lao suu pingipi biya napala kyawa sisingi bolombalo lengepe randa maiyuo lengepe lowa kamba lengepe dusipa opetaeyoko Anatunya isingi yuu dokona paa narami.

1 Korina 6:6

Ingilyamoko doŋo Kurisene yango mendeme mende kote lalana dokopa mee akalimi pii doko lakana letaminyi.

1 Tesalonaika 4:6

Dopako pyuo akali mendeme banya yango mende mata rukyuo pyao etengepa role pyao palyakami nara ingilyamo. Namwa wambo nakama repe repe langyuo Kamongome wambu yulu koo dopale pingi dupwa randa maira langiyama.

Taitesa 3:2

Nakamame akali peparae kando mona seramopa yako lao anjiki pyuo karo mendali kando pii koo laa nana lao lamairi.

Ipuru 12:25

Anatumi yuu kyau Sainai dokona epo repe repe pii lamaiyamopa ayemba suu pipala kareyami dupwa kata koo wanjarami ingya nayami. Doko suu pyao namwa pii yake panda rae dupwa ayemba suu pipala see narama ramo doko kata mende sipyandena paramande daa lyakande. Doko doŋo ayemba suu pipala see nasaramano yako lao suu pyao karalapape.

Ipuru 5:9

Baa dopa pyuo mana nyepala angingyuo peyamopa lete karalu karengena renge doko wambu baa warombo siyami dupwa keta maiya.

Jemesa 2:20

Emba suu pinginya kopyali minyilyinyi. Mee Anatu kapa ingingi lao suu pyapala dokopa yulu angi pii nao kararami doko kwaelyamo dokona lasaka pyuowape?

Jemesa 3:6

Wambunya kekenge doko isare dopale ingilyamo. Doko baa koo dokona anda kamape ingilyamo dokona piso namwana yongo dokona lemongwaro sepala yulu koo nyuo rayapala namwa kwuanyi nembenge.

1 Pita 2:23

Baa kando kilya kando leyaminyipape baame isingi pii koo dopale laa naya. Piyami dokopa isingi pyalana pii nayako. Anatu baa kote pii rolae lenge dokona suu pyapala mona kare kare kareya.

1 Pita 3:9

Mendeme koo piya kande doko koo dokomeko isingi pyuope dee kilya kando laramo doko isingi kilya kando laope pii nalapape. Nakama mee rae maiyuo pena lao piri. Anatumi namwa sukusa nyuo dokopa keyange keta pyakaro leya.

1 Jone 2:9

Mendeme, Monarena yanga paupau lao sipyamo karo lapala yangonge mende awa nao karara ramo doko banya mona dorena iminjingi dokona kararasa pira.

1 Jone 3:10

Mendeme yulu rolae pyuo kara nara ramope baame banya yangonge mona reto kara nara ramope doko baa Anatunya ingyuo daa. Dokome api Anatunya wane wanakepe api Satanena wane wanakepe lao kando gisarama.

1 Jone 5:16

Akali mendeme yulu koo piramopa Kurisene yangonge mendeme Anatu piso sakamira ramo dokona Anatumi imambunya kata doko daa laa nara. Dopa piramopape daaŋa lao kumalu kumuo kumungi koo dokore pira ramo nyuo kame sakamiramo kata mende see nara. Dokona suu pyao ateŋa lalamisi lao laa nalyo.

Juti 1:9

Aŋala Maikele baame aŋala mupwa ingyuo kareyamopape dopa pyuo pii naya. Baapa Satanepa apimi Mosesena yongo nyera lao apiyanda piyambinyi dokopa Maikeleme Satane kando kilya kando laa nao mee Kamongome emba kando lara doko iki leya.

Orepalaisane 20:14

Dokopa kumungi renge dokope dee Satane panda karenge dupwape isare andake dokona pyambuyami. (Isare andake rao singi dokona parami dupwa dee kamba kumarami.)