Matyu 26:69 - Anatunya Buku Baepole Ole Testamene Pii Lapo dee Nuu Tesamene

⁶⁹ Pita baa kamanda anda kamapi dokona peteya. Dokopa kendemande enda mendeme baa peteyamo dokona epapala, Yesu Galili range doko embapa role pyao karambi doko, leya.

Matyu 26:69 ပူးပေါင်းရင်းမြစ်များ

1 Kiŋi 19:13

Pii doko Ilainja sepala banya komau dokome lenge kambu yambe pyapala kananda kambu konandowame dokona karala peya. Dokopa pii dokome baa lamaiyuo, Ilainja emba dakena apa pyuo karese? leya.

1 Kiŋi 19:9

Papala kukwa dokopa kananda mendena pao paleya. Dokopa aopa Kamongo dokome pii lamaiyuo, Ilainja emba dakena apa pilisi? leya.

Samu 1:1

Akali mende koo pinya lao kunji pyaraminyi dupwa yaki nyuo Satanena yulu pirami dokona mana koo nyii nao Anatu kando giyalya giyana pyuo lenge dupwana role pyao kara nao piramo akalinde ramo doko rae maiyuo pyakalyuo pyao karara ingilyamo.

Matyu 21:11

Dokopa wambu malu rukuraka pyuo epeyami dupwame, Dake Anatunya poropeta Yesu yuu Galili yuu Nasarete range doko, leyami.

Matyu 26:3

Dokopa purisi akali mupwa dupwape wambunya kamongo dupwape purisi akali mupwa wakasa Kayapasa lenge dokona anda andake dokona epo sukusa sukusa piyami.

Matyu 26:58

Peyaminyipa baa peyamo dokona Pita nanesale peteta enakana pao purisi akali mupwa dokona anda kamapi dokona peya. Pao sukusa papala anda iso karenge akali dupwa pipya role pyao piso apa pipelyape lao kando peteya.

Matyu 26:70

Dopa leyamopa nakama peparae soo peteyaminyipa Pita baame, Apa letene lao soo saka nalyo, lao daa leya.

Matyu 26:71

Lapala kakota lumbungi dokona peyamo dokopa kendemande enda mendeme baa kandapala wambu lapo doo kareyami dupwa lamaiyuo, Akali dake Yesu Nasarete range dokopa karambi, leya.

Jone 1:46

Natanieleme baa lamaiyuo, Yuu Nasarete dokona aki renge keyange mende pulyingisi? leya. Pilipa baa lamaiyuo, Kandambana bwua leya.

Jone 7:41

Lapome, Dake Koraisalamo leyami. Leyaminyipa lapome, Koraisa baa yuu Galili rae epara ingilyase?

Jone 7:52

Nakamame, Emba opetae Galili rangekose? leyami. Pii pyasi dupwa poraiyuo mana nyuo kandarenepa Galili range poropeta mende sipura nara ingilyamo lao kandare leyami.

APOSELENA YULU 5:37

Pyakuiyamopa enakana wambu dupwana kingi pepa piyami yuu gii dokopa akali mende Jutasa lenge yuu Galili range dokome sipurapala wambu lapo banya yulu piyamuli pyuo pimana epena lao suu longo nyiya. Baa opetae piyaminyi kumuya. Kumuyamo dokopa wambu banya yulu nyuo piyaminyi dupwa peparae bolombalo lao rali piyami.