Matyu 23:9 - Anatunya Buku Baepole Ole Testamene Pii Lapo dee Nuu Tesamene

⁹ Doko suu pyao isa yuu dakena akali mende kando rakane emba mupwaŋa lao laa nalapape. Nakamana Rakane mendaki iki doko yake panda dokona karamo.

Matyu 23:9 ပူးပေါင်းရင်းမြစ်များ

2 Kiŋi 13:14

Poropeta akali Ilaisa baa wambu kumungi angande pyapala kumara ingiyamopa luu palyuo siya. Siyamo dokopa Isaraele wambunya kiŋi Joaseme baa kandala peya. Papala baa pii poraiyuo lao ee lao lao, Nambana rakane, nambana rakane, emba Isaraele wambu dupwa porai ingyuo rapu pyuo karenge, leya.

2 Kiŋi 2:12

Peyamo dokopa Ilaisa doko kandapala Ilainja kando ee lao, Nambana rakane nambana rakane Isaraele poraiyuo iso karenge emba pelene lamo leya. Lapala baame Ilainja dee kanda naya. Baame Ilaisa sakame kumapala banya komau doko kanguo lamasa piya.

2 Kiŋi 6:21

Dokopa Isaraele kiŋi dokome Siria yanda singi dupwa kandapala baame Ilaisa piso soo, Nambame dupwa pyaowape? Yangone, dupwa nambame pyao kumakaowape? leya.

Malakae 1:6

Kamongo Porai Wakasa dokome purisi dupwa lamaiyuo lao, Ikinyingimi rakange rape rape lenge kandape. Dee kendemande akali dokome banya yulu pyakamingi akali doko kando rape rape lenge kandapi. Namba nakamana rakane doŋo akipamo nakamame namba kando rape rape laa nalyamisi? Namba nakamana mupwa doŋo akipamo nakamame namba paka nalyamisi? Nakamame namba kilya kando kandelyaminyi. Kandapala piso soo lao, Apa pyuo namwame emba kilya kandelyamase? letaminyi.

Matyu 23:10

Dokonako suu pyao wambu dupwame nakama kando, Kamongo, lena laa nalapape. Nakamana Kamongo mendaki iki Koraisa lenge doko karamo.

Matyu 6:32

Anatu suu pyaa nange wambu dupwame yanengena bange kotenge kandale. Nakamana Rakane yake panda karenge dokome nakama isa bange dokorende nyepenge ingilyamo lao soo karamo.

Matyu 7:11

Dokona suu pyao nakama koo ingyuo petaminyi dokome wane wanakepe dupwa bange keyange maingi doko suu pyao Rakane yake panda karenge doko wakasa ingyuo karamo dokome baa piso serami wambu dupwa renge keyange mai narase?

APOSELENA YULU 22:1

Yangonemoo, Rakanemoo, nakamana lenge kambu silyamo dakena karo yulu koo pii napuŋu lao langyuo rolarowale pii doko selapape leya.

1 Korina 4:15

Dopa pilyamo dokona nakama Koraisapa karaminyi dokopa mana lenge ama malu wakasa karaminyipape rakane mendaki ingilyamo. Doko Yesu Koraisa keta karaminyipa nambame waili pii keyange dokona langingi dokona namba doko nakamana rakange ingyuo pelyamo.

2 Korina 6:18

Namba nakamana rakange ingyaronopa nakama nambana wane wanake ingyarami lao Kamongo andake wakasa doko letamo.

Ipuru 12:9

Namwana mee rakange dupwame pyalana pyuo mana lenge dokopa nakama rakangeŋe lao soo kando karenge kandale. Dokona ingyuo Imambunya Rakane banya laramo dupwa kamame andarele sepenge ingilyamo. Dokome lete renge nyerama.

1 Jone 3:1

Rakange Anatu namwa renge kuiyuo mona reteyamo dokome namwa banya wane wanakepe leya dokona suu pyaokondali pipwape. Namwa mee dopa rapisa lao wane wanakepe laa nange. Namwa banya wane wanakepe angingyuo karamano. Dokona isa yuunya suu pingi wambu dupwame Anatu apa pyuondeme pyuo karamo lao soo pakana palya nayami doko suu pyao namwa apa pyuondeme pyuo karaminyi lao soo pakana palya nalyaminyiko.