Matyu 27:4 - Anatunya Buku Baepole Ole Testamene Pii Lapo dee Nuu Tesamene

⁴ Nambame mata kando lapunu doko baa koo mende pii nao ambeambe karapyamo akali dokona ranjama doko isa pena lao lapu doko namba koo pipunusa pipya, leya. Nakamame lao, Renge anjukundena namwa keta palase? Emba rangeme pii kande, leyami.

Matyu 27:4 ပူးပေါင်းရင်းမြစ်များ

1 Kiŋi 21:27

Ilainja pii lao otapeyamo dokopa kiŋi Ayapeme banya komau doko minyuo kangunyi nembapala baa kumanda wapungi komau wapuo nenge naa nao mee luu palyuo baa mona randame kumuo peteya.

Ekesetase 12:31

Kukwa angi dokopako kiŋi baame Mosese Eronepa kee lao epena lamaiyuo, Sipurapala nakambame nakambana Isaraele wambu dupwa range lanyuo yuu dake yaki nyakao Kamongo doko kingi lao pisa panyaŋa leyami kande dokona pupwape.

Ekesetase 9:27

Doko kandapala kiŋi Peraome Mosese Eronepa lamaiyuo, Yuu gii dakepa namba koo pipu. Kamongo Anatu baa rolae pipyamo nambana wambu dupwa nambamoo koo pimwa lao polo leya.

Jeremaya 26:15

Namba pyaramiko dokona renge mende palape lao selapape. Nakamame namba pyao larami ramo doko nakamape wambu yuu taone dakena palaminyi dupwape wambu koko pii nange dokome Anatumi repe repe lala puu lapyamo ipu doko pyaramisa pira, leya.

Jona 1:14

Dopa piyamosa nakama Anatu lao ee andake leyami. Lapala, O Kamongo, namwa akali dake pyao kumalana suu pilyamano dokona namwa range kuma namanale lao emba piso silyamano. Embame namwa pyao kumungi dopale ingyuo randa jii napipi. O Kamongo embame namwa dopa pilapa lao lasaka pipi leyami.

Matyu 27:19

Baa kote soo petenge dokona peteyamo dokopa banya etenge dokome pii repe repe nembo dopa leya. Akali yulu rolae pingi doko mende pinya palyareŋe pii napipi. Banya lao namba epapu kombeya mende pipala monarena kenda andake pipyamo peto, leya.

Matyu 27:54

Yanda singi yango rapu pyuo karenge dokomoo akali baa pale pale kareyami dupwa pipya Yesu iso kando kareyami dupwame yuusili minyuo dopa pyuo piyamo kandapala pakame kumuyami. Pakame kumapala, Kinyi dake Anatunya ikinyinginde karapyalyamo, leyami.

Luku 23:22

Pailateme repo pyuo nakama lamaiyuo, Akipamo, aki yulu koo ipyase? Baa kumara yulu dopale renge mende pali nalyamo lao masapu. Dokona baa randa maipala mokwaro ingilyamo leya.

Luku 23:41

Nambwame randa kapa nelyambano. Yulu koo piyamba doko suu pyao nambwa kapa randa nelyambano. Dopa pimbwanopape akali dake koo mende pii nange leya.

Luku 23:47

Dopa piyamo doko kandapala yanda singi mupwa dokome Anatu lakandapala, Kinyi akali dake keta kote renge mende pali napya leya.

Jone 19:7

Juu akali dupwame baa lamaiyuo, Baa Anatunya Ikinyingi ingyuo karo lapyamosa dokona namwana mawa pii mende palamo dokome baa kumara ingilyamo leyami.

APOSELENA YULU 13:28

Dokopa renge mendena baa kumara ingya nayamopa nakamame Pailate baame pyao kumakana lapyali yaka lao piso siyami.

Orome 3:19

Pii Lowana pyasi palamo dupwa wambu Lowa soo kareyami dupwa keta palamo, doko silyamano. Dokome see nange larami ingya narasa lao Anatumi yuu mure lao peparae nyuo kote lara.

1 Timoti 4:2

Akali pii kyai pyuo lenge dupwame panga soo lao mana pii kyambo letaminyi. Akali dusipana monarena kerange pyao otapyasa koo keyangepe anjuku lao soo saka nalyaminyi.

Taitesa 1:16

Nakama kambu dokome Anatunya wambuŋu lao yulu piminyi dupwame banya ingyuo paa nalyamo. Nakama kamba lao yango mende kando awa epekanda napala yulu koo pingi dokome yulu keyange pinya saka nalyaminyi.

Ipuru 7:26

Yesu baa purisi mupwa keyange dokome randa epelyamo dupwa kunjinyi nembakao angi kapa pyala paramopa nyisara. Baa yulu koo mende pii napala poo pyasi ingyuo karamo. Baa isa wambu koo pingi dokona yapo nyisinde yake panda dokona karamo.

1 Pita 1:19

Koraisa baa sipisipi ikyane usa mende nyisa pisa nange dopale ingyapala nakamana lao kumuo maiyamopa kiiramo epasi karaminyi.

1 Jone 3:12

Wamba akali Kene lenge imambu koo dokona ingyuo kareyandeme banya yangonge pyao kumakaya kande renge doko namwa mana nyii napengele ingilyamo. Renge apa pyuondena lapala baame yangonge pyao kumakayapya kandese? Banya yulu dupwa koo ingiyamosa yangongena yulu dupwa angi rolae ingilyamo lao kandapala yangonge pyao kumakaya.

Orepalaisane 11:10

Kumuyambi dokona isa wambu rae maipala mali lyuo puu minyingi dupwa pipya bange mee maiyuo kararami. Poropeta akali dolapome isa wambu peparae mona kendanyi pyambuo kareyambi dolapo kumuyambi dokopa rae mairami ingiya.

1 Samyuele 15:24

Soleme isingi lao, Namba koo andake pipu. Nambame Kamongona mawa pii dokope dee embena mana lapi dupwape kamba lapu doko nambana akali dupwa pakapala nakama laminyili pyuo pipu.

1 Samyuele 15:30

Leyamo dokopa Soleme isingi lamaiyuo, Namba koo andake pipunupape nambana wambu dupwana litape dee Isaraele wambu peparaepe dupwana lenge kambu dokona namba elya nare lao rape rape lao karape, leya. Lapala embena Kamongo Anatu doko lakandaro lao emba kamba kapu kyuo nambapa bonale, leya.

1 Samyuele 19:5

Baa kumara doko suu pyaa nao baame Golayate pyao kumakayamo dokopa Dapiti baa kumuyaliko doŋo kuma naya. Doko Kamongo dokome pyao anamasi minyuo wini pingi renge doko Isaraele keta maiya doko emba kandapala dokopa ama rae mai kande. Dokona lao epapu embame akali koo mende pali nange doko kando kopetame pyuo renge angi mende daa dokona akipamo Dapiti pyao kumakarese? leya.