Matyu 24:31 - Anatunya Buku Baepole Ole Testamene Pii Lapo dee Nuu Tesamene

³¹ Dokopa bikuli andake laramopa banya aŋala dupwame porambaiye renge kuiyuo epenge yuu pinjingi kisima dusipana pao banya wambu yapasi dupwa nyela pena lara.

Matyu 24:31 ပူးပေါင်းရင်းမြစ်များ

Samu 22:27

Dopa pyuo yuu muu peparaeme liti kuki mendepe neta paa nao dee kone pupuripi peparaemepe Kamongo lao suu pyao loma soo kingi wapambupi lakao misi larami ingilyamo.

Samu 67:7

Anatumi namwa elyape keta piso nyisapyamo dokona wambu peparae anja anja palaminyi dupwame baa ketae pyambuo lakandena.

Ekesetase 19:16

Yuu gii repo dokopa yangama yuu kyau dokona yuu gala lao yuu pele pyuo dee kopa andake soo pipala bikuli pii andake leya. Leyamo dokopa wambu palyuo kareyaminyi dupwa sepala walu lao pakame kumuyami.

Aisaya 42:10

Kamongo kando kenane enenge pyalapape. Yuu muu peparaena wambu dupwame baa lakando kenane pyalapape. Nakama lapo ipwa kotana piso papiyaminyi dupwame baa lakandalapape. Ipwa kota dupwana lete bange silyaminyi dupwame baa lakandalapape. Yuu nanesape dee dupwana wambu palaminyi dupwa peparaepeme kenane pyalapape.

Aisaya 43:6

Dopa pyuo karaminyi dokopa yuu dulurena wambu dupwa lamaiyuo dokopa nambana wambu dupwa kakaso pena kaeyakana laro. Dee donorena wambu dupwa lamaiyuo dokopa penaleŋe minya sili sili laa nana lao piru. Dokopa kamame panda lao saka nange yuu muu wakale wakale dupwana naneta kararaminyi dupwape dee yuu muu peparae kipwa kipwa dupwana kararaminyi dupwape andako kili kali pyuo epena.

Aisaya 45:22

Dakepa yuu muu peparaena wambu palaminyi dupwa nakama namba keta kapu kyuo epapala range kyawa lete nyelapape. Anatu doko iki namba karo.

Aisaya 49:18

Kamenge kara napala apa pilyamo lao paki pakipi kandarapu pyuo karalapape. Nakamana wambu dupwa anda epena elyambu pyuo epelyaminyi. Kinyi namba lete karalu karenge Anatu doko suu pyao nakamame nakamana wambu kandapala dokopa enda mapwaeme lyange mamakupi soo kalya pyuo akalinya anda pao rae maiyuo pamoli pyuo rae mairami ingyara.

Aisaya 60:4

Nakama lenge pendekae lapala apa pilyape lao kandalapape. Nakamana wambu dupwa anda epena lao malu palyuo karaminyi. Nakama ikinyingi dupwa yuu nanesa piso eparaminyipa nakamana wanenge dupwa wane wanakepe nyaŋa ingyuo wambu wakale dupwame apu soo eparami.

Daniele 7:2

Yuu muu kipwa kipwa dupwana peparae piso poo raiya andake minyapala ipwa kota doko pyao kupyalya kupyana piya.

Sekaraya 9:10

Kamongome dopa letamo. Nambame yanda pingi mena oseme ipyuo penge uliuli Isaraele dokona singi dupwa nyuo nembo Jerusaleme rae yanda pela piso penge mena ose dupwa nyuo nembo piru. Yanda walakape minyuo yanda pilyaminyi dupwa nyuo uki aki minyinyi nembaroko. Nakamana kiŋi dokome yuu muu dupwana wambu mona kyuu lao seramo palena lao pira. Kiŋi baame ipwa kota Metiteraniane piso iso pao Kumungi Ipwa dokona para. Ipwa Yuporisa dokona piso iso pao yuu yakepe pinjingi dolapona suu lara.

Sekaraya 9:14

Dokopa Kamongo baa banya wambu kararami dokona ketae epo maro lara. Lapala banya walekya dupwa yuu pele pingi dopale ingyapala waiya lao pyara. Dopa pyuo dokopa Kamongo Mupwa Andake Wakasa dokome bikuli pii lao baa sipurapala kopa apupi rakapana dokona donorena piso pao yanda pyala panya yanda kata epara.

Matyu 13:41

Ikinyingi Akali dokome banya aŋala dupwa pena laramopa dupwame epo banya isingi panda dokona koo renge wakale wakale paliramo dupwa peparaepe koo pingi wambu kararami dupwa peparaepe yapalyuo nyerami.

Matyu 24:22

Anatumi yuu gii nyuo muu pinyi nemba nayali doko wambu peparae koo keta palyuo kumuo oteyamuli. Doko kaepala banya wambu lapo rombo palyiyamo dupwana reke lao repele pyakanya lao muu pinyi nembara.

Matyu 24:24

Dokona lao akali lapome kyambo lao, Namba Koraisa karoŋo, lao sipurapala wambu kando yamaranguramili yulu andake dopale lapo lasaka pyuo pyuo kararami. Akali dupwame mee wambu dupwa suu longo nyuo karo dokopa Anatunya rombo palyisi wambu dupwa opetae suu longo nyelana lao pyuo kararami.

