Matyu 23:39 - Anatunya Buku Baepole Ole Testamene Pii Lapo dee Nuu Tesamene

³⁹ Dokona lao kinyi langilyu. Nakamba namba dee kanda narami. Namba Anatunya kingi lao eparonopa nakamame lao kandalapa neta ipwamo lao karo dokopa dee kandarami leya.

Matyu 23:39 ပူးပေါင်းရင်းမြစ်များ

Samu 118:26

Kamongona kingi lao epelyamo doko Anatumi elyape keta penale. Kamongona tembole anda dokona piso emba elyape keta pisale letamano.

Osia 3:4

Renge dopale dokome Isaraele wambu dupwa yuu rengyape mende nakamana kiŋi mende kara nara dee akali mupwape mende kara narako. Mena pyao kiso maiyuope mee kana mende wasapala lakandaope pyarepa kana minyuope ama rengyana mendepe koto kanda naramiko.

Matyu 21:9

Dokona wambu malu wamboko enakao pyuo peyaminyi dupwame pii porakaiyuo kaeyo lao dopa leyami. Dapitinya ikinyingi doko neta ipwamo kandalapa, Kamongona kingi lao epelyamo doko elyape keta penale. Yake dorena lakandamana leyami.

Luku 17:22

Lapala baame disaepole dupwa dopa lamaiya. Yuu mendepa nakama Ikinyingi Akali yuu gii dasipana mende eparamo kandamwali yaka lao suu pyaraminyipa angi nolakaramo kanda narami.

Jone 14:19

Rengya usale dokona isa wambu menge dupwame namba dee kanda nalominyi. Dopa piraminyipape nakamame namba kandarami. Namba angi lete karo dokona nakama opetae lete kararami.

Jone 14:9

Yesumi baa lamaiyuo, Pilipa namba nakama pipya yuu andarele karenge doŋo nakamame namba apisi lao soo gisa nalyamisi? leya. Mendalimi namba kandapala dokome baa opetae kando soo gisilyaminyi. Doko suu pyao namwa Rakange lasaka pipi letene doko akipamo letese?

Jone 8:21

Yesumi dee pii mende lamaiyuo, Namba mendasa paronopa nakamame namba koto karo nakamana koo dupwa paleta kumarami. Namba parono dokona kapa epa narami leya.

Jone 8:24

Nakamame namba Baaŋa lao suu pyaa narami ramo doko yulu koo pyuo karaminyi dopako pyuo karo kumarami ingilyamo. Dokona lao nakama koo paleta kumarami langyalono kandapi leya.

Jone 8:56

Nakamana rakange Aporakame dokome namba yuu gii eparo doko kandaro lao sepala monanda pyakalyuo pyao kareya. Enakana angi kandapala mona paleyamopa kareya leya.

Orome 11:25

Yangonemoo kinyinya renge yalu pyuo siyamo doko nambame nakama simili lao suu pilyu. Dokome nakama kendepuli mupwaŋa lao suu pyaa nalapa lao nyisara. Pii dopale ingyuo palamo. Isaraele wambu dupwa kamba lao karaminyipape rakyame dopako pyuo kamba lao karalu kararami ingya nalyamo. Enakana Isaraele daa rara wakale andarele sukusa epaparaminyi dokopa Isaraele wambu dupwa nakamana kamba lenge yulu dupwa yaki nyerami ingilyamo.