Matyu 26:38 - Anatunya Buku Baepole Ole Testamene Pii Lapo dee Nuu Tesamene

³⁸ Dokopa baame nakama lamaiyuo, Namba monarename randame kumulyu. Nambamoo lenge rao karamanale, leya.

Matyu 26:38 ပူးပေါင်းရင်းမြစ်များ

Samu 116:3

Kumunginya puu dokome namba nyuo boke bake pyuo kiimbwanyi palyiya. Kumunginya paka renge dokome repeta epo kaeya. Rengya dopa pyuo parondelyamo lao suu pyao paka dokome kumuo kareyo.

Samu 42:5

Akipamo namba sakame kumulyusi? Akipamo namba randa andake nyilyusi? Nambame Anatu keyange piralao suu pyao baa nambana pyuo nyingi ingyuo karamo doko dee kambalakando kararo.

Aisaya 53:10

Kamongome lao, Nambame baa randa nyuo yasu napyali lao suu piyu dokona randa nyiya. Dopa pyuo baa kumuyamo dokopa mena pyao kiso maingi dopale ingyuo wambunya koo dupwa kame soo kaeyasi siya. Dokona lao baame banya para pyasi wambu dupwa range kando nyera. Baa yuu gii londe andarele karara. Dokopa baa kumaramo renge doko nambana yulu dupwa jingi lyuo kapa palyuo para.

Aisaya 53:12

Dopa pyuo paramopa nambame baa ketae pyambuo baa akali kamame wakasa porai dupwa pipya karena laro. Wambu koo pingi dupwana panda nyuo randa nao baa range kumuo mainya mona kumapala baame wambu koo pingi malunya panda nyepala ateŋa lao Anatumi nakamana koo dupwa kame sakaminya lamaiyuo kumuya.

Aisaya 53:3

Namwame baa epe kanda nale nale lapala baa mata maiyuo kareyama. Baame randa dupwa epeyamopa yasu nao rando kareya. Dopa pyuo kareyamopa mendeme baa kandalana suu pyaa nayami. namwame baa mende daaŋa lao suu piyama.

Matyu 25:13

Doko suu pyao anjokorape eparape lao yuu giipi keloke giipi see nalyaminyi dokona kando isaro karalapape, leya Yesumi.

Make 14:34

Dokopa nakama lamaiyuo, Nambana mona anda dokona kondome kumulyu. Nakama dakena kandaro pisipwape, leya.

Jone 12:27

Epapu namba monarena pulunongo pyapyamopa karo. Dokona apa larose? Rakane, yuu gii dakepa yulu palamo dokona namba keta pali nanale lao namba nyisape, larose? Daa, gii dakepana yulu palamo dokona palira lao epeyo.

Orome 8:32

Banya Ikinyingi yeelyo mandeyamo doko range retaro kara napala namwana lao kumala penale leya. Rangena Ikinyingi doko jiya kande. Dokome dee bange wakale dupwa peparae mee jii narase?

2 Korina 5:21

Koraisa baa koo mende pii nange. Koo pii nayamopape Anatumi namwana koo dupwa Koraisa keta palena leya. Dopa piyamo dokona namwa baapa pako karo Anatunya rolae pingi renge namwa keta palamo.

Galasia 3:13

Koraisame namwana lao randa nyakapala Lowa namwa randa jingi dokona kiiramo nyiya. Buku Baepole dokona dopa lao letamo. Akali isa mamandona kumuo penge doko kumungi renge baa keta palamo letamo.

1 Pita 2:24

Namwa yulu koo dupwa yaki nyuo kaeyapala rolae pirami dokona lao Yesumi isa mamando dokona namwana koo dupwa paleta siya. Baa piyami dokome nakama pyuo nyisi karaminyi kande.

1 Pita 3:18

Koraisa baa range yulu koo mende pii napalape namwa koo pingi wambu dupwa Anatu dokona lanyaro lao suu pyapala dokona lao kumakaya. Baa pyuo kumakayaminyipape banya imambu dokona lete peya.

1 Pita 4:7

Yuu lumwa pira doko repe ingilyamo dokona emba range kame pyuo minyuo mona paliramopa karo ateŋa lalapape.