Matyu 25:36 - Anatunya Buku Baepole Ole Testamene Pii Lapo dee Nuu Tesamene

³⁶ Namba papara epeyonopa nakamame komau wapwakayami kande, namba anga piyamopa nakamame namba kandala epeyami kande, namba karapusi anda paleyonopa nakama yako lala epeyami kande lara.

Matyu 25:36 ပူးပေါင်းရင်းမြစ်များ

Aisaya 58:7

Wambu lopange dupwa nakamana nenge maiyuo andana pali nange dupwa nakamana andana palyuo dee komau aeya nalyamo karenge dupwa komau wapunya lao maiyuo karo dokopa nakamana andare ree palu mendaki dupwa kaeya nao nyisarami ingilyamo.

Isikiolo 18:16

wambu dupwa mata rukyuo pyao waa nyii nao pingi. Bange mende yulu pipalana nyuo pao dokopa range peyakarono dokopa jereŋe bange mende minyaro karena lao maipala nyuo penge doko enakana peyakamilyaminyi dokopa dolo range mondo lao maiyakamingi. Wambu lopalyaminyipape dee komau see nangepe dupwa komau nengepe maingi.

Isikiolo 18:7

Baame minyako pyuo waa nyii nange. Bange mende yulu pipalana lao nyuo pao dokopa range peyakarono dokopa jereŋe bange mende minyaro karena lao maipala nyuo penge doko enakana peyakamilyaminyi dokopa dolo range mondo lao maingi. Komau see nangepe dee lopolyaminyi dupwa baa nenge pyuo komau maiyuo pingi.

Isikiolo 34:4

Embame porai napyamo karaminyi dupwa suu pyaa nao anga pyapyamo karaminyi dupwa pyuo nyii nao rete pipyamo dupwa yaki pyakami nao neta puminyi dupwa sukusa nyii nao pyuo karene. Dopa piri doko suu pyao wambu dupwa randa maiyuo karene.

Matyu 25:37

Dopa laramo dokopa yulu rolae pingi wambu dupwame baa isingi lamaiyuo dopa larami. Kamongo, anjokorape emba lopo kareene kandapala namwa nenge jiyamase panda ipwa nano kareene kandapala namwa ipwa kamuo jiyamase?

Matyu 25:43

Namba upunili epeyonopa nakamame yako lao nyii nayami kande, namba papara kareyonopa nakamame komau jii nayami kande, namba anga piyamo siyunupape panda karapusi anda paleyonopape kandala epa nayami kande, lara.

Luku 3:11

Dokopa baame nakama isingi lamaiyuo, Mende komau pee pingi lama seramo doko mende mokwa soo aeya naramo karara doko maipwape. Doko suu pyao mende nenge sera doko dopako pipwape leya.

APOSELENA YULU 20:35

Wambu yulu kapa pii nange dupwa nyisarama lao namba yulu andake pyuo kareyono dokome kata keyange doko lasaka pyuo kareyo. Kamongo Yesu baame dopa lao pii leya. Bange maiyuo kararama ramo dokopa renge keyange wakasa doko namwa keta palira ingilyamo. Bange nyuo kararama ramo doko renge keyange wakasa doko namwa keta pali nara ingilyamo. Pii doko nakama suu pyaro karalapape lao pyuo kareyosa piya, leya Poleme.

Ipuru 10:34

Wambu lapo puu anda paleyami dupwa kando kondo karo dee nakama rangena bange nyakamiyami dokopa mona yaepo kareyami. Nakamame bange kulisa sulu singi doko nyerama lao soo kapa kareyami.

Ipuru 13:3

Lapo karapusi palaminyi dupwana nakama dokona mendako ingyuo karo, dee randa ipyamo yaso nelyaminyi dupwana mendako karo lao suu pyao pisipwape.

Jemesa 1:27

Rakange Anatumi Kurisene yulu angi yapasi lao suu pyao karamo dusipa dopale. Wane wanake muiyane dee enda waiya dupwana randa eparamo dokopa nyisarami. Dee yongona yulu dupwa andanyi nembapala kokwa sisara lao waso karalapape letamo.