Matyu 24:32

Isa piki doko kandapala renge mende mana nyelapape. Isa wangya piso andenge dokona byalu lapala yoko karo penge doko kandapala ee kana musi doko pyaka selana pyamolamo lao kandenge.

Matyu 25:31

Ikinyingi Akali baa aŋala dupwa peparae pale pale yanga paupau lao epapala dokopa baa banya kiŋinya petenge yanga paupau lenge dokona pisira.

Matyu 28:18

Dokopa Yesumi epo nakama dopa lamaiya. Renge palenge yake panda silyamopape isa panda silyamopape peparae namba keta jipyamopa karo.

Make 13:27

Epapala baame banya aŋala dupwa pena laramo dokopa nakama porambaiye piso minyingi kata dupwana peparae papala baa rombo palyiyamo wambu dupwa mendena mendena pyuo nyuo malu palyarami. Yuu nemba nemba dupwana yake nemba nemba dupwana pao mendena mendena pyuo nyuo malu palyarami, leya.

Luku 24:47

Sipuraramopa banya kingi lao yuu Jerusaleme dokona kanda soo karo rara wambu dupwa peparae lamaiyuo, koo dupwa kondapala mona enenge palyuo kararaminyi dokopa Anatumi koo dupwa kame sakara, lao boo pyao papirami ingilyamo, lao pyasi palamo leya.

Jone 11:52

Juu wambu dupwanako iki daa Anatunya wane wanake raeyo petaminyi dupwa nyuo mendakinya ingyuo petena lao kumara renge dokona leya.)

Orome 10:18

Dopa pyuo pupyamopape nakama piso serowale. Juu wambu waili pii see nayami doko kinyisi? Doko ama kinyi siyami. Pii pyasi dokona lao dokopa, Pii minyuo papingi akalinya pii lasi doko yuu mure lao pao kapa pyuo nakamana pii doko yake yuupa rambungi dolapona peya letamo.

1 Korina 15:52

Lenge waiya lao lembake pingi doko makande pyuo byara andake pyaramopa kumuyami dupwa komba pyapala karalu kararami. Namwa peparae alowa piramopa kararama.

Epesasa 1:10

Yuu gii pyaka separamo dokopa Anatumi banya wasisi peparae yake pandape isa pandape nyuo mendakyapala dokona Koraisa baa kyawa ingyuo kararaŋa lao suu piyamuli pyuo pira.

Dutaronome 30:4

Nakama yuu nanesa pinjingi dolapona bolombalo lao pao kararaminyipape nakamana Kamongo Anatu dokome range yapo nyuo pyasapala lanyuo epara.

Dutaronome 4:32

Nakama manjipa nayaminyipa yuu gii wamba dokona doko kapu kyuo suu pyalapape. Yuu dakena Anatumi akali mupwa wambo wasiyamo doko piso suu pyao karalapape. Nakamame yuu muu silyamo kipwa kipwa dupwana peparae pao kandalapape. Yulu andake pilyamo dopale mende wamba piyase? Wambu mendeme pii dopalepe mende wamba siyamisi?

1 Tesalonaika 4:16

Yuu gii dokopa Kamongo Yesu baa range yakena piso isa eparamo dokopa pii poraiyuo wakasa mende laramopa aŋala mupwa pii laramo dokopa Anatunya pii ketae lakuli pii ingyuo lao epara. Dokopa wambu Koraisa mona kapu kyuo maipala kumuyami dupwa wambo lete sipuro parami.

2 Tesalonaika 2:1

Namwana Kamongo Yesu Koraisa eparamo dokopa namwa Yesumoo role pyao pisirama dokona lao langirowale.

Ipuru 12:19

Bikuli pii andake leyamopa mendeme pii romendende leyasa enda akalipi pii doko soo pakapala karo dee kamba see naramaŋa daa leyami.

Orepalaisane 1:20

Nambame kingi rolae dokome bui yanda ipingi nyepo minyaro karo dokonape dee kendapuli minyingi bange golome wasisi yanda ipingi nyepo dokonape renge andake yalu pisi silyamo dokona ingyuo polo langiru. Doko bui yanda ipingi dusipa Elyambu Pingi yanda ipingi nyepowana aŋala rapu pyuo karenge dokona makande pyuo minyapusa pilyamo. Dee kendapuli minyingi bange yanda ipingi dupwa Elyambu Pingi yanda ipingi nyepo dokona makande pyuo pilyamo.

Orepalaisane 11:15

Enakana aŋala yanda ipingi nyepo dokona bikuli leyamo dokopa yake dokona piso pii rekyae lao lapala, Namwana Kamongo kandale dee banya Koraisapa yuu muu dupwana kiŋi ingyuo kaelyambinyiŋi. Dokome iso karalu karara lyakande leyami.

Orepalaisane 7:1

Dopa pepeyamopa aŋala kisima yuu pinjingi kisimana roya kareyaminyi kandeyo. Isa yuu ipwa kota isape dupwana poo lao paa nana lapala porambaiye dokona pyapi lao kareyami.

Orepalaisane 8:2

Enakana kandeyono dokopa aŋala yanda ipingi Anatunya lenge kambu dorena bikuli lenge yanda ipingi maiyaminyi minyaro kareyami.