Matyu 27:52 - Anatunya Buku Baepole Ole Testamene Pii Lapo dee Nuu Tesamene

⁵² Malu anda dupwa roma lumbwapala wambu poo pyasi luu palele lao kumasi paleyami dupwana lapo lete epeyami.

Matyu 27:52 ပူးပေါင်းရင်းမြစ်များ

2 Kiŋi 13:21

Yuu gii mendepa wambu dupwame akali mende malu pyuo karo dokopa Moape akali doo epeyaminyi dupwana lapo epeyaminyi kandeyami. Kandapala yanenge kakapange doko Ilaisana malu anda dokona nyuo nembapala nakama makando peyami. Dokopa aopa kumasi yongo doko pao Ilaisana kuli doko kando nyiyamo dokopa akali doko sipuro lete epo roya kareya.

Osia 13:14

Nambame wambu dapwa kumakarami lao nyiso dee kumapala kumasi wambu penge panda dokona paka nana lao kyawa lete nyuope pii naro. Kumunginya renge porai doko epara dokopa nambame kiiramo nyii naroko. Dokona lao kumungi renge doko embena porai renge doko anja palipyandeme namwa randa jerase? Embena anamasi minyare renge doko anja silyase? Wambu dupwa kando dee sakame kumuoko karalu kara naro ingyara.

Jone 11:11

Dopa lapala nakama pii mende lamaiya. Namwana puu minyingi Lasarasa doko luu palyuo silyamo doko baa lenge rena lao pyaletala pelyo leya.

APOSELENA YULU 7:60

Lapala wapambu kararo pisipala pii poraiyuo lao, Kamongo, yulu koo pyuo karaminyi dake emba suu pyaa nao nyuo kame sakamyuo kaeyape, leya. Dopa lapala kumuya.

1 Korina 11:30

Dopa pyuo piyami dokona nakama lapo yanenge yame yame lao, anga pyao, kumuo pelyaminyi.

1 Korina 15:20

Dopa pipyamopape Anatumi Koraisa kinyi lopo nyakaya dokona kumasi palaminyi dupwa opetae lopo nyerako doko ama kinyi kinyi silyamano.

1 Korina 15:51

Selapape, pii koko palenge mende polo langiru. Wambu lapo dupwa kumapa naraminyipape wambu peparae wakale ingyuo alowa pirama.

1 Tesalonaika 4:14

Yesu kumapala dee lopo neta epo peya doko kinyi lao suu pilyamano. Dee kapu kyuo eparamo dokopa Anatumi wambu mona kapu kyingi kumuyami dupwa Yesupa role pyao lanyuo epara doko kinyi lao suu pilyamanoko.

1 Tesalonaika 5:10

Namwa ene lete karowape kumapalape Yesu eparamo dokopa namwa baamoo pipya role pyao karalu kararama lao kumakaya.