Matyu 5:19 - Anatunya Buku Baepole Ole Testamene Pii Lapo dee Nuu Tesamene

¹⁹ Dokona wamba mendeme mee Mawa Pii kuki dokona mende yalo papala wambu yango dupwa dopako pipwape lao mana lamairami ramo doko yake pandana isingi yulu dokona karaminyi dupwana kamame isa pele lao karaminyiŋi larami. Dopa laraminyipa wambu mendeme pii palamo dokonako palyuo pyuo dopa pimana pipwape lao mana lao kararami ramo doko yake pandana isingi yulu palamo sukusa karaminyi dupwana mupwa ingyuo karaminyiŋi larami.

Matyu 5:19 ပူးပေါင်းရင်းမြစ်များ

Matyu 11:11

Kinyi langilyu isa wambu dupwana wai pyao nyiyami dokona mendeme Jone bapitisimo nyakamaingi dokopa kando wakasa ingyuo kara nalyaminyi. Kara nayaminyipape yake pandana isingi yulu sukusa dokona kamame kuki ingyuo karaminyi dupwame baa kando kamame wakasa ingyuo karaminyi.

Matyu 19:28

Yuu gii enenge doko pyaka seramo dokopa Ikinyingi Akali baa kiŋinya petenge isa neta renge dokona pisira. Dokopa nakama namba moko minyuo epenge dupwa petenge isa akalisa ipisu lama dusipana pisipala Isaraele rara akalisa ipisu lama dusipa rapu pili laro kararami leya.

Matyu 20:26

Yulu dopa pingi makande doko nakama nyii nalapape. Mendeme nakama dokona andake ingyuo karapuli lao suu pyare ramo doko nakamana isaro pingi ingyuo pyuo karare.

Matyu 28:20

Nambame nakama dopa pipwape dopa pipwape lao langyuo karenge pii dupwa peparae minyuo pyuo karena lao mana lamaipwape. Dokopa isa wambu karamano yuu gii doko ene lumwa pipa naramopa namba nakama pipya yuu peparae role pyao kararama lyakande, leya.

Luku 1:15

Baa Anatunya lenge kambu dokona andake ingyuo karara. Baa waene ipwange dokope ipwange porai dupwape dokona mende naa nara. Endangimi baa manjo nyeramo gii dokopa Imambu Poo Pyasi baa keta palyuo simbwaramo karara.

Luku 11:42

Parisi dupwa nakama randa narami ingilyamo. Dokona lao mokwame yokope kyalya yokope nenge nenge yoko wakale wakale dupwa peparaena akalisa silyamo dokona mendaki larapu Anatu pingyu maingi. Mailyaminyi doŋo yulu rolaepe Anatu mona retengepe kaelyaminyi. Yulu doloma kae napala yulu keyange doko opetae pyuo kararaminde pimi.

Luku 9:48

Pisapala baame nakama dopa lamaiya. Mendeme nambana kingi lao wane dake yako lao nyerami ramo doko namba yako lao nyeramisa pira. Namba yako lao nyerami ramo doko namba mapanyi peeyamo doko yako lao nyeramisa pira. Nakama peparae karaminyi dokona api mende kamame kuki ingyuo karamo doko baa mupwa ingyuo karapyamosa pilyamo, leya.

APOSELENA YULU 1:1

Yako Tiopilasa, Pepa wambo pyao jiyu dokona Yesu baame kanda soo yulu pyuo mana lamaiyuo kareyamo dokona palyuo pyao pao

Orome 3:8

Dopa larami ramo doko akipamo kooko pyulu pyuo pii narose? Dokopa keyange doko epara lao suu pilyamano. Wambu lapome namba dopa leeŋe lao giyalya giyana pyuo karaminyi. Dokona nakama keta kote palira ingilyamo. Doko angi kapa lao suu pilyu.

Orome 6:1

Dokona namwa apa laramase? Anatunya mona keyange palyuo ipingi renge doko ando penale lapala koo pyulu pyuo piramase?

Orome 6:15

Namwame aki mende piramase? Namwa lowame rapu pyuo kara napyamopa Anatu mona keyange palyuo ipingi dokome isapyamo karamano lapala namwa koo piramase? Ama daa.

Dutaronome 12:32

Mawa pii peparae nambame nakama langiyunuli pyuo pipwape. Pipala yulu mende konda pyuo pii naope dee yulu mende neta nembope pii nalapape.

1 Timoti 6:11

Emba Anatunya wambu dokome yulu koo doko waso karare. Yulu rolae dokonape Anatunya Imambunya yulu angipi kapa ingingi lao suu pingipi mona retenge rengepe Anatunya yulu yaki nyuo kaeya naope anjiki pyuope yulu dopale dupwa pyuo gii lao minyaro karare.

Taitesa 3:8

Pii dake kinyi palamo. Anatu mona maingi wambu dupwame wambu yango nyiso embame yulu keyange dupwa yapo pyuo petena lao poraiyuo mana lamaiyuo karape. Yulu dopale keyange ingyapala wambu nyisingi.

1 Pita 5:4

Dokome Sipisipinya Rapu Pingi akali angi doko eparamo dokopa kyawa rarange ama keyange yanga paupau lao sulu singi mende emba nyere.

1 Jone 3:4

Wambu koo pyuo karaminyi dupwa peparae Anatunya mawa pii kamba laminyisa pilyamo. Yulu koo pyuo karenge doko mawa pii kamba lenge dopale.

Orepalaisane 2:20

Dopa pyuo pyuo kareyaminyipape pii mende nakama keta palamo. Doko nakama enda Jesapele lenge doko baa namba poropeta enda ingyuo peto letamo doko baa keta mende laa nalyaminyi. Enda baame nambana wambu dupwa pamuku yulu dupwape dee mena loma soo kuiyuo maingi dupwa nena lao kunji kunji pyao lamaiyuo petamo.

1 Samyuele 2:30

Ilai embena ree palu dee embena rarape dupwa namba Kamongo Isaraele wambunya Anatu dokome purisi yulu yuu peparaena piramiŋi lao langyuo kaeyo leyo kande. Dopa leyoko doŋo dee dakepa nakambameko pyakamili lao suu pyaa nalyo. Nakambame pingi kandale doko suu pyao mendeme namba lakanda minya minya pirami dupwa kando isingi dopako pyuo lakando dee namba kilya kandanyi nembarami dupwa isingi kilya kandaroko.